ZAJ NKAUJ 90
Ib Tug Txhawb Tau Ib Tug Lub Zog
(Henplais 10:24, 25)
1. Thaum peb txhawb tau txhua tus lub dag zog
Txojkev ntseeg Vajtswv thiaj yuav khov.
Kev hlub thiaj yog yam txhawb tau txhua tus,
Kom peb koom siab thiab txawj sib hlub.
Tej kev sib hlub sib pab hauv pawg ntseeg
Txhawb tau txhua tus kom txhob tsaug leeg.
Peb lub koom txoos yog qhov chaw tiv thaiv,
Yog peb lub chaw so thiab chaw nraim.
2. Yog hnov tej lus mos thiab tej lus muag,
Cas raug lub siab lub ntsws ua luaj.
Peb hnov tej lus txhawb zog zoo li no
Los ntawm cov ntseeg peb niaj hnub nrog.
Cas zoo siab ua luaj thaum sib koom tes
Nrog cov muaj kev ntseeg yam li peb.
Peb yuav tau nrhiav kev sib pab sib txhawb
Thiab kom txhua tus nyiaj tiag txhob txhawj.
3. Peb pom hais tias tsis ntev tom ntej no
Yehauvas hnub twb los yuav txog.
Peb yuav tsum txoos ua ke sib txhawb tiag,
Kom nco ntsoov coj li Vajtswv qhia.
Peb nrog cov paub Vajtswv koom ua ke
Teev tiam Nws mus ib txhis tsis tseg.
Yog li ib tug txhawb ib tug lub zog,
Kom tuav kev ntseeg tsis txhob muab tso.
(Rho ntawm Luk. 22:32; Teh. 14:21, 22; Kal. 6:2; 1 The. 5:14.)