PIB NROG LUAG THAM
ZAJ KAWM 4
Txo Hwj Chim
Hauv paus ntsiab lus: “Yuav tsum txo hwj chim muab lwm tus saib hlob dua yus.”—Filipis 2:3.
Povlauj Coj Li Cas?
1. Saib zaj YEEB YAJ KIAB, los sis nyeem Tes Hauj Lwm 26:2, 3. Tom qab ntawd, tham txog ob lo lus no:
Thaum Povlauj nrog Vaj Ntxwv Akipas tham nws siv cov lus txo hwj chim li cas?
Povlauj siv tswv yim li cas, tib neeg thiaj txais yuav Vajtswv thiab Nws Txoj Lus?—Mus saib Tes Hauj Lwm 26:22.
Peb Kawm Tau Li Cas Los Ntawm Povlauj?
2. Yog peb saib taus tib neeg thiab txo hwj chim, lawv yuav xav mloog peb dua thaum peb qhia txoj xov zoo.
Xyaum Povlauj
3. Zam txhob hais lus loj loj. Txhob ua rau tus neeg koj nrog tham xav tias koj paub tshaj nws, ho nws ces tsis paub dab tsi li. Tseem ceeb rau koj hais lus saib taus tib neeg.
4. Tib neeg yuav tsum pom meej tias tej uas koj qhia yeej yog los ntawm phau Vajlugkub. Vajtswv Txoj Lus yuav pab hloov tau tib neeg tej kev xav, tab txawm tej yam tob tob nraim nkoos los yeej pab tau huv tib si. Yog peb siv Vajtswv Txoj Lus, ces tib neeg yuav tso siab rau Vajtswv dua.
5. Ua lub siab mos muag. Txhob tas zog ua qhia tias peb zaj thiaj yog xwb, peb yeej tsis xav kom muaj kev sib cav sib ceg. (Paj Lug 17:14; Titus 3:2) Yog peb ua lub siab tus tus teb, tej zaum yuav pab tau lawv xav mloog rau lwm zaus.