ZAJ NKAUJ 139
Xav Txog Thaum Koj Nyob Hauv Lub Ntiajteb Tshiab
(Tshwmsim 21:1-5)
1. Xav txog lub caij thaum koj thiab kuv,
Tau nyob hauv lub ntiajteb tshiab tso siab lug.
Thaum lub caij ntawd, koj yuav hais zoj,
Tias kev thaj yeeb yuav zoo ua luaj no.
Vajtswv yuav kav mus tas ib txhis,
Tus coj limhiam los yuav tsis muaj ntxiv.
Txog caij lub ntiajteb yuav rov qab pib dua tshiab,
Txhua tus cia li seev suab qhuas
Vajtswv Yehauvas:
(TXAIS)
Vajtswv peb ris koj txiaj ntsig tsis txawj tas,
Vim yog koj tso Leej Tub los kho txhua yam.
Tej suab nkauj nrov doog diaj mus thoob rau
txhua txhia qhov,
Tus uas thiaj tsim nyog tau koob meej,
hwjchim, yog koj.
2. Saib koj thiab kuv nyob rau ntawm no,
Tos rawv lub ntiajteb tshiab los twb yuav txog.
Hnub ntawd Vajtswv yuav kho txhua tus,
Kom rov hnov lus thiab nyob tso siab lug.
Txhua yam nws hais yeej muaj tag nrho,
Vim tias Vajtswv twb los nrog neeg nyob.
Vajtswv yuav tsa cov neeg peb hlub thiab hmov tshua,
Txhua tus nrog peb seev suab qhuas
Vajtswv Yehauvas:
(TXAIS)
Vajtswv peb ris koj txiaj ntsig tsis txawj tas,
Vim yog koj tso Leej Tub los kho txhua yam.
Tej suab nkauj nrov doog diaj mus thoob rau
txhua txhia qhov,
Tus uas thiaj tsim nyog tau koob meej,
hwjchim, yog koj.
(Rho ntawm Pnk. 37:10, 11; Yay. 65:17; Yhs. 5:28; 2 Pet. 3:13.)