Yehauvas Yog Peb Lub Chaw Cawm Siav

1. Yehauvas yog chaw cawm siav,

Vajtswv peb tso siab tau.

Peb nkaum hauv nws tus duab ntxoo;

Yuav tau nyob twjywm hauv.

Vim nws yuav tiv thaiv peb mus li,

Peb yuav vam khom nws lub hwjchim.

Yehauvas yog chaw ruaj khov,

Ua tau cov ncaj ncees lub chaw nkaum.

2. Txawm txhiab leej yuav ntog pawg lug

Tuag rau ntawm koj sab xis,

Yog koj nrog nraim cov ncaj ncees,

Koj yuav tsis raug xwm li.

Tsis tas koj yuav txhawj ntshai tshee hnyo,

Tsam tej xwm txheej phem los raug koj.

Lub qhov muag tsuas yuav ntsia xwb,

Vim koj nraim hauv Vajtswv phab tis.

3. Vajtswv yuav tsom kwm koj tiag

Tsis pub koj raug dabtsi,

Thiab nws tsis pub koj plam taw

Txhawj ntshai los poob thab li.

Tus thav tsov ntxhuav koj yuav tsis ntshai;

Koj yuav tsuj ntiag nab raj kub sai.

Yehauvas yog chaw cawm siav,

Yuav tsom kwm peb txojkev ib txhis.