Xav Ntsoov Txog Tus Nqe Zog!

1. Thaum cov dig muag rov qab pom dua

Thiab cov lag ntseg rov qab hnov dua,

Thaum tiaj suab puam tawg paj ntsa iab

Thiab cov av qhuav txhawv tej dej ntshiab,

Thaum cov ceg tawv dhia cuag li kauv,

Thiab cov yus hlub tsis ncaim ib zaug,

Koj yeej yuav pom tej koob hmoov no,

Yog koj xav ntsoov txog tus nqe zog.

2. Thaum cov laus yuav rov qab hluas dua,

Cov hais tsis tau lus rov muaj suab,

Thaum ntiajteb yuav txi qoob nrw niab

Thiab txhua yam zoo yuav muaj nplua mias,

Thaum tej menyuam seev suab ntsuag qees,

Thiab txhua qhov muaj kev sib haum xeeb,

Ces koj yuav pom cov tuag sawv los,

Yog koj xav ntsoov txog tus nqe zog.

3. Thaum hma thiab yaj yuav noj ua ke,

Thaum dais thiab nyuj ziab tshav ua ke,

Tus metub yuav coj lawv kev mus,

Thiab lawv yuav mloog nws suab mos hu.

Thaum kev quaj ntsuag twb dua tas lawm,

Thaum kev ntshai thiab kev mob dhau lawm,

Koj yuav pom tej Vajtswv hais no,

Yog koj xav ntsoov txog tus nqe zog.