Tej Uas Pab Kom Peb Txawj Ua Vajtswv Tes Num—Npaj Thawj Ob Peb Lo Lus Kom Zoo
Vim Li Cas Ho Tseem Ceeb: Yog thawj ob peb lo lus uas peb hais tsis raug tus tswv tsev siab, tej zaum nws yuav tsis kam mloog peb ces peb yuav tsis tau nrog nws tham Vajlugkub lawm. Yog li ntawd, thawj ob peb lo lus uas peb hais rau tus tswv tsev tseem ceeb heev. Daim Tes Num Rau Lub Nceeg Vaj thiab phau Reasoning muaj qauv pab kom peb txawj nrog tibneeg tham, tiamsis cov qauv no muaj tej txhia tsis qhia seb peb yuav hais li cas. Txawm yog cov qauv uas qhia txhua yam rau peb hais los, tej zaum thaum peb hais peb kuj muab hloov lawm thiab. Vim li no, peb yuav tau ua zoo npaj thawj ob peb lo lus uas peb hais xwv peb thiaj tham raug tus tswv tsev siab. Yog peb tsis ua zoo npaj, ces peb yuav lam tau lam hais tsis muaj paus muaj ntsis thaum peb nrog tus tswv tsev tham.—P.L. 15:28.
Xyaum Li No Rau Lub Hli No:
Hmo nej tsev neeg pe hawm Vajtswv ua ke, siv mentsis sijhawm los xyaum thawj ob peb lo lus uas koj yuav mus nrog tibneeg tham.
Thaum mus qhia Vajlugkub, qhia cov uas koj nrog ua ke seb koj npaj hais thawj ob peb lo li cas. (P.L. 27:17) Yog lawv pom tias tsis zoo, koj yuav tau hloov koj cov lus.