Cov Lus Nug Rau Kuv Phau Ntawv Txog Phau Vajlugkub

Zaj 1

Vajtswv Pib Tsim Txhua Yam

1. Txhua yam zoo los ntawm leejtwg los, thiab koj puas paub ib yam yog dabtsi?

2. Vajtswv xub tsim dabtsi?

3. Vim li cas thawj tug tubtxib saum ntuj ho tseem ceeb?

4. Piav saib thaum chiv keeb lub ntiajteb zoo li cas. (Saib daim duab.)

5. Vajtswv tu lub ntiajteb no li cas kom thiaj zoo rau tsiaj txhu thiab tibneeg nyob?

Muaj lus nug ntxiv:

1. Nyeem Yelemi 10:12.

   Tej uas Vajtswv tsim qhia li cas txog nws? (Yaxaya 40:26; Loos 11:33)

2. Nyeem Kaulauxais (Khaulauxi) 1:15-17, TMZ.

   Yexus pab Vajtswv tsim ib puas tsav yam li cas, thiab tej no ua rau peb xav li cas txog nws? (Kaulauxais [Khaulauxi] 1:15-17, TMZ.)

3. Nyeem Chiv Keeb 1:1-10.

   1. (1) Leejtwg tsim lub ntiajteb? (Chiv Keeb 1:1)

   2. (2) Hnub 1 Vajtswv tsim dabtsi? (Chiv Keeb 1:3-5)

   3. (3) Piav saib hnub 2 Vajtswv tsim dabtsi. (Chiv Keeb 1:7, 8)

Zaj 2

Ib Lub Vaj Zoo Nkauj Heev

1. Vajtswv tsim dabtsi hauv lub ntiajteb no rau peb?

2. Piav saib Vajtswv tsim tej tsiaj zoo li cas. (Saib daim duab.)

3. Lub vaj Edee zoo li cas?

4. Vajtswv xav kom tag nrho lub ntiajteb no zoo li cas?

Muaj lus nug ntxiv:

1. Nyeem Chiv Keeb 1:11-25.

   1. (1) Hnub 3 Vajtswv tsim dabtsi? (Chiv Keeb 1:12)

   2. (2) Hnub 4 Vajtswv tsim dabtsi? (Chiv Keeb 1:16)

   3. (3) Hnub 5 thiab hnub 6 Vajtswv tsim tej tsiaj zoo li cas? (Chiv Keeb 1:20, 21, 25)

2. Nyeem Chiv Keeb 2:8, 9.

   Vajtswv muab 2 tsob ntoo uas tseem ceeb twg tso rau hauv lub vaj, thiab 2 tsob ntoo ntawd piv txwv txog dabtsi?

Zaj 3

Thawj Tug Txivneej Thiab Pojniam

1. Daim duab hauv Zaj 3 txawv li cas ntawm daim duab hauv Zaj 2?

2. Leejtwg tsim thawj tus txivneej, thiab tus txivneej ntawd lub npe hu li cas?

3. Vajtswv muab haujlwm dabtsi rau Adas ua?

4. Vim li cas Vajtswv ua rau Adas pw tsaug zog?

5. Yehauvas xav kom Adas thiab Eva nyob ntev npaum li cas, thiab nws xav kom nkawd ua txoj haujlwm dabtsi?

Muaj lus nug ntxiv:

1. Nyeem Khiav Dim 3:14, 15, hauv qab taw qhia.

   Vajtswv lub npe hu li cas, thiab nws lub meej mom siab npaum li cas? (Khiav Dim 33:19, hauv qab taw qhia; Daniyee 4:17)

2. Nyeem Chiv Keeb 1:26-31.

   1. (1) Hnub 6, Vajtswv tsim yam dabtsi uas zoo tshaj plaws, thiab yam ntawd txawv li cas ntawm tej tsiaj uas nws tau tsim? (Chiv Keeb 1:26)

   2. (2) Vajtswv npaj dabtsi rau tibneeg thiab tsiaj txhu? (Chiv Keeb 1:30)

3. Nyeem Chiv Keeb 2:7-25.

   1. (1) Ua li cas Adas ho paub tis npe rau tej tsiaj? (Chiv Keeb 2:19)

   2. (2) Chiv Keeb 2:24 pab peb to taub tias Yehauvas saib txojkev sib yuav, sib cais, thiab sib nrauj li cas? (Mathai 19:4-6, 9)

Zaj 4

Vim Li Cas Nkawd Tsis Tau Nyob Hauv Lub Vaj

1. Nyob hauv daim duab no, ua li cas rau Adas thiab Eva lawm?

2. Vim li cas Yehauvas thiaj rau txim rau nkawd?

3. Tus nab hais li cas rau Eva?

4. Leejtwg ua rau tus nab txawj hais lus rau Eva?

5. Vim li cas Adas thiab Eva tsis tau nyob hauv lub Vaj Kaj Siab lawm?

Muaj lus nug ntxiv:

1. Nyeem Chiv Keeb 2:16, 17 thiab 3:1-13, 24.

   1. (1) Thaum tus nab nug Eva nws dag li cas txog Yehauvas? (Chiv Keeb 3:1-5; 1 Yauhas 5:3)

   2. (2) Eva tus qauv pab kom peb ceev faj txog dabtsi? (Filipi 4:8; Yakaunpau 1:14, 15; 1 Yauhas 2:16)

   3. (3) Adas thiab Eva tsis kam lees kev txhaum li cas? (Chiv Keeb 3:12, 13)

   4. (4) Thaum Yehauvas muab cov Khelunpee tso ntawm lub vaj Edee qhov no qhia li cas txog Yehauvas txojkev kav? (Chiv Keeb 3:24)

2. Nyeem Qhia Tshwm 12:9.

   Xatas ntxias tau tibneeg coob npaum li cas los tawm tsam Vajtswv txojkev kav? (1 Yauhas 5:19)

Zaj 5

Pib Lub Neej Nyuaj Siab

1. Adas thiab Eva ua lub neej zoo li cas sab nraum lub vaj Edee?

2. Ua li cas rau Adas thiab Eva lawm, thiab yog vim li cas?

3. Vim li cas Adas thiab Eva cov menyuam txawj laus txawj tuag thiab?

4. Kheev Adas thiab Eva mloog Yehauvas lus, nkawd thiab nkawd cov menyuam lub neej yuav zoo li cas?

5. Tom qab Eva tsis mloog lus lawm, thaum nws yug menyuam zoo li cas rau nws?

6. Adas thiab Eva thawj 2 tug tub npe hu li cas?

7. Cov menyuam nyob hauv daim duab yog leejtwg?

Muaj lus nug ntxiv:

1. Nyeem Chiv Keeb 3:16-23 thiab 4:1, 2.

   1. (1) Adas lub neej zoo li cas thaum Vajtswv foom tsis zoo rau cov av? (Chiv Keeb 3:17-19; Loos 8:20, 22)

   2. (2) Eva lub npe txhais tias tus “muaj txojsia nyob.” Vim li cas ho tsim nyog muab nws hu li ntawd? (Chiv Keeb 3:20)

   3. (3) Txawm tias Adas thiab Eva tau ua txhaum los, Yehauvas tseem ua zoo rau nkawd li cas? (Chiv Keeb 3:7, 21)

2. Nyeem Qhia Tshwm 21:3, 4.

   “Tej qub” uas koj xav kom Vajtswv muab tshem tawm yog dabtsi?

Zaj 6

Tus Tub Zoo, Thiab Tus Tub Phem

1. Thaum Khayee thiab Anpee hlob tiav txiv ob tug ua haujlwm dabtsi?

2. Khayee thiab Anpee coj khoom dabtsi tuaj pub rau Yehauvas?

3. Vim li cas Yehauvas txaus siab rau Anpee qhov khoom pub, thiab tsis txaus siab rau Khayee qhov?

4. Khayee yog ib tug neeg zoo li cas, thiab Yehauvas ntuas nws li cas?

5. Khayee tau ua li cas rau Anpee thaum nkawd 2 leeg nyob tom teb xwb?

6. Piav saib ua li cas rau Khayee tom qab nws tua nws tus kwv.

Muaj lus nug ntxiv:

1. Nyeem Chiv Keeb 4:2-26.

   1. (1) Yehauvas hais li cas txog Khayee tus cwj pwm? (Chiv Keeb 4:7)

   2. (2) Khayee tau ua tej yam zoo li cas qhia tias nws muaj lub siab phem? (Chiv Keeb 4:9)

   3. (3) Yehauvas xav li cas txog txojkev tua tibneeg? (Chiv Keeb 4:10; Yaxaya 26:21)

2. Nyeem 1 Yauhas 3:11, 12.

   1. (1) Vim li cas Khayee thiaj npau taws ua luaj, thiab niaj hnub no qhov ntawd pab peb ceev faj txog dabsti? (Chiv Keeb 4:4, 5; Paj Lug 27:4; Yakaunpau 3:16)

   2. (2) Phau Vajlugkub qhia tias txawm yog peb tsev neeg tawm tsam Yehauvas los peb tseem tuav tau kev ntseeg ruaj nreeg li cas? (Ntawv Nkauj 27:10; Mathai 10:21, 22)

3. Nyeem Yauhas 11:25.

   Yehauvas cog lus tias cov uas tuag vim yog ua ncaj ncees yuav tau txais dabtsi? (Yauhas 5:24)

Zaj 7

Tus Txivneej Uas Siab Tawv Heev

1. Enauj txawv li cas?

2. Vim li cas cov tibneeg uas nyob rau Enauj lub sijhawm ua phem ua luaj?

3. Tej yam phem uas tibneeg ua yog dabtsi? (Saib daim duab.)

4. Vim li cas Enauj yuav tsum ua siab tawv?

5. Cov tibneeg nyob rau lub sijhawm ntawd nyob tau ntev npaum li cas, tiamsis Enauj ho nyob ntev li cas xwb?

6. Tom qab Enauj tuag lawm, lub ntiajteb zoo li cas lawm xwb?

Muaj lus nug ntxiv:

1. Nyeem Chiv Keeb 5:21-24, 27.

   1. (1) Enauj nrog Yehauvas sib raug zoo npaum li cas? (Chiv Keeb 5:24)

   2. (2) Raws li phau Vajlugkub qhia, leejtwg yog tus neeg uas nyob ntev tshaj plaws, thiab nws muaj pes tsawg xyoo thaum nws tuag? (Chiv Keeb 5:27)

2. Nyeem Chiv Keeb 6:5.

   Lub ntiajteb zoo li cas xwb tom qab Enauj tuag lawm, thiab peb tiam no zoo ib yam li Enauj tiam li cas? (2 Timaute 3:13)

3. Nyeem Henplais 11:5, TMZ.

   Enauj ua “haum Vajtswv siab” li cas, thiab thaum kawg zoo li cas rau nws xwb? (Chiv Keeb 5:22)

4. Nyeem Yuda 14, 15.

   Cov Khixatia niaj hnub no yuav ua li cas xyaum ua taus siab tawv zoo li Enauj thaum lawv ceeb toom tibneeg txog Amakedoo? (2 Timaute 4:2; Henplais 13:6)

Zaj 8

Cov Neeg Loj Thiab Siab Nyob Hauv Ntiajteb

1. Thaum Vajtswv cov tubtxib saum ntuj ib txhia mloog Xatas hais, ua li cas xwb?

2. Vim li cas ib txhia tubtxib saum ntuj tso lawv txoj haujlwm saum ntuj ceeb tsheej tseg thiab nqes los hauv ntiajteb?

3. Vim li cas ho txhaum rau cov tubtxib saum ntuj nqes los nyob hauv ntiajteb thiab hloov cev ua tibneeg?

4. Cov tubtxib saum ntuj cov menyuam txawv li cas?

5. Zoo li koj tau pom hauv daim duab, cov tubtxib saum ntuj cov menyuam coj zoo li cas thaum lawv loj thiab siab heev lawm?

6. Tom qab Enauj, leejtwg yog tus neeg zoo uas nyob hauv ntiajteb, thiab vim li cas Vajtswv ho nyiam nws?

Muaj lus nug ntxiv:

1. Nyeem Chiv Keeb 6:1-8.

   Chiv Keeb 6:6 qhia tias thaum peb ua phem Yehauvas xav li cas xwb? (Ntawv Nkauj 78:40, 41; Paj Lug 27:11)

2. Nyeem Yuda 6.

   Cov tubtxib saum ntuj uas “tso lawv tej chaw nyob tseg” rau Nau-a lub sijhawm, pab peb nco ntsoov li cas rau niaj hnub nimno? (1 Khaulee 3:5-9; 2 Petus 2:4, 9, 10)

Zaj 9

Nau-a Ua Ib Lub Nkoj

1. Nau-a tsev neeg muaj pes tsawg leej, thiab nws 3 tug tub npe hu li cas?

2. Vajtswv hais kom Nau-a ua dabtsi, thiab yog vim li cas?

3. Nau-a cov kwvtij zej zog xav li cas xwb thaum nws qhia lawv txog lub nkoj?

4. Vajtswv qhia kom Nau-a ua li cas rau cov tsiaj?

5. Tom qab Vajtswv kaw lub qhov rooj nkoj lawm, Nau-a thiab nws tsev neeg ua dabtsi?

Muaj lus nug ntxiv:

1. Nyeem Chiv Keeb 6:9-22.

   1. (1) Vim li cas Nau-a ua tau ib tug neeg pe hawm Vajtswv zoo ua luaj? (Chiv Keeb 6:9, 22)

   2. (2) Yehauvas xav li cas txog kev ua nruj ua tsiv, thiab qhov no pab peb li cas kom peb paub xaiv tej uas peb nyeem, saib, thiab ua? (Chiv Keeb 6:11, 12; Ntawv Nkauj 11:5)

   3. (3) Peb yuav xyaum Nau-a li cas thaum Yehauvas lub koom haum cob qhia peb? (Chiv Keeb 6:22; 1 Yauhas 5:3)

2. Nyeem Chiv Keeb 7:1-9.

   Nau-a yog neeg txhaum tiamsis Yehauvas suav tias nws yog neeg ncaj ncees, qhov no txhawb tau peb li cas niaj hnub no? (Chiv Keeb 7:1; Paj Lug 10:16; Yaxaya 26:7)

Zaj 10

Dej Dag Nyab Ntiajteb

1. Vim li cas thaum pib los nag tibneeg mus tsis tau rau hauv lub nkoj lawm?

2. Yehauvas tso nag los tau pes tsawg hnub pes tsawg hmo, thiab dej nyab siab npaum li cas?

3. Thaum dej pib nyab lub ntiajteb, ua li cas rau lub nkoj?

4. Cov neeg loj thiab siab puas dim thaum Dej Nyab, thiab ua li cas rau lawv txiv lawm?

5. Tom qab 5 lub hlis ua li cas rau lub nkoj?

6. Vim li cas Nau-a tso tus uab lag tawm hauv lub nkoj mus?

7. Ua li cas Nau-a thiaj paub tias dej nqeg lawd?

8. Vajtswv hais li cas rau Nau-a tom qab Nau-a thiab nws tsev neeg nyob hauv lub nkoj tau 1 xyoos ntau?

Muaj lus nug ntxiv:

1. Nyeem Chiv Keeb 7:10-24.

   1. (1) Yehauvas rhuav tshem dabtsi xwb? (Chiv Keeb 7:23)

   2. (2) Ntev npaum li cas dej mam li nqeg tas? (Chiv Keeb 7:24)

2. Nyeem Chiv Keeb 8:1-17.

   Chiv Keeb 8:17 qhia li cas tias Yehauvas lub ntsiab rau lub ntiajteb tsis tau hloov? (Chiv Keeb 1:22)

3. Nyeem 2 Petus 2:4, 5.

   1. (1) Thaum cov tubtxib saum ntuj uas fav xeeb rov mus txog saum ntuj ceeb tsheej, lawv raug txiav txim li cas? (Yuda 6)

   2. (2) Zaj lus qhia txog Nau-a thiab nws tsev neeg txhawb tau peb li cas kom peb tso siab tias Yehauvas muaj peevxwm cawm tau nws cov tibneeg? (2 Petus 2:9)

Zaj 11

Thawj Tug Duab Zaj

1. Zoo li pom nyob hauv daim duab, thaum Nau-a tawm hauv lub nkoj los nws xub ua dabtsi?

2. Vajtswv tau hais li cas rau Nau-a thiab nws tsev neeg tom qab Dej Nyab?

3. Vajtswv cog lus tseg li cas?

4. Thaum peb pom ib tug duab zaj, peb yuav tsum nco txog dabtsi?

Muaj lus nug ntxiv:

1. Nyeem Chiv Keeb 8:18-22.

   1. (1) Niaj hnub no peb yuav ua tej “pa tsw qab” li cas rau Yehauvas? (Chiv Keeb 8:21; Henplais 13:15, 16)

   2. (2) Yehauvas pom tias tibneeg muaj lub siab zoo li cas, yog li ntawd peb yuav tsum ceev faj li cas? (Chiv Keeb 8:21; Mathai 15:18, 19; Paj Lug 4:23)

2. Nyeem Chiv Keeb 9:9-17.

   1. (1) Yehauvas cog lus li cas rau txhua yam uas ciaj sia nyob hauv ntiajteb? (Chiv Keeb 9:10, 11)

   2. (2) Yehauvas yuav nco nws cov lus cog tseg txog tus duab zaj ntev npaum li cas? (Chiv Keeb 9:16)

Zaj 12

Neeg Ua Ib Tug Pej Thuam Siab Heev

1. Nilauj yog leejtwg, thiab Vajtswv xav li cas txog nws?

2. Vim li cas tibneeg ua tej thwv cib hauv daim duab?

3. Vim li cas Yehauvas tsis txaus siab thaum lawv ua tus pej thuam?

4. Vajtswv tau ua li cas lawv thiaj tso tseg tsis ua tus pej thuam lawm?

5. Lub nroog no hu li cas, thiab lub npe ntawd txhais li cas?

6. Tom qab Vajtswv ua rau lawv nyias hais nyias ib yam lus lawm, ua li cas rau cov tibneeg ntawd?

Muaj lus nug ntxiv:

1. Nyeem Chiv Keeb 10:1, 8-10.

   Nilauj yog ib tug neeg zoo li cas, thiab qhov no qhia kom peb ceev faj li cas? (Paj Lug 3:31)

2. Nyeem Chiv Keeb 11:1-9.

   Vim li cas lawv ua tus pej thuam, thiab vim li cas lawv tes haujlwm yeej yuav tsis tiav? (Chiv Keeb 11:4; Paj Lug 16:18; Yauhas 5:44)

Zaj 13

Aplahas Yog Vajtswv Tus Phoojywg

1. Cov tibneeg nyob hauv lub moos Aw coj zoo li cas xwb?

2. Tus txivneej hauv daim duab yog leejtwg, nws yug thaum twg, thiab nws nyob qhovtwg?

3. Vajtswv hais kom Aplahas ua dabtsi?

4. Vim li cas Aplahas thiaj yog Vajtswv tus phoojywg?

5. Leejtwg nrog Aplahas khiav tawm hauv lub moos Aw?

6. Thaum Aplahas khiav los txog hauv Khana-as tebchaws Vajtswv hais li cas rau nws?

7. Thaum Aplahas muaj 99 xyoos Vajtswv tau cog lus li cas rau nws?

Muaj lus nug ntxiv:

1. Nyeem Chiv Keeb 11:27-32.

   1. (1) Aplahas thiab Lauj sib txheeb li cas? (Chiv Keeb 11:27)

   2. (2) Phau Vajlugkub qhia tias Thela yog tus coj nws tsev neeg khiav mus rau Khana-as tebchaws, tiamsis ua li cas peb thiaj paub tias Aplahas yog tus ntaus thawj coj nws tsev neeg khiav, thiab vim li cas lawv thiaj khiav? (Chiv Keeb 11:31; Tubtxib Tes Haujlwm 7:2-4)

2. Nyeem Chiv Keeb 12:1-7.

   Yehauvas cog lus li cas ntxiv rau Aplahas thaum lawv mus txog Khana-as tebchaws? (Chiv Keeb 12:7)

3. Nyeem Chiv Keeb 17:1-8, 15-17.

   1. (1) Thaum Aplas muaj 99 xyoos Vajtswv tau muab nws tis npe tshiab li cas, thiab yog vim li cas? (Chiv Keeb 17:5)

   2. (2) Yehauvas cog lus tias Xala yuav tau txais tej koob hmoov twg? (Chiv Keeb 17:15, 16)

4. Nyeem Chiv Keeb 18:9-19.

   1. (1) Chiv Keeb 18:19 qhia tias leej txiv muaj tes haujlwm dabtsi? (Kevcai 6:6, 7; Efexau 6:4)

   2. (2) Xala tau ua li cas qhia tias peb zais tsis tau ib yam dabtsi ntawm Yehauvas? (Chiv Keeb 18:12, 15; Ntawv Nkauj 44:21)

Zaj 14

Vajtswv Sim Aplahas Txojkev Ntseeg

1. Vajtswv tau cog lus li cas rau Aplahas, thiab Vajtswv ua raws li nws tej lus cog tseg li cas?

2. Zoo li tau pom hauv daim duab, Vajtswv tau sim Aplahas txojkev ntseeg li cas?

3. Txawm yog Aplahas tsis to taub tias vim li cas Yehauvas hais kom nws muab Yiha xyeem los, Aplahas ua li cas xwb?

4. Thaum Aplahas muab riam los tua nws tus tub tau muaj li cas?

5. Aplahas muaj kev ntseeg loj npaum li cas rau Vajtswv?

6. Vajtswv npaj dabtsi los rau Aplahas tua xyeem, thiab nws ua li no li cas?

Muaj lus nug ntxiv:

1. Nyeem Chiv Keeb 21:1-7.

   Vim li cas Aplahas thiaj muab nws tus tub ua kevcai txiav thaum nws muaj 8 hnub? (Chiv Keeb 17:10-12; 21:4)

2. Nyeem Chiv Keeb 22:1-18.

   Yiha mloog nws txiv Aplahas lus npaum li cas, thiab qhov no ua piv txwv txog tej yam tseem ceeb twg rau yav tom hauv ntej? (Chiv Keeb 22:7-9; 1 Khaulee 5:7; Filipi 2:8, 9)

Zaj 15

Lauj Tus Pojniam Tig Saib Qab

1. Vim li cas Aplahas thiab Lauj sib ncaim?

2. Vim li cas Lauj txiav txim siab mus nyob hauv lub moos Xaudoo?

3. Cov neeg nyob hauv lub moos Xaudoo coj li cas?

4. Ob tug tubtxib saum ntuj ceeb toom Lauj txog dabtsi?

5. Vim li cas Lauj tus pojniam thiaj khov ua ib tug ncej ntsev?

6. Peb kawm tau dabtsi los ntawm Lauj tus pojniam?

Muaj lus nug ntxiv:

1. Nyeem Chiv Keeb 13:5-13.

   Thaum peb muaj teeb meem nrog lwm tus, peb yuav xyaum Aplahas li cas? (Chiv Keeb 13:8, 9; Loos 12:10; Filipi 2:3, 4)

2. Nyeem Chiv Keeb 18:20-33.

   Yehauvas coj li cas nrog Aplahas thiab qhov no pab peb tso siab li cas tias Yehauvas thiab Yexus yuav txiav txim ncaj ncees? (Chiv Keeb 18:25, 26; Mathai 25:31-33)

3. Nyeem Chiv Keeb 19:1-29.

   1. (1) Cov nqe Vajlugkub no qhia tias Vajtswv xav li cas txog txojkev txivneej deev txivneej? (Chiv Keeb 19:5, 13; Levi Tej Kevcai 20:13)

   2. (2) Thaum Vajtswv muab lus sam hwm rau Lauj thiab Aplahas, Lauj coj txawv li cas ntawm Aplahas, thiab peb kawm tau li cas ntawm qhov no? (Chiv Keeb 19:15, 16, 19, 20; 22:3)

4. Nyeem Luka 17:28-32.

   Lauj tus pojniam xav li cas hauv nruab siab txog tej nyiaj txiag qhov txhia chaw, thiab qhov no pab peb ceev faj li cas? (Luka 12:15; 17:31, 32; Mathai 6:19-21, 25)

5. Nyeem 2 Petus 2:6-8.

   Zoo ib yam li Lauj, peb yuav tsum xav li cas txog cov tibneeg tsis hwm Vajtswv uas nyob puag ncig peb? (Exekhee 9:4; 1 Yauhas 2:15-17)

Zaj 16

Yiha Tau Ib Tug Pojniam Zoo

1. Tus txivneej thiab tus pojniam hauv daim duab yog leejtwg?

2. Aplahas tau ua li cas nws thiaj nrhiav tau pojniam rau nws tus tub, thiab vim li cas?

3. Vajtswv teb Aplahas tus tub qhe tej lus thov li cas?

4. Lenpekha teb li cas thaum lawv nug nws tias nws puas kam mus yuav Yiha?

5. Dabtsi ua rau Yiha rov zoo siab dua?

Muaj lus nug ntxiv:

1. Nyeem Chiv Keeb 24:1-67.

   1. (1) Lenpekha muaj tus yeeb yam zoo li cas thaum nws ntsib Aplahas tus tub qhe ntawm lub qhov dej? (Chiv Keeb 24:17-20; Paj Lug 31:17, 31)

   2. (2) Tej uas Aplahas npaj rau Yiha, tseg ib tug qauv zoo li cas rau cov Khixatia niaj hnub no? (Chiv Keeb 24:37, 38; 1 Khaulee 7:39; 2 Khaulee 6:14)

   3. (3) Thaum Yiha nyob tom teb nws ua tib zoo xav txog nws lub neej, vim li cas peb yuav tsum nrhiav sijhawm los ua li ntawd thiab? (Ntawv Nkauj 77:12; Filipi 4:8)

Zaj 17

Ob Tug Ntxaib Uas Tsis Sib Thooj

1. Exau thiab Yakhauj yog leejtwg, thiab Exau txawv li cas ntawm Yakhauj?

2. Exau thiab Yakhauj muaj pes tsawg xyoo thaum nkawd yawg Aplahas tuag?

3. Exau tau ua dabtsi nws niam thiab nws txiv thiaj li nyuaj siab?

4. Vim li cas Exau yuav chim ua luaj rau nws tus kwv Yakhauj?

5. Yiha qhia kom nws tus tub Yakhauj ua dabtsi?

Muaj lus nug ntxiv:

1. Nyeem Chiv Keeb 25:5-11, 20-34.

   1. (1) Yehauvas qhia ua ntej li cas txog Lenpekha 2 tug tub? (Chiv Keeb 25:23)

   2. (2) Yakhauj saib feem ua tijlaug zoo li cas thiab Exau xav txawv li cas? (Chiv Keeb 25:31-34)

2. Nyeem Chiv Keeb 26:34, 35; 27:1-46; thiab 28:1-5.

   1. (1) Dabtsi qhia meej tias Exau saib tej yam ntawm sab kev ntseeg tsis rau nqe? (Chiv Keeb 26:34, 35; 27:46)

   2. (2) Yuav kom Yakhauj txais tau Vajtswv qhov koob hmoov, Yiha qhia kom Yakhauj ua dabtsi? (Chiv Keeb 28:1-4)

3. Nyeem Henplais 12:16, 17.

   Exau tus qauv qhia peb tias cov uas saib tsis taus tej yam dawb huv yuav raug dabtsi xwb?

Zaj 18

Yakhauj Mus Pem Halas

1. Tus pojniam hluas hluas hauv daim duab yog leejtwg, thiab Yakhauj pab nws li cas?

2. Yuav kom Yakhauj tau Lachee ua pojniam nws yuav tsum txaus siab ua dabtsi?

3. Thaum txog caij muab Lachee rau Yakhauj yuav, Lanpas tau ua li cas?

4. Yakhauj txaus siab ua dabtsi kom nws thiaj tau Lachee los ua nws tus pojniam?

Muaj lus nug ntxiv:

1. Nyeem Chiv Keeb 29:1-30.

   1. (1) Txawm yog Lanpas tau dag Yakhauj los Yakhauj coj ncaj li cas, thiab qhov no qhia li cas rau peb? (Chiv Keeb 29:26-28; Xwm Txheej Taug Kev 30:2)

   2. (2) Yakhauj tus yam ntxwv qhia tias kev hlub zoo li cas tiag? (Chiv Keeb 29:18, 20, 30; Xalaumoo Zaj Nkauj 8:6)

   3. (3) Plaub tug pojniam hauv Yakhauj tsev neeg uas yug nws cov tub yog leejtwg? (Chiv Keeb 29:23, 24, 28, 29)

Zaj 19

Yakhauj Tsev Neeg Coob Heev

1. Yakhauj thiab Le-a muaj 6 tus tub, lawv cov npe hu li cas?

2. Le-a tus nkauj qhev Xilapa yug tau 2 tug tub rau Yakhauj, nkawd npe hu li cas?

3. Lachee tus nkauj qhev Npiha yug tau 2 tug tub rau Yakhauj, nkawd npe hu li cas?

4. Lachee 2 tug tub hu li cas, thiab ua li cas rau Lachee tom qab yug tau tus tub yau?

5. Zoo li peb pom hauv daim duab, Yakhauj muaj pes tsawg tus tub, thiab lawv tau los ua haiv neeg twg?

Muaj lus nug ntxiv:

1. Nyeem Chiv Keeb 29:32-35; 30:1-26; thiab 35:16-19.

   Zoo li Yakhauj 12 leeg tub, yav thaum ub cov Henplais tis npe li cas rau lawv cov tub?

2. Nyeem Chiv Keeb 37:35.

   Phau Vajlugkub tsuas qhia txog Dina xwb, tiamsis ua li cas peb ho paub tias Yakhauj muaj lwm cov ntxhais thiab? (Chiv Keeb 37:34, 35)

Zaj 20

Dina Ntsib Teeb Meem

1. Vim li cas Aplahas thiab Yiha tsis kam lawv cov menyuam yuav cov neeg nyob hauv Khana-as tebchaws?

2. Yakhauj puas txaus siab rau nws tus ntxhais mus ua phoojywg nrog cov ntxhais Khana-as?

3. Tus txivneej hauv daim duab uas ntsia ntsoov Dina hu li cas, thiab nws tau ua phem li cas?

4. Dina 2 tug nus Xime-oo thiab Levi tau ua li cas thaum nkawd hnov tias Dina ntsib teeb meem?

5. Yakhauj puas pom zoo rau Xime-oo thiab Levi ua li ntawd?

6. Vim li cas lawv tsev neeg thiaj muaj tej teeb meem no?

Muaj lus nug ntxiv:

1. Nyeem Chiv Keeb 34:1-31.

   1. (1) Puas yog Dina mus saib cov ntxhais Khana-as ib zaug xwb? Piav saib. (Chiv Keeb 34:1, NW)

   2. (2) Thaum Sekhee yuam Dina nrog nws pw, yeej yog Sekhee ua txhaum. Tiamsis ua li cas kuj yog tim Dina thiab? (Kalatia 6:7)

   3. (3) Cov hluas niaj hnub no yuav ua li cas qhia tias lawv nco ntsoov Dina tus qauv? (Paj Lug 13:20; 1 Khaulee 15:33; 1 Yauhas 5:19)

Zaj 21

Yauxej Cov Tijlaug Ntxub Nws

1. Vim li cas Yauxej cov tijlaug khib nws, thiab lawv tau ua li cas rau nws?

2. Yauxej cov tijlaug xav ua dabtsi rau nws, tiamsis Lunpee ho hais li cas?

3. Yauxej cov tijlaug muab nws ua li cas thaum cov tub luam Yisama-ee tuaj txog?

4. Yauxej cov tijlaug tau ua dabtsi kom lawv txiv ntseeg tias Yauxej tuag lawm?

Muaj lus nug ntxiv:

1. Nyeem Chiv Keeb 37:1-35.

   1. (1) Yog tias muaj ib tug neeg ua txhaum, cov Khixatia yuav xyaum Yauxej tus qauv li cas es mus qhia cov txwj laus hauv lub koom txoos? (Chiv Keeb 37:2; Kevcai 13:6-8; 1 Khaulee 1:11)

   2. (2) Dabtsi ua rau Yauxej cov tijlaug ntxeev siab rau nws? (Chiv Keeb 37:11, 18; Paj Lug 27:4; Yakaunpau 3:14-16)

   3. (3) Yakhauj tau ua li cas thaum nws hnov tias Yauxej tuag lawm thiab puas zoo rau peb ua li no? (Chiv Keeb 37:34)

Zaj 22

Yauxej Raug Kaw Hauv Nkuaj

1. Thaum lawv coj Yauxej mus nram Iyi tebchaws nws muaj pes tsawg xyoo, thiab thaum nws mus txog nram Iyi tebchaws ua li cas rau nws?

2. Ua li cas Yauxej raug kaw rau hauv nkuaj?

3. Thaum Yauxej nyob hauv nkuaj nws tau txais txoj haujlwm dabtsi ua?

4. Nyob hauv nkuaj Yauxej tau qhia dabtsi rau tus uas ce cawv txiv hmab rau Falau thiab tus uas ua ncuav rau Falau?

5. Tom qab tus uas ce cawv txiv hmab tawm hauv nkuaj lawm nws ua li cas xwb?

Muaj lus nug ntxiv:

1. Nyeem Chiv Keeb 39:1-23.

   Lub sijhawm Yauxej nyob twb tsis tau sau Vajtswv tej kevcai uas qhia tias txhob deev luag poj luag sev. Yog ua li cas Yauxej ho khiav ntawm Pautifa tus pojniam? (Chiv Keeb 2:24; 20:3; 39:9)

2. Nyeem Chiv Keeb 40:1-23.

   1. (1) Piav mentsis txog tus uas ce cawv txiv hmab zaj npau suav thiab qhia saib Yehauvas pab Yauxej txhais zaj npau suav ntawd li cas. (Chiv Keeb 40:9-13)

   2. (2) Tus uas ua ncuav zaj npau suav yog li cas, thiab txhais li cas? (Chiv Keeb 40:16-19)

   3. (3) Niaj hnub no tus qhev ncaj thiab ntse xyaum Yauxej tus cwj pwm li cas? (Chiv Keeb 40:8; Ntawv Nkauj 36:9; Yauhas 17:17; Tubtxib Tes Haujlwm 17:2, 3)

   4. (4) Cov Khixatia saib txojkev ua nco txog hnub yug zoo li cas, thiab Chiv Keeb 40:20, 22 pab peb to taub qhov ntawd li cas? (Laj Lim Tswvyim 7:1; Malakau 6:21-28)

Zaj 23

Falau 2 Zaj Npau Suav

1. Muaj ib hmos ua li cas rau Falau?

2. Vim li cas tus ce cawv txiv hmab rov nco txog Yauxej?

3. Nyob hauv daim duab, Falau ua 2 zaj npau suav zoo li cas?

4. Yauxej hais tias 2 zaj npau suav txhais li cas?

5. Ua li cas Yauxej thiaj tau ua tus nom yau Falau xwb?

6. Vim li cas Yauxej cov kwvtij tuaj hauv Iyi tebchaws, thiab vim li cas lawv ho tsis paub nws lawm?

7. Yauxej nco txog nws zaj npau suav twg, thiab zaj npau suav ntawd pab nws to taub li cas?

Muaj lus nug ntxiv:

1. Nyeem Chiv Keeb 41:1-57.

   1. (1) Yauxej hais li cas txog Yehauvas, thiab cov Khixatia niaj hnub no yuav xyaum nws tus qauv li cas? (Chiv Keeb 41:16, 25, 28; Mathai 5:16; 1 Petus 2:12)

   2. (2) Cov niaj xyoo uas muaj qoob loo nplua mias nyob rau hauv Iyi tebchaws, zoo ib yam li Yehauvas cov tibneeg niaj hnub no li cas? Cov niaj xyoo uas muaj kev tshaib nqhis, zoo ib yam li cov Khixatia Cuav li cas? (Chiv Keeb 41:29, 30; Amau 8:11, 12)

2. Nyeem Chiv Keeb 42:1-8 thiab 50:20.

   Puas txhaum yog tias Yehauvas cov tibneeg mus hawm lwm tus vim lawv saib taus tus neeg ntawd lub meej mom raws li lub tebchaws txoj cai? (Chiv Keeb 42:6)

Zaj 24

Yauxej Sim Nws Cov Kwvtij

1. Vim li cas Yauxej liam tias nws cov tijlaug yog neeg tshuaj tebchaws?

2. Vim li cas Yakhauj ho tso nws tus tub ntxawg Npeeyamee mus nram Iyi tebchaws?

3. Ua li cas Yauxej lub khob nyiaj ho nyob hauv Npeeyamee lub hnab?

4. Yuda hais li cas kom Yauxej tso Npeeyamee mus tsev?

5. Yauxej cov tijlaug hloov siab li cas lawm?

Muaj lus nug ntxiv:

1. Nyeem Chiv Keeb 42:9-38.

   Yauxej cov lus ntawm Chiv Keeb 42:18 pab kom cov uas tuav haujlwm hauv Yehauvas lub koom haum niaj hnub no nco ntsoov li cas? (Nehemi 5:15; 2 Khaulee 7:1, 2)

2. Nyeem Chiv Keeb 43:1-34.

   1. (1) Lunpee twb yog tus tub hlob tiamsis vim li cas Yuda ho ua tus sawv cev ntawm nws cov kwvtij? (Chiv Keeb 43:3, 8, 9; 44:14, 18; 1 Vaj Keeb Kwm 5:2)

   2. (2) Yauxej sim nws cov tijlaug li cas, thiab yog vim li cas? (Chiv Keeb 43:33, 34)

3. Nyeem Chiv Keeb 44:1-34.

   1. (1) Thaum Yauxej sim nws cov kwvtij, nws ua txuj hais tias nws txawj ua dabtsi? (Chiv Keeb 44:5, 15; Levi Tej Kevcai 19:26)

   2. (2) Yauxej cov tijlaug tau ua li cas qhia tias lawv tsis muaj lub siab khib lawm? (Chiv Keeb 44:13, 33, 34)

Zaj 25

Yakhauj Tsev Neeg Tsiv Mus Nram Iyi Teb

1. Yauxej cov kwvtij xav li cas xwb thaum nws qhia rau lawv tias nws yog leejtwg?

2. Yauxej ua tib zoo hais li cas rau nws cov kwvtij?

3. Thaum Falau hnov txog Yauxej cov kwvtij, nws hais li cas rau Yauxej?

4. Yakhauj tsev neeg coob npaum li cas thaum lawv tsiv mus nram Iyi tebchaws?

5. Yakhauj tsev neeg tau lub npe hu li cas, thiab vim li cas thiaj hu li ntawd?

Muaj lus nug ntxiv:

1. Nyeem Chiv Keeb 45:1-28.

   Tej uas phau Vajlugkub qhia txog Yauxej pab peb pom tias Yehauvas muab tau qhov phem uas yuav raug nws cov tub qhe ntxeev ua qhov zoo li cas? (Chiv Keeb 45:5-8; Yaxaya 8:10; Filipi 1:12-14)

2. Nyeem Chiv Keeb 46:1-27.

   Thaum Yakhauj tsiv mus nram Iyi tebchaws, Yehauvas pab kom Yakhauj tso siab li cas rau nws? (Chiv Keeb 46:1-4)

Zaj 26

Yauj Muab Siab Npuab Vajtswv

1. Yauj yog leejtwg?

2. Xatas xav kom sawvdaws ua li cas, tiamsis puas muaj li nws xav ntawd?

3. Yehauvas cia Xatas ua dabtsi, thiab vim li cas?

4. Vim li cas Yauj tus pojniam hais rau nws tias ‘cia li cem Vajtswv es tuag mus’? (Saib daim duab.)

5. Zoo li koj pom nyob hauv daim duab sab xis, Yehauvas foom koob hmoov li cas rau Yauj, thiab vim li cas?

6. Yog tias peb muab siab npuab Yehauvas ib yam li Yauj, peb yuav tau txais tej koob hmoov twg?

Muaj lus nug ntxiv:

1. Nyeem Yauj 1:1-22.

   Cov Khixatia niaj hnub no yuav xyaum Yauj li cas? (Yauj 1:1; Filipi 2:15; 2 Petus 3:14)

2. Nyeem Yauj 2:1-13.

   Yauj thiab nws tus pojniam coj txawv li cas thaum Xatas tsim txom nkawd? (Yauj 2:9, 10; Paj Lug 19:3; Mikha 7:7; Malakhi 3:14)

3. Nyeem Yauj 42:10-17.

   1. (1) Yauj thiab Yexus coj lub neej ncaj ncees. Nkawd qhov nqe zog zoo sib xws li cas? (Yauj 42:12; Filipi 2:9-11)

   2. (2) Tej koob hmoov uas Yauj tau txais vim nws muab siab npuab Yehauvas txhawb tau peb zog li cas? (Yauj 42:10, 12; Henplais 6:10; Yakaunpau 1:2-4, 12; 5:11)

Zaj 27

Ib Tug Vajntxwv Phem Kav Iyi Teb

1. Nyob hauv daim duab, tus txivneej uas tuav rab nplawm yog leejtwg, thiab nws tabtom muab leejtwg nplawm?

2. Tom qab Yauxej tuag lawm, ua li cas rau cov Yixayee?

3. Vim li cas cov Iyi pib ntshai cov Yixayee?

4. Falau hais kom cov pojniam uas pab cov Yixayee yug menyuam ua dabtsi?

Muaj lus nug ntxiv:

1. Nyeem Khiav Dim 1:6-22.

   1. (1) Yehauvas pib ua raws li nws tej lus cog tseg rau Aplahas li cas? (Khiav Dim 1:7; Chiv Keeb 12:2; Tubtxib Tes Haujlwm 7:17)

   2. (2) Txojsia tseem ceeb kawg li rau Yehauvas. Cov pojniam Henplais uas pab neeg yug menyuam tau ua li cas qhia tias lawv saib taus txojsia? (Khiav Dim 1:17; Chiv Keeb 9:6)

   3. (3) Rau qhov cov pojniam uas pab cov Yixayee yug menyuam ua ncaj rau Yehauvas, lawv tau txais tej nqe zog dabtsi? (Khiav Dim 1:20, 21; Paj Lug 19:17)

   4. (4) Xatas nrhiav kev los rhuav Yehauvas lub hom phiaj txog Aplahas tus xeeb ntxwv li cas? (Khiav Dim 1:22; Mathai 2:16)

Zaj 28

Ua Cas Thiaj Cawm Tau Mauxe

1. Tus menyuam nyob hauv daim duab yog leejtwg, thiab nws tuav rawv leejtwg tus ntiv tes?

2. Mauxe niam cawm Mauxe li cas?

3. Tus menyuam ntxhais nyob hauv daim duab yog leejtwg, thiab nws tau ua dabtsi?

4. Thaum Falau tus ntxhais nrhiav tau tus menyuam, Mili-as hais li cas rau nws?

5. Falau tus ntxhais hais li cas rau Mauxe niam?

Muaj lus nug ntxiv:

1. Nyeem Khiav Dim 2:1-10.

   Mauxe niam siv lub caij twg los qhuab qhia Mauxe thaum nws tseem yau, thiab nws tus qauv pab tau cov niam txiv niaj hnub no li cas? (Khiav Dim 2:9, 10; Kevcai 6:6-9; Paj Lug 22:6; Efexau 6:4; 2 Timaute 3:15)

Zaj 29

Vim Li Cas Mauxe Khiav

1. Mauxe loj hlob hauv leejtwg tsev, thiab nws paub li cas txog nws niam thiab nws txiv?

2. Thaum Mauxe muaj 40 xyoo nws tau ua dabtsi?

3. Mauxe hais li cas rau tus txivneej Yixayee uas tabtom sib ntaus, thiab tus txivneej ntawd teb Mauxe li cas?

4. Vim li cas Mauxe thiaj khiav tawm hauv Iyi tebchaws?

5. Mauxe khiav mus rau qhovtwg, thiab nws mus ntsib leejtwg?

6. Mauxe khiav mus nyob Midee tebchaws tau 40 xyoo. Lub sijhawm ntawd nws ua lub neej zoo li cas xwb?

Muaj lus nug ntxiv:

1. Nyeem Khiav Dim 2:11-25.

   Txawm yog Mauxe tau kawm cov Iyi tej kev txawj ntse tau ntau xyoo los, Mauxe tseem muab siab npuab Yehauvas thiab nws cov tibneeg li cas? (Khiav Dim 2:11, 12; Henplais 11:24)

2. Nyeem Tubtxib Tes Haujlwm 7:22-29.

   Vim li cas Mauxe tus kheej kiag cawm tsis tau cov Yixayee dim txojkev ua qhev, thiab peb kawm tau li cas ntawm qhov no? (Tubtxib Tes Haujlwm 7:23-25; 1 Petus 5:6, 10)

Zaj 30

Tsob Ntoo Muaj Nplaim Taws Cig

1. Lub roob hauv daim duab hu li cas?

2. Piav saib yam txawv txawv uas Mauxe pom ntawm lub roob yog dabtsi.

3. Lub suab uas hais hauv tsob ntoo tuaj yog leejtwg lub, thiab nws hais dabtsi?

4. Mauxe teb li cas thaum Vajtswv hais kom nws mus coj Vajtswv cov tibneeg tawm hauv Iyi tebchaws?

5. Yog thaum tibneeg nug tias leejtwg txib Mauxe, Vajtswv qhia kom Mauxe teb lawv li cas?

6. Mauxe yuav ua dabtsi los qhia tias yog Vajtswv txib nws tiag?

Muaj lus nug ntxiv:

1. Nyeem Khiav Dim 3:1-22.

   Tej zaum peb yuav xav tias tsis tsim nyog peb ua Yehauvas tes haujlwm. Tiamsis tej uas Mauxe tau ntsib pab peb cia siab li cas tias Yehauvas yuav txhawb peb? (Khiav Dim 3:11, 13; 2 Khaulee 3:5, 6)

2. Nyeem Khiav Dim 4:1-20.

   1. (1) Mauxe xav tias nws yog tus uas yuav cawm tau cov Yixayee. Tiamsis nws tus cwj pwm khav theeb tau hloov li cas tom qab nws nyob hauv Midee tebchaws tau 40 xyoo? Thiab cov uas xav tuav haujlwm hauv lub koom txoos kawm tau dabtsi los ntawm qhov no? (Khiav Dim 2:11, 12; 4:10, 13; Mikha 6:8; 1 Timaute 3:1, 6, 10)

   2. (2) Yog tias peb raug Yehauvas lub koom haum ntuas, Mauxe tus qauv pab peb cia siab li cas? (Khiav Dim 4:12-14; Ntawv Nkauj 103:14; Henplais 12:4-11)

Zaj 31

Mauxe Thiab Aloo Mus Cuag Falau

1. Cov Yixayee xav li cas thaum lawv pom tej txujci uas Mauxe thiab Aloo ua?

2. Mauxe thiab Aloo hais li cas rau Falau, thiab Falau teb nkawd li cas?

3. Zoo li tau pom hauv daim duab, ua li cas xwb thaum Aloo muab nws tus pas pov hauv pem teb?

4. Yehauvas rau txim rau Falau li cas, tiamsis Falau coj li cas xwb?

5. Tau muaj li cas tom qab qhov xwm txheej 10?

Muaj lus nug ntxiv:

1. Nyeem Khiav Dim 4:27-31 thiab 5:1-23.

   Vim li cas Falau hais tias: ‘Kuv tsis paub Yehauvas hlo li’? (Khiav Dim 5:2; 1 Xamuyee 2:12; Loos 1:21)

2. Nyeem Khiav Dim 6:1-13, 26-30.

   1. (1) Aplahas, Yiha thiab Yakhauj tsis tau pom Yehauvas ua dabtsi? (Khiav Dim 3:13, 14, NW; 6:3; Chiv Keeb 12:8)

   2. (2) Txawm yog Mauxe xav tias nws ua tsis tau txoj haujlwm uas Yehauvas txib nws ua los, Yehauvas tseem siv Mauxe. Qhov no ua rau peb xav li cas xwb? (Khiav Dim 6:12, 30; Luka 21:13-15)

3. Nyeem Khiav Dim 7:1-13.

   1. (1) Thaum Mauxe thiab Aloo nkawd ua siab tawv qhawv mus qhia Yehauvas txojkev txiav txim rau Falau, nkawd tso tau tus qauv zoo li cas rau Vajtswv cov tub qhe niaj hnub no? (Khiav Dim 7:2, 3, 6; Tubtxib Tes Haujlwm 4:29-31)

   2. (2) Yehauvas tau ua li cas qhia tias nws muaj hwjchim tshaj tej vajtswv Iyi? (Khiav Dim 7:12; 1 Vaj Keeb Kwm 29:12)

Zaj 32

Kaum Qhov Xwm Txheej

1. Siv cov duab los piav txog thawj 3 qho xwm txheej uas Yehauvas tau tso los raug Iyi tebchaws.

2. Thawj 3 qho xwm txheej txawv li cas ntawm cov xwm txheej tom qab?

3. Qhov xwm txheej 4, 5, thiab 6 yog dabtsi?

4. Piav saib qhov xwm txheej 7, 8, thiab 9 yog dabtsi.

5. Yehauvas tau qhia kom cov Yixayee ua dabtsi ua ntej qhov xwm txheej 10?

6. Qhov xwm txheej 10 yog dabtsi, thiab tau muaj dabtsi tshwm sim tom qab ntawd?

Muaj lus nug ntxiv:

1. Nyeem Khiav Dim 7:19–8:23.

   1. (1) Cov Iyi uas txawj ua yees siv kuj ua tau thawj 2 qho xwm txheej thiab. Tiamsis tom qab qhov xwm txheej 3, lawv yuav tsum lees paub li cas? (Khiav Dim 8:18, 19; Mathai 12:24-28)

   2. (2) Qhov xwm txheej 4 pab peb pom li cas tias Yehauvas tiv thaiv tau nws cov tibneeg? Thiab qhov no ua rau Vajtswv cov tibneeg xav li cas thaum txog lub caij muaj ‘kev txom nyem loj kawg nkaus’? (Khiav Dim 8:22, 23; Qhia Tshwm 7:13, 14; 2 Vaj Keeb Kwm 16:9)

2. Nyeem Khiav Dim 8:24; 9:3, 6, 10, 11, 14, 16, 23-25; thiab 10:13-15, 21-23.

   1. (1) Falau thiab cov neeg txawj ua yees siv piv txwv txog 2 pab neeg twg, thiab niaj hnub no 2 pab neeg ntawd ua tsis tau dabtsi? (Khiav Dim 8:10, 18, 19; 9:14)

   2. (2) Vim li cas Yehauvas cia Xatas nyob los txog tamsim no, thiab Khiav Dim 9:16 pab peb to taub li cas txog qhov ntawd? (Loos 9:21, 22)

3. Nyeem Khiav Dim 12:21-32.

   Txoj Kevcai Hla Dhau pab tau coob leej dim li cas, thiab txoj Kevcai Hla Dhau ntawd piv txwv txog dabtsi? (Khiav Dim 12:21-23; Yauhas 1:29; Loos 5:18, 19, 21; 1 Khaulee 5:7)

Zaj 33

Hla Hiavtxwv Liab

1. Cov txivneej Yixayee thiab cov pojniam menyuam uas tawm hauv Iyi tebchaws muaj pes tsawg leej, thiab leejtwg nrog lawv mus?

2. Tom qab Falau tso cov Yixayee mus lawm nws xav li cas, thiab nws tau ua dabtsi?

3. Yehauvas tau ua dabtsi kom cov Iyi thiaj tua tsis tau nws cov tibneeg?

4. Thaum Mauxe muab nws tus pas tsa rau saum Hiavtxwv Liab, tau muaj dabtsi tshwm sim? Thiab cov Yixayee tau ua dabtsi?

5. Thaum cov Iyi caum cov Yixayee mus rau hauv hiavtxwv tau muaj dabtsi los raug lawv?

6. Tom qab Yehauvas cawm cov Yixayee dim, cov Yixayee ua dabtsi los qhia tias lawv zoo siab heev thiab ua Yehauvas tsaug?

Muaj lus nug ntxiv:

1. Nyeem Khiav Dim 12:33-36.

   Cov Yixayee ua qhev hauv Iyi tebchaws tau ntau xyoo. Yehauvas tau ua kom cov Iyi pauj nqe zog li cas rau nws cov tibneeg? (Khiav Dim 3:21, 22; 12:35, 36)

2. Nyeem Khiav Dim 14:1-31.

   Niaj hnub nimno, Mauxe cov lus sau tseg ntawm Khiav Dim 14:13, 14 pab tau Yehauvas cov tub qhe li cas thaum yuav txog ntsuj rog Amakedoo? (2 Vaj Keeb Kwm 20:17; Ntawv Nkauj 91:8)

3. Nyeem Khiav Dim 15:1-8, 20, 21.

   1. (1) Vim li cas Yehauvas cov tub qhe yuav tsum hu nkauj qhuas nws? (Khiav Dim 15:1, 2; Ntawv Nkauj 105:2, 3; Qhia Tshwm 15:3, 4)

   2. (2) Mili-as thiab cov pojniam nyob ntawm Hiavtxwv Liab tau qhuas Yehauvas. Lawv tso tau ib tug qauv zoo li cas rau cov pojniam Khixatia niaj hnub nimno? (Khiav Dim 15:20, 21; Ntawv Nkauj 68:11, NW)

Zaj 34

Ib Hom Mov Tshiab

1. Nyob hauv daim duab, cov tibneeg tabtom khaws dabtsi hauv av, thiab tej uas lawv khaws ntawd yog hu li cas?

2. Mauxe qhia kom cov tibneeg khaws mana ntau npaum li cas?

3. Hnub 6, Yehauvas qhia kom cov tibneeg ua dabtsi, thiab yog vim li cas?

4. Thaum lawv tseg cov mana ntawd cia mus txog hnub 7, Yehauvas ua txujci li cas?

5. Yehauvas pub mana rau cov tibneeg noj ntev npaum li cas?

Muaj lus nug ntxiv:

1. Nyeem Khiav Dim 16:1-36 thiab Xwm Txheej Taug Kev 11:7-9.

   1. (1) Khiav Dim 16:8 qhia li cas tias peb yuav tsum saib taus cov uas Yehauvas tsa los tuav haujlwm hauv lub koom txoos? (Henplais 13:17)

   2. (2) Nyob hauv tebchaws moj sab qhua, dabtsi ua rau cov Yixayee nco ntsoov txhua txhua hnub tias lawv yuav tsum vam khom Yehauvas? (Khiav Dim 16:14-16, 35; Kevcai 8:2, 3)

   3. (3) Yexus tau muab mana los ua piv txwv txog dabtsi, thiab cov ‘zaub mov uas los saum ntuj los’ no pab tau peb li cas? (Yauhas 6:31-35, 40)

2. Nyeem Yausua 5:10-12.

   Cov Yixayee noj mana tau pes tsawg xyoo, qhov no sim lawv li cas, thiab peb kawm tau li cas los ntawm zaj no? (Khiav Dim 16:35; Xwm Txheej Taug Kev 11:4-6; 1 Khaulee 10:10, 11)

Zaj 35

Yehauvas Muab Nws Tej Kevcai

1. Ob hlis tom qab cov Yixayee tawm hauv Iyi tebchaws, lawv los tsa tsev ntaub nyob qhovtwg?

2. Yehauvas hais tias nws xav kom cov tibneeg ua dabtsi, thiab lawv teb li cas?

3. Vim li cas Yehauvas muab 2 daim txiag zeb rau Mauxe?

4. Yehauvas muab Kaum Txoj Kevcai rau cov Yixayee. Tiamsis nws kuj muab cov kevcai twg rau lawv coj thiab?

5. Ob txoj kevcai uas Yexus hais tias tseem ceeb tshaj yog dabtsi?

Muaj lus nug ntxiv:

1. Nyeem Khiav Dim 19:1-25; 20:1-21; 24:12-18; thiab 31:18.

   Cov lus sau tseg hauv Khiav Dim 19:8 pab peb to taub tias ib tug Khixatia yuav muab nws tus kheej cob rau Yehauvas li cas? (Mathai 16:24; 1 Petus 4:1-3)

2. Nyeem Kevcai 6:4-6; Levi Tej Kevcai 19:18; thiab Mathai 22:36-40.

   Cov Khixatia yuav ua li cas qhia tias lawv hlub Vajtswv thiab lawv cov kwvtij zej zog? (Malakau 6:34; Tubtxib Tes Haujlwm 4:20; Loos 15:2)

Zaj 36

Tus Thav Nyuj Kub

1. Nyob hauv daim duab, cov tibneeg tabtom ua dabtsi, thiab yog vim li cas?

2. Vim li cas Yehauvas npau taws, thiab Mauxe tau ua li cas thaum nws pom tej uas cov tibneeg tabtom ua hauv daim duab?

3. Mauxe hais kom ib txhia txivneej ua dabtsi?

4. Peb kawm tau dabtsi los ntawm zaj no?

Muaj lus nug ntxiv:

1. Nyeem Khiav Dim 32:1-35.

   1. (1) Raws li zaj no, Yehauvas xav li cas xwb thaum neeg muab tej kev ntseeg cuav txuam nrog kev pe hawm tseeb? (Khiav Dim 32:4-6, 10; 1 Khaulee 10:7, 11)

   2. (2) Thaum ib tug Khixatia ua si, xws li hu nkauj thiab seev cev, nws yuav tsum ua tib zoo xav txog dabtsi? (Khiav Dim 32:18, 19; Efexau 5:15, 16; 1 Yauhas 2:15-17)

   3. (3) Xeem Levi tau coj ncaj ncees li cas, thiab lawv tso tau ib tug qauv zoo li cas rau peb nimno? (Khiav Dim 32:25-28; Ntawv Nkauj 18:25)

Zaj 37

Lub Tsev Ntaub Pe Hawm Yehauvas

1. Lub tsev uas nyob hauv daim duab hu li cas, thiab yog siv ua dabtsi?

2. Vim li cas Yehauvas qhia Mauxe ua lub tsev ntaub kom yoojyim tsa thiab yoojyim rhuav?

3. Lub thawv uas nyob hauv chav me me hu li cas, thiab muaj dabtsi nyob rau hauv lub thawv?

4. Leejtwg yog tus uas Yehauvas xaiv los ua tus pov thawj hlob, thiab tus pov thawj hlob txoj haujlwm yog dabtsi?

5. Qhia saib 3 yam dabtsi nyob rau hauv chav tsev ntaub loj loj?

6. Muaj 2 yam dabtsi nyob hauv lub tshav puam ntawm lub tsev ntaub sib ntsib, thiab 2 yam ntawd yog siv ua dabtsi?

Muaj lus nug ntxiv:

1. Nyeem Khiav Dim 25:8-40; 26:1-37; 27:1-8; thiab 28:1.

   Ob tug khelunpee uas nyob saum “lub phij xab sib cog lus” piv txwv txog dabtsi? (Khiav Dim 25:20, 22; Xwm Txheej Taug Kev 7:89; 2 Vajntxwv 19:15)

2. Nyeem Khiav Dim 30:1-10, 17-21; 34:1, 2; thiab Henplais 9:1-5.

   1. (1) Yehauvas hais tias tseem ceeb heev rau cov pov thawj uas ua haujlwm hauv lub tsev ntaub sib ntsib ntxuav lawv tus kheej kom huv. Vim li cas nws hais li no, thiab qhov no qhia li cas rau peb niaj hnub nimno? (Khiav Dim 30:18-21; 40:30, 31; Henplais 10:22)

   2. (2) Thaum Povlauj sau ntawv rau cov Khixatia uas yog Henplais, nws qhia li cas tias lub tsev ntaub thiab Mauxe Txoj Kevcai yog tej yam uas lawv tsis coj lawm? (Henplais 9:1, 9; 10:1)

Zaj 38

Kaum Ob Tug Txivneej Tshuaj Tebchaws

1. Cov txiv hmab hauv daim duab zoo li cas, thiab yog de qhovtwg los?

2. Vim li cas Mauxe txib 12 tug txivneej mus tshuaj Khana-as tebchaws?

3. Kaum leej ntawm cov txivneej tshuaj tebchaws rov los qhia li cas rau Mauxe?

4. Muaj 2 tug txivneej tshuaj tebchaws tso siab li cas rau Yehauvas, thiab nkawd npe hu li cas?

5. Vim li cas Yehauvas npau taws, thiab nws hais li cas rau Mauxe?

Muaj lus nug ntxiv:

1. Nyeem Xwm Txheej Taug Kev 13:1-33.

   1. (1) Mauxe xaiv leejtwg mus tshuaj tebchaws, thiab yog tias lawv muaj kev ntseeg ces lawv yuav muaj feem txais dabtsi? (Xwm Txheej Taug Kev 13:2, 3, 18-20)

   2. (2) Vim li cas Yausua thiab Khalej tsis xav li lwm cov txivneej tshuaj tebchaws, thiab qhov no qhia li cas rau peb? (Xwm Txheej Taug Kev 13:28-30; Mathai 17:20; 2 Khaulee 5:7)

2. Nyeem Xwm Txheej Taug Kev 14:1-38.

   1. (1) Thaum tibneeg yws txog cov sawv cev rau Yehauvas, peb yuav tsum nco ntsoov tej lus ceeb toom twg, thiab peb yuav ua raws li tej lus ntawd li cas? (Xwm Txheej Taug Kev 14:2, 3, 27; Mathai 25:40, 45; 1 Khaulee 10:10)

   2. (2) Xwm Txheej Taug Kev 14:24 qhia li cas tias Yehauvas xav txog nws cov tub qhe txhua leej txhua tus? (1 Vajntxwv 19:18; Paj Lug 15:3)

Zaj 39

Aloo Tus Pas Nrig Tawg Paj

1. Leejtwg tawm tsam Mauxe thiab Aloo, thiab lawv hais li cas rau Mauxe?

2. Mauxe hais kom Khaula thiab 250 leej uas raws nws qab ua dabtsi?

3. Mauxe hais li cas rau cov tibneeg, thiab thaum Mauxe hais lus tu nrho muaj dabtsi tshwm sim tamsim ntawd?

4. Ua li cas rau Khaula thiab 250 leej uas raws nws qab?

5. Aloo tus tub Ele-axa muab cov txivneej uas tuag ntawd tej yias coj los ua dabtsi, thiab yog vim li cas?

6. Vim li cas Yehauvas ua rau Aloo tus pas nrig tawg paj? (Saib daim duab.)

Muaj lus nug ntxiv:

1. Nyeem Xwm Txheej Taug Kev 16:1-49.

   1. (1) Khaula thiab cov uas raws nws qab tau ua dabtsi, thiab qhov uas lawv tau ua ntawd yog lawv fav xeeb tawm tsam Yehauvas li cas? (Xwm Txheej Taug Kev 16:9, 10, 18; Levi Tej Kevcai 10:1, 2; Paj Lug 11:2)

   2. (2) Khaula thiab 250 leej “uas ua cov pejxeem li thawj” xav yuam kev li cas? (Xwm Txheej Taug Kev 16:1-3; Paj Lug 15:33; Yaxaya 49:7)

2. Nyeem Xwm Txheej Taug Kev 17:1-11 thiab 26:10.

   1. (1) Thaum Aloo tus pas nrig tawg paj, qhov ntawd qhia tau li cas, thiab vim li cas Yehauvas hais kom muab tus pas nrig tso rau hauv lub phij xab? (Xwm Txheej Taug Kev 17:5, 8, 10)

   2. (2) Aloo tus pas nrig ua lub cim rau cov Yixayee thaum ub. Peb kawm tau li cas los ntawm qhov ntawd? (Xwm Txheej Taug Kev 17:10; Tubtxib Tes Haujlwm 20:28; Filipi 2:14; Henplais 13:17)

Zaj 40

Mauxe Ntaus Phab Pob Zeb

1. Yehauvas saib xyuas cov Yixayee li cas thaum lawv nyob hauv tebchaws moj sab qhua?

2. Thaum cov Yixayee nyob ntawm Khade lawv yws txog dabtsi?

3. Yehauvas ua li cas thiaj muaj dej rau cov tibneeg thiab lawv tej tsiaj haus?

4. Nyob hauv daim duab, tus txivneej uas taw tes rau nws tus kheej yog leejtwg, thiab vim li cas nws ua li ntawd?

5. Vim li cas Yehauvas npau taws rau Mauxe thiab Aloo, thiab nkawd raug txim li cas?

6. Muaj dabtsi tshwm sim saum lub Roob Hau, thiab leejtwg tau los ua cov Yixayee tus pov thawj hlob tshiab?

Muaj lus nug ntxiv:

1. Nyeem Xwm Txheej Taug Kev 20:1-13, 22-29 thiab Kevcai 29:5.

   1. (1) Peb kawm tau li cas los ntawm qhov uas Yehauvas saib xyuas cov Yixayee hauv tebchaws moj sab qhua? (Kevcai 29:5; Mathai 6:31; Henplais 13:5; Yakaunpau 1:17)

   2. (2) Yehauvas xav li cas txog qhov uas Mauxe thiab Aloo tsis hwm Yehauvas ua tus dawb huv? (Xwm Txheej Taug Kev 20:12; 1 Khaulee 10:12; Qhia Tshwm 4:11)

   3. (3) Mauxe coj li cas xwb thaum Yehauvas qhuab ntuas nws, thiab peb kawm tau dabtsi los ntawm qhov no? (Xwm Txheej Taug Kev 12:3; 20:12, 27, 28; Kevcai 32:4; Henplais 12:7-11)

Zaj 41

Tus Nab Tooj

1. Nyob hauv daim duab, Mauxe muab dabtsi tso saum tus ncej, thiab vim li cas Yehauvas qhia kom nws ua li ntawd?

2. Cov tibneeg tsis nco Yehauvas txiaj ntsig rau tej uas nws tau pub rau lawv li cas?

3. Tom qab Yehauvas tso cov nab muaj taug los rau txim rau cov tibneeg, lawv thov kom Mauxe ua dabtsi?

4. Vim li cas Yehauvas qhia kom Mauxe ua tus nab tooj?

5. Peb kawm tau dabtsi los ntawm zaj no?

Muaj lus nug ntxiv:

1. Nyeem Xwm Txheej Taug Kev 21:4-9.

   1. (1) Cov Yixayee tau yws txog tej yam uas Yehauvas tau pub rau lawv. Qhov no ceeb toom rau peb li cas? (Xwm Txheej Taug Kev 21:5, 6; Loos 2:4)

   2. (2) Ntau pua xyoo tom qab no, cov Yixayee muab tus nab tooj siv ua dabtsi, thiab Vajntxwv Hexekhiya thiaj muab ua li cas lawm? (Xwm Txheej Taug Kev 21:9; 2 Vajntxwv 18:1-4)

2. Nyeem Yauhas 3:14, 15.

   Qhov uas Mauxe muab tus nab tooj tso rau saum tus ncej thiab qhov uas Yexus raug ntsia saum ntoo zoo ib yam li cas? (Kalatia 3:13; 1 Petus 2:24)

Zaj 42

Ib Tug Nees Luav Hais Lus

1. Npalaj yog leejtwg, thiab vim li cas nws txib neeg mus hu Npala-as?

2. Vim li cas Npala-as tus nees luav thiaj zaum hauv txojkev?

3. Npala-as hnov tus nees luav hais li cas?

4. Tus tubtxib saum ntuj hais li cas rau Npala-as?

5. Thaum Npala-as nrhiav kev foom phem rau cov Yixayee, Yehauvas muab cov lus foom phem ntawd hloov li cas?

Muaj lus nug ntxiv:

1. Nyeem Xwm Txheej Taug Kev 21:21-35.

   Vim li cas cov Yixayee thiaj tua cov Amaulai tus vajntxwv Xihoo thiab cov Npasas tus vajntxwv Aus? (Xwm Txheej Taug Kev 21:21, 23, 33, 34)

2. Nyeem Xwm Txheej Taug Kev 22:1-40.

   Vim li cas Npala-as nrhiav kev mus foom phem rau cov Yixayee, thiab peb kawm tau li cas los ntawm qhov no? (Xwm Txheej Taug Kev 22:16, 17; Paj Lug 6:16, 18; 2 Petus 2:15; Yuda 11)

3. Nyeem Xwm Txheej Taug Kev 23:1-30.

   Npala-as hais lus zoo li nws yog ib tug neeg pe hawm Yehauvas, tiamsis nws tes haujlwm qhia tau li cas? (Xwm Txheej Taug Kev 23:3, 11-14; 1 Xamuyee 15:22)

4. Nyeem Xwm Txheej Taug Kev 24:1-25.

   Cov nqe Vajlugkub no txhawb peb txojkev ntseeg li cas tias Yehauvas lub hom phiaj yeej yuav muaj tiav? (Xwm Txheej Taug Kev 24:10; Yaxaya 54:17)

Zaj 43

Yausua Tau Ua Tus Thawj Coj

1. Hauv daim duab, 2 tug txivneej uas sawv nrog Mauxe yog leejtwg?

2. Yehauvas hais li cas rau Yausua?

3. Vim li cas Mauxe nce mus saum lub Roob Nenpau, thiab Yehauvas hais li cas rau Mauxe?

4. Thaum Mauxe tuag nws muaj pes tsawg xyoo?

5. Vim li cas cov tibneeg nyuaj siab, tiamsis ua li cas lawv kuj zoo siab thiab?

Muaj lus nug ntxiv:

1. Nyeem Xwm Txheej Taug Kev 27:12-23.

   Yehauvas tau muab txoj haujlwm tseem ceeb dabtsi rau Yausua, thiab niaj hnub no Yehauvas saib xyuas Nws cov tibneeg li cas? (Xwm Txheej Taug Kev 27:15-19; Tubtxib Tes Haujlwm 20:28; Henplais 13:7)

2. Nyeem Kevcai 3:23-29.

   Vim li cas Yehauvas tsis cia Mauxe thiab Aloo hla mus rau lub tebchaws uas nws cog tseg, thiab peb kawm tau li cas los ntawm qhov no? (Kevcai 3:25-27; Xwm Txheej Taug Kev 20:12, 13)

3. Nyeem Kevcai 31:1-8, 14-23.

   Ua ntej Mauxe tuag, nws hais lus txhawb cov Yixayee. Mauxe cov lus qhia li cas tias nws txo hwjchim txais yuav Yehauvas tej lus qhuab ntuas? (Kevcai 31:6-8, 23)

4. Nyeem Kevcai 32:45-52.

   Vajtswv Txojlus yuav tsum raug peb lub siab li cas? (Kevcai 32:47; Levi Tej Kevcai 18:5; Henplais 4:12)

5. Nyeem Kevcai 34:1-12.

   Txawm yog Mauxe twb tsis pom Yehauvas kiag, los Kevcai 34:10 qhia tias Mauxe thiab Yehauvas sib raug zoo npaum li cas? (Khiav Dim 33:11, 20; Xwm Txheej Taug Kev 12:8)

Zaj 44

Lahaj Zais 2 Tug Txivneej Tshuaj Tebchaws

1. Lahaj nyob lub moos twg?

2. Ob tug txivneej uas nyob hauv daim duab yog leejtwg, thiab vim li cas nkawd tuaj hauv Yelikhau?

3. Tus vajntxwv hauv Yelikhau hais kom Lahaj ua dabtsi, thiab Lahaj teb li cas?

4. Lahaj pab 2 tug txivneej ntawd li cas, thiab nws thov kom nkawd pab nws li cas?

5. Ob tug txivneej uas tshuaj tebchaws cog lus li cas rau Lahaj?

Muaj lus nug ntxiv:

1. Nyeem Yausua 2:1-24.

   Yehauvas cov lus cog tseg hauv Khiav Dim 23:27 muaj tiav li cas thaum cov Yixayee mus ntaus lub moos Yelikhau? (Yausua 2:9-11)

2. Nyeem Henplais 11:31.

   Lahaj tus qauv qhia tias kev ntseeg tseem ceeb npaum li cas? (Loos 1:17; Henplais 10:39; Yakaunpau 2:25)

Zaj 45

Hla Tus Dej Yaladee

1. Yehauvas tau ua txujci dabtsi kom cov Yixayee thiaj hla tau tus Dej Yaladee?

2. Cov Yixayee yuav tsum muaj kev ntseeg li cas lawv thiaj hla dhau tus Dej Yaladee?

3. Vim li cas Yehauvas hais kom Yausua mus khaws 12 lub pob zeb loj loj hauv tus dej los?

4. Thaum cov pov thawj tawm hauv tus Dej Yaladee los, txawm muaj dabtsi tshwm sim?

Muaj lus nug ntxiv:

1. Nyeem Yausua 3:1-17.

   1. (1) Raws li zaj no, peb yuav tsum ua dabtsi peb thiaj li yuav tau Yehauvas txojkev pab thiab nws tej koob hmoov? (Yausua 3:13, 15; Paj Lug 3:5; Yakaunpau 2:22, 26)

   2. (2) Thaum cov Yixayee hla mus rau lub tebchaws uas Yehauvas cog lus tseg, tus Dej Yaladee zoo li cas xwb, thiab qhov no qhuas Yehauvas lub npe li cas? (Yausua 3:15; 4:18; Ntawv Nkauj 66:5-7)

2. Nyeem Yausua 4:1-18.

   Kaum ob lub pob zeb uas nqa tawm hauv tus Dej Yaladee los teeb rau ntawm Kilakas yuav pab lawv nco txog dabtsi? (Yausua 4:4-7)

Zaj 46

Yelikhau Tus Ntsa Loog

1. Thawj 6 hnub Yehauvas hais kom cov tub rog thiab cov pov thawj ua dabtsi?

2. Hnub 7 cov txivneej yuav tsum ua dabtsi?

3. Zoo li koj pom nyob hauv daim duab, ua li cas rau Yelikhau tus ntsa loog?

4. Vim li cas muaj ib txoj hlua liab liab dai ntawm lub qhov rais?

5. Yausua hais kom cov tub rog ua li cas rau cov tibneeg thiab lub moos, tiamsis lawv yuav tsum ua li cas rau tej nyiaj, tej kub, tej tooj, thiab tej hlau?

6. Yausua hais kom 2 tug txivneej tshuaj tebchaws ua dabtsi?

Muaj lus nug ntxiv:

1. Nyeem Yausua 6:1-25.

   1. (1) Hnub 7 cov Yixayee ncig lub moos Yelikhau 7 lwm. Qhov no zoo li Yehauvas Cov Timkhawv tes haujlwm mus tshaj tawm txoj xov zoo rau lub sijhawm kawg no li cas? (Yausua 6:15, 16; Yaxaya 60:22; Mathai 24:14; 1 Khaulee 9:16)

   2. (2) Zaj lus faj lem hauv Yausua 6:26 muaj tiav li cas 500 xyoo tom qab tau hais tseg, thiab qhov no qhia peb li cas txog Yehauvas tej lus? (1 Vajntxwv 16:34; Yaxaya 55:11)

Zaj 47

Ib Tug Tub Sab Nyob Hauv Cov Yixayee

1. Nyob hauv daim duab, tus txivneej uas tabtom faus tej khoom yog leejtwg, thiab cov uas pab nws yog leejtwg?

2. Vim li cas qhov uas Akhas thiab nws tsev neeg tau ua yog ib yam phem heev?

3. Thaum Yausua nug tias vim li cas cov Yixayee ntaus tsis yeej ntsuj rog hauv lub moos Ai, Yehauvas teb li cas xwb?

4. Tom qab Akhas thiab nws tsev neeg raug coj tuaj cuag Yausua, ua li cas rau lawv?

5. Peb kawm tau li cas los ntawm tej uas raug Akhas?

Muaj lus nug ntxiv:

1. Nyeem Yausua 7:1-26.

   1. (1) Yausua cov lus thov qhia li cas txog nws txojkev sib raug zoo nrog Vajtswv? (Yausua 7:7-9; Ntawv Nkauj 119:145; 1 Yauhas 5:14)

   2. (2) Peb kawm tau li cas los ntawm Akhas, thiab tej ntawd pab kom peb nco ntsoov li cas? (Yausua 7:11, 14, 15; Paj Lug 15:3; 1 Timaute 5:24; Henplais 4:13)

2. Nyeem Yausua 8:1-29.

   Peb yuav ua li cas yog tias muaj ib tug hauv lub koom txoos tau ua txhaum? (Yausua 7:13; Kevcai 13:6-8; Paj Lug 28:13)

Zaj 48

Cov Kinpe-oo Muaj Tswvyim

1. Cov neeg Kinpe-oo txawv li cas ntawm cov Khana-as uas nyob hauv tej moos ze ntawd?

2. Nyob hauv daim duab, cov Kinpe-oo tau ua dabtsi, thiab vim li cas lawv ua li no?

3. Yausua thiab Yixayee cov thawj coj tau cog lus li cas rau cov Kinpe-oo, tiamsis 3 hnub tom qab ntawd lawv mam paub li cas txog cov Kinpe-oo?

4. Thaum cov vajntxwv uas nyob lwm lub moos hnov tias cov Kinpe-oo ntaus phoojywg nrog cov Yixayee lawm, lawv ua li cas xwb?

Muaj lus nug ntxiv:

1. Nyeem Yausua 9:1-27.

   1. (1) Yehauvas twb hais kom haiv neeg Yixayee “muab lub tebchaws no tej neeg ua kom puam tsuaj tag.” Thaum Yehauvas tsis muab cov Kinpe-oo tua pov tseg, qhov no qhia li cas txog nws? (Yausua 9:22, 24; Mathai 9:13; Tubtxib Tes Haujlwm 10:34, 35; 2 Petus 3:9)

   2. (2) Thaum Yausua ua raws li tej lus uas lawv cog tseg rau cov Kinpe-oo, nws tseg tus qauv zoo li cas rau cov Khixatia niaj hnub no? (Yausua 9:18, 19; Xwm Txheej Taug Kev 30:2; Efexau 4:25)

2. Nyeem Yausua 10:1-5.

   Cov neeg coob coob niaj hnub no tau xyaum cov Kinpe-oo li cas, thiab vim li ntawd lawv thiaj raug tej yam zoo li cas? (Yausua 10:4; Xekhaliya 8:23; Mathai 25:35-40; Qhia Tshwm 12:17)

Zaj 49

Lub Hnub Nres Twjywm

1. Hauv daim duab, Yausua tabtom hais dabtsi, thiab yog vim li cas?

2. Yehauvas pab Yausua thiab nws cov tub rog li cas?

3. Yausua tua yeej pes tsawg tus vajntxwv, thiab siv sijhawm ntev npaum li cas los tua yeej cov vajntxwv ntawd?

4. Vim li cas Yausua thiaj muab lub tebchaws Khana-as faib?

5. Thaum Yausua tuag nws muaj pes tsawg xyoo, thiab tom qab nws tuag lawm ua li cas rau cov tibneeg?

Muaj lus nug ntxiv:

1. Nyeem Yausua 10:6-15.

   Yehauvas ua rau lub hnub thiab lub hli nres twjywm rau cov Yixayee. Niaj hnub no qhov no pab peb tso siab li cas rau Yehauvas? (Yausua 10:8, 10, 12, 13; Ntawv Nkauj 18:3; Paj Lug 18:10)

2. Nyeem Yausua 12:7-24.

   Tiag tiag leejtwg yog tus tua yeej 31 tus vajntxwv hauv Khana-as tebchaws, thiab niaj hnub no vim li cas ho tseem ceeb rau peb paub txog qhov no? (Yausua 12:7; 24:11-13; Kevcai 31:8; Luka 21:9, 25-28)

3. Nyeem Yausua 14:1-5.

   Lawv muab lub tebchaws faib rau tej xeem Yixayee li cas, thiab tej no qhia tias thaum peb nyob hauv lub Vaj Kaj Siab peb yuav txais tej qub txeeg qub teg li cas? (Yausua 14:2; Yaxaya 65:21; Exekhee 47:21-23; 1 Khaulee 14:33)

4. Nyeem Cov Thawj 2:8-13.

   Ib yam li Yausua, leejtwg yog cov uas txwv kom txhob muaj kev fav xeeb? (Cov Thawj 2:8, 10, 11; Mathai 24:45-47; 2 Thexalaunika 2:3-6; Titau 1:7-9; Qhia Tshwm 1:1; 2:1, 2)

Zaj 50

Ob Tug Pojniam Uas Muaj Siab Tawv

1. Cov thawj tes haujlwm yog dabtsi, thiab lawv ib txhia npe hu li cas?

2. Denpaula tau txais txoj haujlwm tseem ceeb twg, thiab txoj haujlwm ntawd yog ua dabtsi?

3. Thaum Vajntxwv Yanpi thiab nws tus thawj tub rog Xixela tuaj tua cov Yixayee, Yehauvas qhia kom Denpaula hais li cas rau Npala, thiab Denpaula qhia tias leejtwg yuav tau txais koob meej?

4. Ya-ee yog ib tug pojniam uas muaj lub siab tawv li cas?

5. Tom qab Vajntxwv Yanpi tuag lawm, muaj xwm dabtsi?

Muaj lus nug ntxiv:

1. Nyeem Cov Thawj 2:14-22.

   Cov Yixayee tau ua li cas Yehauvas thiaj li npau taws rau lawv, thiab peb kawm tau li cas los ntawm zaj no? (Cov Thawj 2:20; Paj Lug 3:1, 2; Exekhee 18:21-23)

2. Nyeem Cov Thawj 4:1-24.

   Denpaula thiab Ya-ee tus qauv qhia tej pojniam Khixatia niaj hnub no li cas txog txojkev ntseeg thiab kev muaj siab tawv? (Cov Thawj 4:4, 8, 9, 14, 21, 22; Paj Lug 31:30; 1 Khaulee 16:13)

3. Nyeem Cov Thawj 5:1-31.

   Ib yam li Npala thiab Denpaula zaj nkauj, peb yuav thov Yehauvas txog Amakedoo li cas? (Cov Thawj 5:3, 31; 1 Vaj Keeb Kwm 16:8-10; Qhia Tshwm 7:9, 10; 16:16; 19:19-21)

Zaj 51

Luv Thiab Na-aumi

1. Ua li cas Na-aumi ho nyob hauv Mau-a tebchaws?

2. Luv thiab Aupa yog leejtwg?

3. Luv thiab Aupa teb li cas thaum Na-aumi hais kom nkawd rov qab mus nrog nkawd cov tibneeg nyob?

4. Npau-a yog leejtwg, thiab nws pab Luv thiab Na-aumi li cas?

5. Luv thiab Npau-a tus menyuam hu li cas, thiab vim li cas peb yuav tsum nco ntsoov nws?

Muaj lus nug ntxiv:

1. Nyeem Luv 1:1-17.

   1. (1) Luv muaj txojkev hlub ruaj khov rau Na-aumi, nws thiaj hais li cas xwb? (Luv 1:16, 17)

   2. (2) Luv muaj lub siab xav li cas? Thiab zoo ib yam li ntawd, ‘lwm pab yaj’ xav li cas txog cov xaiv tseg uas tseem nyob hauv ntiajteb no? (Yauhas 10:16; Xekhaliya 8:23)

2. Nyeem Luv 2:1-23.

   Luv tseg tau tus qauv zoo heev rau tej ntxhais hluas niaj hnub no li cas? (Luv 2:17, 18; Paj Lug 23:22; 31:15)

3. Nyeem Luv 3:5-13.

   1. (1) Luv tsis yuav ib tug tub hluas tiamsis nws zoo siab hlo yuav Npau-a. Npau-a xav li cas txog qhov no xwb?

   2. (2) Luv muab siab npuab Na-aumi. Peb kawm tau li cas ntawm Luv txojkev hlub? (Luv 3:10; 1 Khaulee 13:4, 5)

4. Nyeem Luv 4:7-17.

   Niaj hnub no cov txivneej Khixatia yuav xyaum Npau-a li cas? (Luv 4:9, 10; 1 Timaute 3:1, 12, 13; 5:8)

Zaj 52

Kide-oo Thiab Nws 300 Leej Tub Rog

1. Ua li cas cov Yixayee muaj teeb meem ntau ua luaj?

2. Vim li cas Yehauvas hais rau Kide-oo tias nws pab tub rog coob dhau lawm?

3. Thaum Kide-oo hais kom cov tub rog uas ntshai rov qab mus tsev, tshuav pes tsawg leej nyob xwb?

4. Siv daim duab los piav saib Yehauvas tau ua li cas Kide-oo thiaj li tshuav 300 leej tub rog lawm xwb.

5. Kide-oo faib nws cov tub rog li cas, thiab cov Yixayee tua yeej ntsuj rog ntawd li cas?

Muaj lus nug ntxiv:

1. Nyeem Cov Thawj 6:36-40.

   1. (1) Kide-oo tau ua li cas nws thiaj paub tseeb tias nws ua raws li Yehauvas lub siab nyiam?

   2. (2) Niaj hnub no peb yuav ua li cas peb thiaj paub ua raws li Yehauvas lub siab nyiam? (Paj Lug 2:3-6; Mathai 7:7-11; 2 Timaute 3:16, 17)

2. Nyeem Cov Thawj 7:1-25.

   1. (1) Peb kawm tau dabtsi los ntawm cov tub rog uas tsis ceev faj, thiab 300 leej tub rog uas ceev faj? (Cov Thawj 7:3, 6; Loos 13:11, 12; Efexau 5:15-17)

   2. (2) Zoo ib yam li 300 leej tub rog uas ua raws li Kide-oo ua, peb yuav xyaum ua raws li tus Kide-oo uas Loj Tshaj li cas? (Cov Thawj 7:17; Mathai 11:29, 30; 28:19, 20; 1 Petus 2:21)

   3. (3) Cov Thawj 7:21 pab peb li cas kom peb txaus siab rau tes haujlwm uas peb muaj hauv Yehauvas lub koom haum? (1 Khaulee 4:2; 12:14-18; Yakaunpau 4:10)

3. Nyeem Cov Thawj 8:1-3.

   Thaum muaj teeb meem nrog ib tug kwvtij nkauj muam twg, peb kawm tau li cas los ntawm qhov uas Kide-oo kho nws qhov teeb meem nrog cov Efa-i? (Paj Lug 15:1; Mathai 5:23, 24; Luka 9:48)

Zaj 53

Yetha Cov Lus Cog Tseg

1. Yetha yog leejtwg, thiab nws nyob rau lub sijhawm zoo li cas?

2. Yetha tau cog lus li cas rau Yehauvas?

3. Thaum Yetha ntaus yeej cov Asmoo thiab rov los txog tsev, ua li cas nws muaj kev nyuaj siab?

4. Thaum Yetha tus ntxhais hnov txog nws txiv cov lus cog tseg, nws hais li cas xwb?

5. Vim li cas cov tibneeg hlub Yetha tus ntxhais ua luaj?

Muaj lus nug ntxiv:

1. Nyeem Cov Thawj 10:6-18.

   Qhov uas cov Yixayee pheej tsis mloog Yehauvas lus qhia tau peb li cas? (Cov Thawj 10:6, 15, 16; Loos 15:4; Qhia Tshwm 2:10)

2. Nyeem Cov Thawj 11:1-11, 29-40.

   1. (1) Ua li cas peb ho paub tias qhov uas Yetha muab nws tus ntxhais “hlawv xyeem” rau Yehauvas tsis yog muab nws tus ntxhais tua xyeem tiag tiag? (Cov Thawj 11:31; Levi Tej Kevcai 16:24; Kevcai 18:10, 12)

   2. (2) Yetha tau muab nws tus ntxhais xyeem li cas?

   3. (3) Peb kawm tau li cas los ntawm qhov uas Yetha ua raws li nws tau cog lus tseg rau Yehauvas? (Cov Thawj 11:35, 39; Laj Lim Tswvyim 5:4, 5; Mathai 16:24)

   4. (4) Yetha tus ntxhais tseg tau tus qauv zoo li cas rau cov tub ntxhais hluas Khixatia uas xav ua haujlwm puv ntoob rau Yehauvas? (Cov Thawj 11:36; Mathai 6:33; Filipi 3:8)

Zaj 54

Tus Txivneej Muaj Zog Tshaj Plaws

1. Tus txivneej uas muaj zog tshaj plaws lub npe hu li cas, thiab leejtwg ua kom nws muaj zog?

2. Zoo li koj pom hauv daim duab, muaj ib zaug Xaxoo ua li cas rau ib tug tsov ntxhuav uas loj heev?

3. Nyob hauv daim duab, Xaxoo tabtom qhia Delila txog dabtsi, thiab ua li cas cov Filixatee thiaj ntes tau nws lawm?

4. Xaxoo tau ua li cas 3,000 leej yeeb ncuab Filixatee thiaj nrog nws tuag?

Muaj lus nug ntxiv:

1. Nyeem Cov Thawj 13:1-14.

   Manau-a thiab nws tus pojniam tso tau ib tug qauv zoo li cas rau cov niam txiv thaum lawv cob qhia menyuam? (Cov Thawj 13:8; Ntawv Nkauj 127:3; Efexau 6:4)

2. Nyeem Cov Thawj 14:5-9 thiab 15:9-16.

   1. (1) Xaxoo tua tau ib tug tsov ntxhuav, nws nti dim tej hlua tshiab tshiab uas khi nws, thiab nws muab ib tug txha puab tsaig nees luav ntaus yeeb ncuab tuag 1,000 leej. Tej no qhia tias Yehauvas lub hwj huam dawb huv ua tau dabtsi?

   2. (2) Niaj hnub no lub hwj huam dawb huv pab peb li cas? (Cov Thawj 14:6; 15:14; Xekhaliya 4:6; Tubtxib Tes Haujlwm 4:31)

3. Nyeem Cov Thawj 16:18-31.

   Thaum Xaxoo mus nrog cov neeg phem ua ke, qhov no ua rau nws raug tej xwm zoo li cas, thiab peb kawm tau dabtsi los ntawm qhov no? (Cov Thawj 16:18, 19; 1 Khaulee 15:33)

Zaj 55

Ib Tug Metub Teev Tiam Vajtswv

1. Tus metub hauv daim duab lub npe hu li cas, thiab cov tibneeg uas sawv ntawm nws yog leejtwg?

2. Muaj ib hnub thaum Hana mus tom Yehauvas lub tsev ntaub sib ntsib, nws thov Vajtswv li cas, thiab Yehauvas teb nws tej lus thov li cas?

3. Xamuyee muaj pes tsawg xyoo thaum nws mus ua haujlwm ntawm Yehauvas lub tsev ntaub, thiab nws niam muab dabtsi rau nws txhua txhua xyoo?

4. Eli 2 tug tub hu li cas, thiab nkawd yog neeg zoo li cas?

5. Yehauvas tsa suab hu Xamuyee li cas, thiab Nws hais li cas rau Xamuyee?

6. Thaum Xamuyee loj tuaj, nws tau los ua tes haujlwm dabtsi, thiab thaum nws laus lawm tau muaj dabtsi tshwm sim?

Muaj lus nug ntxiv:

1. Nyeem 1 Xamuyee 1:1-28.

   1. (1) Eekhana ua tus coj nws tsev neeg mus pe hawm Yehauvas. Nws tseg tau tus qauv zoo li cas rau cov txiv tsev? (1 Xamuyee 1:3, 21; Mathai 6:33; Filipi 1:10)

   2. (2) Hana kho nws qhov teeb meem loj li cas, thiab peb kawm tau dabtsi los ntawm qhov ntawd? (1 Xamuyee 1:10, 11; Ntawv Nkauj 55:22; Loos 12:12)

2. Nyeem 1 Xamuyee 2:11-36.

   Eli hwm nws 2 tug tub tshaj li hwm Yehauvas li cas, thiab qhov no qhia kom peb ceev faj txog dabtsi? (1 Xamuyee 2:22-24, 27, 29; Kevcai 21:18-21; Mathai 10:36, 37)

3. Nyeem 1 Xamuyee 4:16-18.

   Plaub qho xov phem uas xa tom tshav rog los yog dabtsi, thiab thaum Eli hnov tej xov xwm ntawd, ua li cas rau nws?

4. Nyeem 1 Xamuyee 8:4-9.

   Cov Yixayee tau ua li cas Yehauvas thiaj chim, thiab niaj hnub no peb yuav muab siab npuab Yehauvas thiab nws lub Nceeg Vaj li cas? (1 Xamuyee 8:5, 7; Yauhas 17:16; Yakaunpau 4:4)

Zaj 56

Xa-u Yog Cov Yixayee Thawj Tug Vajntxwv

1. Nyob hauv daim duab, Xamuyee tabtom ua dabtsi, thiab yog vim li cas?

2. Vim li cas Yehauvas ho nyiam Xa-u, thiab Xa-u yog ib tug neeg zoo li cas?

3. Xa-u tus tub npe hu li cas, thiab nws tau pab cov Yixayee li cas?

4. Vim li cas Xa-u tsis tos kom Xamuyee tuaj txog tso mam li muab tsiaj xyeem rau Yehauvas?

5. Peb kawm tau li cas los ntawm Xa-u?

Muaj lus nug ntxiv:

1. Nyeem 1 Xamuyee 9:15-21 thiab 10:17-27.

   Xa-u yog ib tug neeg tsis muab hlob. Qhov no pab tau nws li cas thaum muaj neeg hais lus saib tsis taus nws? (1 Xamuyee 9:21; 10:21, 22, 27; Paj Lug 17:27)

2. Nyeem 1 Xamuyee 13:5-14.

   Xa-u tau ua txhaum li cas hauv Kilakas? (1 Xamuyee 10:8; 13:8, 9, 13)

3. Nyeem 1 Xamuyee 15:1-35.

   1. (1) Thaum Xa-u mus ntaus cov Amalej tus vajntxwv Aka, Xa-u tau ua txhaum loj li cas? (1 Xamuyee 15:2, 3, 8, 9, 22)

   2. (2) Xa-u tau muab nws qhov txhaum liam rau lwm tus li cas kom nws thiaj li tsis raug txim? (1 Xamuyee 15:24)

   3. (3) Niaj hnub no thaum peb raug qhuab ntuas peb yuav tsum nco ntsoov txog dabtsi? (1 Xamuyee 15:19-21; Ntawv Nkauj 141:5; Paj Lug 9:8, 9; 11:2)

Zaj 57

Vajtswv Xaiv Davi

1. Tus tub hauv daim duab lub npe hu li cas, thiab ua li cas peb ho paub tias nws siab tawv heev?

2. Davi nyob lub moos twg, thiab nws txiv thiab nws yawg hu li cas?

3. Vim li cas Yehauvas hais kom Xamuyee mus nram Yexi tsev hauv Npelehee?

4. Muaj li cas xwb thaum Yexi coj nws 7 leej tub los rau ntawm Xamuyee?

5. Thaum coj Davi los txog, Yehauvas hais li cas rau Xamuyee?

Muaj lus nug ntxiv:

1. Nyeem 1 Xamuyee 17:34, 35.

   Tej xwm no pab peb pom tseeb li cas tias Davi muaj siab tawv thiab nws tso siab rau Yehauvas? (1 Xamuyee 17:37)

2. Nyeem 1 Xamuyee 16:1-14.

   1. (1) Yehauvas cov lus ntawm 1 Xamuyee 16:7 pab peb li cas kom peb tsis txhob xaiv ntsej xaiv muag? (Tubtxib Tes Haujlwm 10:34, 35; 1 Timaute 2:4)

   2. (2) Thaum Yehauvas tshem nws lub hwj huam dawb huv ntawm ib tug neeg twg, ces tej zaum ib tug plig phem, lossis lub siab xav ua phem, yuav los hloov lub hwj huam dawb huv chaw. Xa-u tus qauv qhia li cas tias muaj li ntawd? (1 Xamuyee 16:14; Mathai 12:43-45; Kalatia 5:16)

Zaj 58

Davi Thiab Kaulia

1. Kaulia thuam cov tub rog Yixayee li cas?

2. Kaulia loj siab npaum li cas, thiab Vajntxwv Xa-u cog lus tias nws yuav muab dabtsi rau tus txivneej uas tua tau Kaulia?

3. Xa-u hais rau Davi tias Davi tua tsis tau Kaulia rau qhov nws tseem yog ib tug tub hluas xwb. Tiamsis Davi teb Xa-u li cas?

4. Davi cov lus rau Kaulia qhia li cas tias nws tso siab rau Yehauvas?

5. Zoo li koj pom hauv daim duab, Davi siv dabtsi los tua Kaulia, thiab tom qab ntawd ua li cas rau cov Filixatee lawm?

Muaj lus nug ntxiv:

1. Nyeem 1 Xamuyee 17:1-54.

   1. (1) Ua li cas Davi thiaj tsis ntshai, thiab peb yuav xyaum li cas peb thiaj muaj lub siab tawv li nws? (1 Xamuyee 17:37, 45; Efexau 6:10, 11)

   2. (2) Thaum muaj kev ua si, vim li cas cov Khixatia yuav tsum zam kom txhob khav theeb li Kaulia? (1 Xamuyee 17:8; Kalatia 5:26; 1 Timaute 4:8)

   3. (3) Davi cov lus qhia li cas tias nws tso siab rau Yehauvas txojkev pab? (1 Xamuyee 17:45-47; 2 Vaj Keeb Kwm 20:15)

   4. (4) Zaj no tsis yog piav txog 2 pab tub rog uas sib tua xwb. Tiamsis zaj no pab peb pom li cas tias twb yog cov Filixatee tej vajtswv cuav tawm tsam tus tseem Vajtswv, Yehauvas? (1 Xamuyee 17:43, 46, 47)

   5. (5) Davi tso siab rau Yehauvas. Cov xaiv tseg uas tseem nyob hauv ntiajteb yuav xyaum nws tus qauv li cas? (1 Xamuyee 17:37; Yelemi 1:17-19; Qhia Tshwm 12:17)

Zaj 59

Vim Li Cas Davi Yuav Tsum Khiav

1. Vim li cas Xa-u khib Davi, tiamsis Xa-u tus tub Yaunathas ho xav li cas txog Davi?

2. Muaj ib hnub thaum Davi tabtom ntaus nkauj rau Xa-u mloog, Xa-u tau ua li cas?

3. Ua ntej Davi yuav tau Mikhas ua pojniam, Xa-u hais tias Davi yuav tsum ua dabtsi, thiab vim li cas Xa-u thiaj hais li ntawd?

4. Zoo li pom hauv daim duab, thaum Davi tabtom ntaus nkauj rau Xa-u mloog, Xa-u rov qab ua li cas?

5. Mikhas cawm Davi txojsia li cas, thiab ua li cas rau Davi tom qab ntawd?

Muaj lus nug ntxiv:

1. Nyeem 1 Xamuyee 18:1-30.

   1. (1) Yaunathas hlub Davi kawg li. Qhov no ua piv txwv li cas txog txojkev hlub ntawm ‘lwm pab yaj’ thiab ‘pab yaj tsawg’? (1 Xamuyee 18:1; Yauhas 10:16; Luka 12:32; Xekhaliya 8:23)

   2. (2) Yaunathas twb yog tus uas yuav tau ua vajntxwv tom qab Xa-u. Tiamsis thaum Yehauvas xaiv Davi ua vajntxwv lawm, Yaunathas qhia li cas hauv 1 Xamuyee 18:4 tias nws zoo siab hlo txais yuav tus uas Vajtswv tau xaiv ntawd?

   3. (3) Xa-u tus qauv qhia li cas tias kev khib coj tau mus ua txhaum loj, thiab qhov no pab kom peb ceev faj txog dabtsi? (1 Xamuyee 18:7-9, 25; Yakaunpau 3:14-16)

2. Nyeem 1 Xamuyee 19:1-17.

   Thaum Yaunathas mus nrog Xa-u tham, nws sev nyog nws txojsia li cas? (1 Xamuyee 19:1, 4-6; Paj Lug 16:14)

Zaj 60

Anpikayi Thiab Davi

1. Tus pojniam uas tabtom tuaj ntsib Davi hauv daim duab lub npe hu li cas, thiab nws yog ib tug neeg zoo li cas?

2. Nanpas yog leejtwg?

3. Vim li cas Davi txib nws cov neeg mus thov kom Nanpas pab lawv?

4. Nanpas hais li cas rau Davi cov neeg, thiab Davi xav li cas xwb?

5. Anpikayi muaj tswvyim li cas?

Muaj lus nug ntxiv:

1. Nyeem 1 Xamuyee 22:1-4.

   Davi tsev neeg tseg tus qauv zoo heev rau peb. Lawv tus qauv pab kom peb cov Khixatia ib leeg pab ib leeg li cas? (Paj Lug 17:17; 1 Thexalaunika 5:14)

2. Nyeem 1 Xamuyee 25:1-43.

   1. (1) Vim li cas phau Vajlugkub hais tej yam phem txog Nanpas? (1 Xamuyee 25:2-5, 10, 14, 21, 25)

   2. (2) Cov pojniam Khixatia niaj hnub no kawm tau dabtsi los ntawm Anpikayi tus qauv? (1 Xamuyee 25:32, 33; Paj Lug 31:26; Efexau 5:24)

   3. (3) Anpikayi cheem kom Davi txhob ua 2 yam phem twg? (1 Xamuyee 25:31, 33; Loos 12:19; Efexau 4:26)

   4. (4) Davi cov lus teb Anpikayi qhia tias nws saib taus pojniam ib yam li Yehauvas. Qhov no pab tau tej txivneej niaj hnub no li cas? (Tubtxib Tes Haujlwm 21:8, 9; Loos 2:11; 1 Petus 3:7)

Zaj 61

Tsa Davi Ua Vajntxwv

1. Thaum Xa-u tabtom pw tsaug zog hauv nws lub yeej, Davi thiab Anpisai tau ua dabtsi?

2. Davi nug Xa-u li cas?

3. Tom qab Davi ncaim ntawm Xa-u, nws mus nyob qhovtwg lawm?

4. Dabtsi ua rau Davi tu siab heev nws thiaj sau tau ib zaj nkauj zoo ua luaj?

5. Thaum Davi ua vajntxwv hauv Heploo nws muaj pes tsawg xyoo, thiab nws cov tub npe hu li cas?

6. Tom qab no Davi tau ua vajntxwv kav qhovtwg thiab?

Muaj lus nug ntxiv:

1. Nyeem 1 Xamuyee 26:1-25.

   1. (1) Davi cov lus ntawm 1 Xamuyee 26:11 qhia tias nws xav li cas txog cov uas Vajtswv tau tsa? (Ntawv Nkauj 37:7; Loos 13:2)

   2. (2) Thaum peb ua zoo thiab hlub luag tiamsis luag tsis nco peb txiaj ntsig li, Davi cov lus ntawm 1 Xamuyee 26:23 pab tau peb li cas? (1 Vajntxwv 8:32; Ntawv Nkauj 18:20)

2. Nyeem 2 Xamuyee 1:26.

   Cov Khixatia niaj hnub no yuav ua li cas lawv ‘ib leeg thiaj hlub ib leeg tiag tiag’ ib yam li Davi thiab Yaunathas? (1 Petus 4:8; Khaulauxi 3:14; 1 Yauhas 4:12)

3. Nyeem 2 Xamuyee 5:1-10.

   1. (1) Davi ua vajntxwv kav Heploo thiab Yeluxalees tau pes tsawg xyoo? (2 Xamuyee 5:4, 5)

   2. (2) Leejtwg pub hwjchim rau Davi, thiab qhov no pab peb nco ntsoov li cas niaj hnub no? (2 Xamuyee 5:10; 1 Xamuyee 16:13; 1 Khaulee 1:31; Filipi 4:13)

Zaj 62

Davi Tsev Neeg Muaj Teeb Meem

1. Vim muaj Yehauvas pab, thaum kawg ua li cas rau lub tebchaws Khana-as lawm?

2. Muaj ib hmos thaum yuav tsaus ntuj, Davi nce mus saum ru tsev, nws pom dabtsi?

3. Vim li cas Yehauvas npau taws rau Davi?

4. Hauv daim duab, Yehauvas txib leejtwg mus qhia Davi qhov txhaum rau nws, thiab tus txivneej ntawd hais tias yuav muaj dabtsi los raug Davi?

5. Davi muaj teeb meem dabtsi?

6. Tom qab Davi, leejtwg tau ua cov Yixayee tus vajntxwv?

Muaj lus nug ntxiv:

1. Nyeem 2 Xamuyee 11:1-27.

   1. (1) Thaum Davi tsis mus ntaus rog, nws tau mus ua txhaum nrog Npasenpa. Raws li no, yog tias peb rau siab ntso ua Yehauvas tes haujlwm qhov ntawd yuav tiv thaiv tau peb li cas?

   2. (2) Ua li cas Davi thiaj poob kev txhaum, thiab qhov no pab Yehauvas cov tub qhe niaj hnub no kom ceev faj li cas? (2 Xamuyee 11:2; Mathai 5:27-29; 1 Khaulee 10:12; Yakaunpau 1:14, 15)

2. Nyeem 2 Xamuyee 12:1-18.

   1. (1) Cov txwj laus thiab cov niam txiv kawm tau dabtsi los ntawm Nathas cov lus ntuas Davi? (2 Xamuyee 12:1-4; Paj Lug 12:18; Mathai 13:34)

   2. (2) Vim li cas Yehauvas ho zam txim rau Davi? (2 Xamuyee 12:13; Ntawv Nkauj 32:5; 2 Khaulee 7:9, 10)

Zaj 63

Vajntxwv Xalaumoo Muaj Tswvyim

1. Muaj ib hmos Xalaumoo ua npau suav pom Yehauvas hais li cas rau nws, thiab Xalaumoo teb Yehauvas li cas?

2. Rau qhov Yehauvas txaus siab rau Xalaumoo tej lus thov, Yehauvas cog lus tias nws yuav muab dabtsi rau Xalaumoo?

3. Ob tug pojniam uas tuaj cuag Xalaumoo muaj teeb meem dabtsi?

4. Zoo li koj pom hauv daim duab, Xalaumoo kho qhov teeb meem ntawd li cas?

5. Xalaumoo txojkev kav zoo li cas, thiab vim li cas thiaj zoo li ntawd?

Muaj lus nug ntxiv:

1. Nyeem 1 Vajntxwv 3:3-28.

   1. (1) Cov neeg uas tuav haujlwm hauv Yehauvas lub koom haum niaj hnub no kawm tau li cas los ntawm Xalaumoo cov lus thov hauv 1 Vajntxwv 3:7? (Ntawv Nkauj 119:105; Paj Lug 3:5, 6)

   2. (2) Xalaumoo cov lus thov pab peb pom tias peb yuav thov Yehauvas txog tej yam zoo li cas? (1 Vajntxwv 3:9, 11; Paj Lug 30:8, 9; 1 Yauhas 5:14)

   3. (3) Yexus Khetos yog tus Xalaumoo uas Loj Tshaj. Qhov uas Xalaumoo tu plaub rau 2 tug pojniam ntawd pab peb tso siab li cas rau Yexus txojkev kav rau yav tom ntej? (1 Vajntxwv 3:28; Yaxaya 9:6, 7; 11:2-4)

2. Nyeem 1 Vajntxwv 4:29-34.

   1. (1) Yehauvas teb Xalaumoo cov lus thov li cas kom nws muaj lub siab mloog lus? (1 Vajntxwv 4:29)

   2. (2) Peb pom tias tibneeg nyob qhov txhia qhov chaw xav hnov Xalaumoo tej tswvyim. Zoo ib yam li lawv, peb yuav tsum xav li cas txog Vajtswv Txojlus? (1 Vajntxwv 4:29, 34; Yauhas 17:3; 2 Timaute 3:16)

Zaj 64

Xalaumoo Ua Lub Tuam Tsev

1. Xalaumoo siv sijhawm ntev npaum li cas los ua Yehauvas lub tuam tsev thiaj li tiav, thiab vim li cas siv nyiaj ntau ua luaj li los ua lub tuam tsev ntawd?

2. Lub tuam tsev muaj pes tsawg chav loj, thiab Xalaumoo muab dabtsi tso rau chav tom qab kawg nkaus?

3. Thaum lub tuam tsev tiav lawm Xalaumoo thov Vajtswv txog dabtsi?

4. Yehauvas qhia li cas tias nws txaus siab rau Xalaumoo tej lus thov?

5. Xalaumoo cov pojniam ntxias tau Xalaumoo mus ua dabtsi, thiab tom qab ntawd Xalaumoo coj li cas lawm xwb?

6. Vim li cas Yehauvas npau taws rau Xalaumoo, thiab nws hais li cas rau Xalaumoo?

Muaj lus nug ntxiv:

1. Nyeem 1 Vaj Keeb Kwm 28:9, 10.

   Raws li Davi cov lus ntawm 1 Vaj Keeb Kwm 28:9, 10, peb yuav tsum ua dabtsi txhua txhua hnub? (Ntawv Nkauj 19:14; Filipi 4:8, 9)

2. Nyeem 2 Vaj Keeb Kwm 6:12-21, 32-42.

   1. (1) Xalaumoo cov lus qhia li cas tias tsis muaj ib lub tsev uas neeg txhais tes ua yuav txaus tus Vajtswv Loj Dua Ntais nyob? (2 Vaj Keeb Kwm 6:18; Tubtxib Tes Haujlwm 17:24, 25)

   2. (2) Xalaumoo cov lus hais hauv 2 Vaj Keeb Kwm 6:32, 33 qhia li cas txog Yehauvas? (Tubtxib Tes Haujlwm 10:34, 35; Kalatia 2:6)

3. Nyeem 2 Vaj Keeb Kwm 7:1-5.

   Thaum cov Yixayee pom Yehauvas lub hwjchim ci ntsa iab, ua rau lawv qhuas Yehauvas. Niaj hnub no thaum peb xav txog Yehauvas tej koob hmoov rau nws cov tibneeg, peb yuav tsum ua li cas thiab? (2 Vaj Keeb Kwm 7:3; Ntawv Nkauj 22:22; 34:1; 96:2)

4. Nyeem 1 Vajntxwv 11:9-13.

   Xalaumoo lub neej qhia li cas tias peb yuav tsum muab siab npuab Yehauvas mus txog hnub kawg? (1 Vajntxwv 11:4, 9; Mathai 10:22; Qhia Tshwm 2:10)

Zaj 65

Muab Lub Nceeg Vaj Faib

1. Ob tug txivneej uas nyob hauv daim duab npe hu li cas, thiab nkawd tuav haujlwm dabtsi?

2. Ahiya muab lub tsho uas nws hnav ua li cas, thiab vim li cas nws ua li ntawd?

3. Xalaumoo xav ua li cas rau Yelaunpau-as?

4. Vim li cas cov tibneeg thiaj muab Yelaunpau-as tsa ua vajntxwv kav 10 xeem?

5. Vim li cas Yelaunpau-as thiaj ua 2 tug thav nyuj kub, thiab tom qab tsis ntev ntawd lub tebchaws zoo li cas lawm?

6. Ua li cas rau lub nceeg vaj uas muaj 2 xeem thiab Yehauvas lub tuam tsev hauv Yeluxalees?

Muaj lus nug ntxiv:

1. Nyeem 1 Vajntxwv 11:26-43.

   Yelaunpau-as yog ib tug neeg zoo li cas, thiab yog tias nws coj raws li Vajtswv txoj kevcai ces Yehauvas cog lus tias nws yuav pub dabtsi rau Yelaunpau-as? (1 Vajntxwv 11:28, 38)

2. Nyeem 1 Vajntxwv 12:1-33.

   1. (1) Thaum Lehaunpau-as kav, nws ua phem heev rau cov tibneeg. Cov niam txiv thiab cov txwj laus kawm tau li cas los ntawm Lehaunpau-as tus qauv phem? (1 Vajntxwv 12:13; Laj Lim Tswvyim 7:7; 1 Petus 5:2, 3)

   2. (2) Thaum cov hluas niaj hnub no txiav txim siab ua tej yam tseem ceeb rau lawv lub neej, lawv yuav nrhiav kev pab qhovtwg los? (1 Vajntxwv 12:6, 7; Paj Lug 1:8, 9; 2 Timaute 3:16, 17; Henplais 13:7)

   3. (3) Vim li cas Yelaunpau-as teeb 2 tug thav nyuj kub rau lawv pe hawm, thiab qhov no qhia li cas tias nws tsis cia siab rau Yehauvas? (1 Vajntxwv 11:37; 12:26-28)

   4. (4) Leejtwg yog tus coj cov tibneeg nyob hauv lub nceeg vaj uas muaj 10 xeem tawm tsam txojkev pe hawm tseeb? (1 Vajntxwv 12:32, 33)

Zaj 66

Yexenpee Yog Tus Poj Vajntxwv Limhiam

1. Yexenpee yog leejtwg?

2. Vim li cas muaj ib hnub Vajntxwv Ahaj nyuaj siab?

3. Ua li cas Yexenpee thiaj txeeb tau Nanpau lub vaj txiv hmab rau nws tus txiv Ahaj?

4. Yehauvas txib leejtwg mus rau txim rau Yexenpee?

5. Zoo li koj pom hauv daim duab, tau muaj dabtsi tshwm sim thaum Yehu tuaj txog ntawm Yexenpee tsev?

Muaj lus nug ntxiv:

1. Nyeem 1 Vajntxwv 16:29-33 thiab 18:3, 4.

   Thaum Vajntxwv Ahaj kav, lub tebchaws phem npaum li cas? (1 Vajntxwv 16:33)

2. Nyeem 1 Vajntxwv 21:1-16.

   1. (1) Nanpau tau ua siab tawv thiab muab siab npuab Yehauvas li cas? (1 Vajntxwv 21:1-3; Levi Tej Kevcai 25:23-28)

   2. (2) Thaum tsis muaj raws li Ahaj siab nyiam, nws coj li cas xwb, thiab peb kawm tau li cas los ntawm qhov no? (1 Vajntxwv 21:4; Loos 5:3-5)

3. Nyeem 2 Vajntxwv 9:30-37.

   Yehu mob siab ua raws li Yehauvas lub siab nyiam. Peb kawm tau dabtsi los ntawm nws tus qauv? (2 Vajntxwv 9:4-10; 2 Khaulee 9:1, 2; 2 Timaute 4:2)

Zaj 67

Yehausafa Tso Siab Rau Yehauvas

1. Yehausafa yog leejtwg, thiab nws nyob rau lub sijhawm twg?

2. Vim li cas cov Yixayee ntshai ua luaj, thiab coob leej tau ua li cas?

3. Yehauvas teb Yehausafa tej lus thov li cas?

4. Thaum lawv mus yuav txog ntawm tshav rog, Yehauvas ua kom muaj li cas xwb?

5. Peb kawm tau dabtsi los ntawm Yehausafa?

Muaj lus nug ntxiv:

1. Nyeem 2 Vaj Keeb Kwm 20:1-30.

   1. (1) Thaum tibneeg ua nruj ua tsiv rau Yehauvas cov tub qhe, lawv yuav xyaum Yehausafa li cas? (2 Vaj Keeb Kwm 20:12; Ntawv Nkauj 25:15; 121:1, 2)

   2. (2) Txij thaum ub los Yehauvas yeej siv ib tug cev lus los txuas lus nrog nws cov tibneeg. Niaj hnub no Yehauvas txuas lus nrog nws cov tibneeg li cas? (2 Vaj Keeb Kwm 20:14, 15; Mathai 24:45-47; Yauhas 15:15)

   3. (3) Thaum Vajtswv pib ntsuj rog rau ‘hnub loj kawg uas Vajtswv teem cia,’ peb lub sijhawm yuav zoo ib yam li Yehausafa lub li cas? (2 Vaj Keeb Kwm 20:15, 17; 32:8; Qhia Tshwm 16:14, 16)

   4. (4) Zoo ib yam li cov Levi, cov tho kev thiab cov tubtxib tshaj tawm txawv tebchaws yuav txhawb txoj haujlwm tshaj tawm txoj xov zoo li cas? (2 Vaj Keeb Kwm 20:19, 21; Loos 10:13-15; 2 Timaute 4:2)

Zaj 68

Ob Tug Metub Rov Ciaj Sia

1. Cov tibneeg hauv daim duab yog leejtwg, thiab ua li cas rau tus metub?

2. Eliya thov kom Vajtswv pab tus metub li cas, thiab tom qab ntawd tau muaj li cas?

3. Tus uas pab Eliya npe hu li cas?

4. Vim li cas tus pojniam hauv Sunee hu Elisa tuaj hauv nws tsev?

5. Thaum Elisa mus txog nws tau ua dabtsi, thiab ua li cas rau tus menyuam uas tuag lawm?

6. Zoo li peb kawm los ntawm Eliya thiab Elisa, Yehauvas muaj hwjchim ua tau dabtsi?

Muaj lus nug ntxiv:

1. Nyeem 1 Vajntxwv 17:8-24.

   1. (1) Tej yam uas Eliya raug, tau sim nws txojkev ntseeg thiab qhov uas nws mloog Vajtswv lus li cas? (1 Vajntxwv 17:9; 19:1-4, 10)

   2. (2) Vim li cas tsim nyog qhuas tus poj ntsuam uas nyob hauv Xalefa txojkev ntseeg? (1 Vajntxwv 17:12-16; Luka 4:25, 26)

   3. (3) Tej koob hmoov uas tus poj ntsuam hauv Xalefa tau txais qhia li cas tias Yexus cov lus hauv Mathai 10:41, 42 muaj tseeb tiag? (1 Vajntxwv 17:10-12, 17, 23, 24)

2. Nyeem 2 Vajntxwv 4:8-37.

   1. (1) Tus pojniam hauv Sunee qhia peb li cas txog txojkev tos txais qhua? (2 Vajntxwv 4:8; Luka 6:38; Loos 12:13; 1 Yauhas 3:17)

   2. (2) Niaj hnub no peb yuav ua zoo rau Vajtswv cov tub qhe li cas? (Tubtxib Tes Haujlwm 20:35; 28:1, 2; Kalatia 6:9, 10; Henplais 6:10)

Zaj 69

Tus Ntxhais Uas Pab Tus Txivneej Muaj Siab Tawv

1. Nyob hauv daim duab, tus mentxhais tabtom hais dabtsi rau tus pojniam?

2. Tus pojniam hauv daim duab yog leejtwg, thiab ua li cas tus mentxhais ntawd nyob hauv tus pojniam ntawd lub tsev?

3. Elisa hais kom nws tus tub qhe qhia li cas rau Na-amas, thiab vim li cas Na-amas npau taws heev?

4. Thaum Na-amas ua raws li nws cov tub qhe hais, pab tau nws li cas?

5. Vim li cas Elisa tsis kam txais Na-amas cov khoom pub, tiamsis Kehaxi tau ua li cas xwb?

6. Ua li cas rau Kehaxi, thiab peb kawm tau dabtsi los ntawm qhov no?

Muaj lus nug ntxiv:

1. Nyeem 2 Vajntxwv 5:1-27.

   1. (1) Tus mentxhais Yixayee tus qauv txhawb tau cov hluas niaj hnub no li cas? (2 Vajntxwv 5:3; Ntawv Nkauj 8:2; 148:12, 13)

   2. (2) Thaum peb txais kev qhuab ntuas los ntawm phau Vajlugkub, vim li cas ho zoo rau peb nco txog Na-amas tus qauv? (2 Vajntxwv 5:15; Henplais 12:5, 6; Yakaunpau 4:6)

   3. (3) Elisa coj txawv li cas ntawm Kehaxi, thiab peb kawm tau li cas los ntawm nkawd? (2 Vajntxwv 5:9, 10, 14-16, 20; Mathai 10:8; Tubtxib Tes Haujlwm 5:1-5; 2 Khaulee 2:17)

Zaj 70

Yauna Thiab Tus Ntses Loj Loj

1. Yauna yog leejtwg, thiab Yehauvas hais kom Yauna ua dabtsi?

2. Rau qhov Yauna tsis xav mus rau lub nroog uas Yehauvas hais kom nws mus, nws thiaj ua li cas?

3. Yauna hais kom cov neeg tsav nkoj ua li cas rau nws, cua thiaj tus?

4. Zoo li koj pom hauv daim duab no, thaum Yauna tog rau hauv dej ua li cas rau nws?

5. Yauna nyob tau ntev npaum li cas hauv tus ntses lub plab, thiab nws ua dabtsi hauv?

6. Tom qab tus ntses muab Yauna ntuav rau tim ntug dej, Yauna mus qhovtwg, thiab peb kawm tau dabtsi los ntawm no?

Muaj lus nug ntxiv:

1. Nyeem Yauna 1:1-17.

   Thaum Yehauvas hais kom Yauna mus qhia cov Ninave, Yauna ua li cas xwb? (Yauna 1:2, 3; Paj Lug 3:7; Laj Lim Tswvyim 8:12)

2. Nyeem Yauna 2:1, 2, 10.

   Tej uas Yauna raug pab peb tso siab li cas tias Yehauvas yuav teb peb tej lus thov? (Ntawv Nkauj 22:24; 34:6; 1 Yauhas 5:14)

3. Nyeem Yauna 3:1-10.

   1. (1) Txawm tias thaum chiv thawj Yauna tsis kam ua raws li Yehauvas hais los Yehauvas tseem pom zoo siv Yauna. Qhov no txhawb tau peb li cas? (Ntawv Nkauj 103:14; 1 Petus 5:10)

   2. (2) Tej uas Yauna xav txog cov Ninave qhia peb li cas kom peb txhob xaiv ntsej muag thaum peb mus qhia Vajlugkub? (Yauna 3:6-9; Laj Lim Tswvyim 11:6; Tubtxib Tes Haujlwm 13:48, NW)

Zaj 71

Lub Vaj Kaj Siab Uas Vajtswv Cog Tseg

1. Yaxaya yog leejtwg, nws nyob lub sijhawm twg, thiab Yehauvas qhia dabtsi rau nws?

2. Lub vaj kaj siab zoo li cas, thiab ua rau koj nco txog lub vaj twg?

3. Yehauvas tau qhia kom Yaxaya sau li cas txog lub Vaj Kaj Siab tom ntej?

4. Vim li cas Adas thiab Eva tsis tau nyob hauv lub vaj lawm?

5. Yehauvas cog lus li cas rau cov tibneeg uas hlub nws?

Muaj lus nug ntxiv:

1. Nyeem Yaxaya 11:6-9.

   1. (1) Vajtswv Txojlus qhia tias nyob hauv lub ntiajteb tshiab, tsiaj thiab tibneeg yuav nyob sib haum xeeb li cas? (Ntawv Nkauj 148:10, 13; Yaxaya 65:25; Exekhee 34:25)

   2. (2) Niaj hnub no Yaxaya cov lus muaj tiav li cas rau Yehauvas cov tibneeg? (Loos 12:2; Efexau 4:24)

   3. (3) Leejtwg yog tus qhia kom tibneeg hloov tau lawv tus cwj pwm tamsim no thiab hauv lub ntiajteb tshiab? (Yaxaya 48:17, 18; Kalatia 5:22, 23; Filipi 4:7)

2. Nyeem Qhia Tshwm 21:3, 4.

   1. (1) Qhov uas Vajtswv los nrog neeg nyob yog li cas tiag? (Levi Tej Kevcai 26:11, 12; 2 Vaj Keeb Kwm 6:18; Yaxaya 66:1; Qhia Tshwm 21:2, 3, 22-24)

   2. (2) Tej kua muag thiab tej kev mob uas Vajtswv yuav muab tshem tawm yog dabtsi? (Luka 8:49-52; Loos 8:21, 22; Qhia Tshwm 21:4)

Zaj 72

Vajtswv Pab Vajntxwv Hexekhiya

1. Tus txivneej hauv daim duab yog leejtwg, thiab vim li cas nws muaj kev nyuaj siab ua luaj?

2. Cov ntawv uas Hexekhiya muab tso ntawm Vajtswv lub thaj hais li cas, thiab Hexekhiya thov Vajtswv li cas?

3. Hexekhiya yog ib tug vajntxwv uas coj li cas, thiab Yehauvas hais kom Yaxaya xa xov li cas mus rau nws?

4. Zoo li koj pom hauv daim duab, Yehauvas tus tubtxib saum ntuj ua li cas rau cov Axilia?

5. Txawm yog 2 xeem Yixayee uas nyob lub nceeg vaj sab qab teb muaj kev thaj yeeb ib nyuag ntu los, thaum Hexekhiya tuag lawm, muaj li cas xwb?

Muaj lus nug ntxiv:

1. Nyeem 2 Vajntxwv 18:1-36.

   1. (1) Lasakhe, uas yog tus sawv cev rau cov Axilia, nrhiav kev los txo cov Yixayee kev ntseeg li cas? (2 Vajntxwv 18:19, 21; Khiav Dim 5:2; Ntawv Nkauj 64:3)

   2. (2) Thaum muaj neeg tawm tsam Yehauvas Cov Timkhawv, lawv yuav xyaum Hexekhiya tus qauv li cas? (2 Vajntxwv 18:36; Ntawv Nkauj 39:1; Paj Lug 26:4; 2 Timaute 2:24)

2. Nyeem 2 Vajntxwv 19:1-37.

   1. (1) Niaj hnub no thaum Yehauvas cov tibneeg muaj kev nyuaj siab, lawv yuav xyaum Hexekhiya li cas? (2 Vajntxwv 19:1, 2; Paj Lug 3:5, 6; Henplais 10:24, 25; Yakaunpau 5:14, 15)

   2. (2) Vajntxwv Xenakhawli swb 3 zaug li cas, thiab nws piv txwv txog leejtwg? (2 Vajntxwv 19:32, 35, 37; Qhia Tshwm 20:2, 3)

3. Nyeem 2 Vajntxwv 21:1-6, 16.

   Vim li cas thiaj hais tias Manaxe yog ib tug vajntxwv limhiam heev uas tau kav hauv Yeluxalees? (2 Vaj Keeb Kwm 33:4-6, 9)

Zaj 73

Cov Yixayee Muaj Ib Tug Vajntxwv Zoo

1. Thaum Yauxiya ua vajntxwv nws muaj pes tsawg xyoo, thiab thaum nws kav tau 7 xyoo lawm nws pib ua dabtsi?

2. Nyob hauv daim duab sab laug koj pom Yauxiya ua dabtsi?

3. Thaum cov neeg tabtom kho lub tuam tsev, tus pov thawj hlob nrhiav tau dabtsi?

4. Vim li cas Yauxiya muab nws lub tsho dua?

5. Yehauvas hais kom Huda qhia dabtsi rau Yauxiya?

Muaj lus nug ntxiv:

1. Nyeem 2 Vaj Keeb Kwm 34:1-28.

   1. (1) Cov uas raug kev nyuaj siab thaum lawv tseem yau yuav kawm tau dabtsi los ntawm Yauxiya? (2 Vaj Keeb Kwm 33:21-25; 34:1, 2; Ntawv Nkauj 27:10)

   2. (2) Thaum Yauxiya ua vajntxwv kav, nws tau ua 3 yam dabtsi los txhawb kev pe hawm tseeb? (2 Vaj Keeb Kwm 34:3, 8)

   3. (3) Vajntxwv Yauxiya thiab tus Pov Thawj Hlob Hikhiya tau kho thiab tu lawv qhov chaw pe hawm Yehauvas. Peb kawm tau li cas los ntawm nkawd? (2 Vaj Keeb Kwm 34:9-13; Paj Lug 11:14; 1 Khaulee 10:31)

Zaj 74

Ib Tug Txivneej Uas Tsis Ntshai

1. Tus txivneej hluas hluas hauv daim duab yog leejtwg?

2. Thaum Yehauvas txib kom Yelemi ua tus cev Nws tej lus, Yelemi xav li cas xwb, thiab Yehauvas hais li cas rau Yelemi?

3. Yelemi pheej qhia dabtsi rau cov tibneeg?

4. Cov pov thawj txwv Yelemi li cas, thiab ua cas peb thiaj paub tias nws tsis ntshai?

5. Thaum cov Yixayee tsis kam tso lawv tej kev phem tseg, tau muaj li cas rau lawv?

Muaj lus nug ntxiv:

1. Nyeem Yelemi 1:1-8.

   1. (1) Zoo li peb kawm los ntawm Yelemi, dabtsi pab peb ua tau txoj haujlwm uas Yehauvas muab rau peb? (2 Khaulee 3:5, 6)

   2. (2) Yelemi tso tau tus qauv zoo li cas los pab cov tub ntxhais hluas Khixatia niaj hnub no? (Laj Lim Tswvyim 12:1; 1 Timaute 4:12)

2. Nyeem Yelemi 10:1-5.

   Yelemi siv lus piv txwv li cas los qhia kom txhob tso siab rau tej mlom? (Yelemi 10:5; Yaxaya 46:7; Hanpaku 2:19)

3. Nyeem Yelemi 26:1-16.

   1. (1) Niaj hnub no cov xaiv tseg uas tseem nyob hauv ntiajteb tshaj tawm Yehauvas tej lus ceeb toom. Lawv ua raws li Yehauvas tej lus sam hwm rau Yelemi kom “tsis txhob tseg ib los” li cas? (Yelemi 26:2; Kevcai 4:2; Tubtxib Tes Haujlwm 20:27)

   2. (2) Niaj hnub no thaum Yehauvas Cov Timkhawv tshaj tawm Vajtswv tej lus ceeb toom rau sawvdaws, lawv yuav xyaum Yelemi tus qauv li cas? (Yelemi 26:8, 12, 14, 15; 2 Timaute 4:1-5)

4. Nyeem 2 Vajntxwv 24:1-17.

   Thaum kawg ua li cas rau Yuda vim lawv tsis muab siab npuab Yehauvas? (2 Vajntxwv 24:2-4, 14)

Zaj 75

Plaub Tug Tub Hluas Hauv Npanpiloo

1. Plaub tug tub hluas hauv daim duab yog leejtwg, thiab vim li cas lawv nyob hauv Npanpiloo?

2. Nenpukhanexa xav kom 4 tug tub hluas ntawd ua dabtsi, thiab nws hais kom nws cov tub qhe pub dabtsi rau cov tub hluas noj?

3. Daniyee thiab nws 3 tug phoojywg xav noj dabtsi?

4. Thaum Daniyee thiab nws 3 tug phoojywg noj zaub tau 10 hnub lawm, lawv txawv li cas ntawm lwm cov tub hluas?

5. Ua li cas Daniyee thiab nws 3 tug phoojywg tau los nyob hauv vajntxwv lub tsev, thiab ua li cas lawv ho zoo dua tej pov thawj thiab tej neeg txawj ntse?

Muaj lus nug ntxiv:

1. Nyeem Daniyee 1:1-21.

   1. (1) Peb yuav tsum siv zog li cas peb thiaj yuav kov yeej tej kev sim siab? (Daniyee 1:8; Chiv Keeb 39:7, 10; Kalatia 6:9)

   2. (2) Niaj hnub no cov tub ntxhais hluas raug kev sim siab li cas? (Daniyee 1:8; Paj Lug 20:1; 2 Khaulee 6:17–7:1)

   3. (3) Plaub tug tub hluas Henplais pab peb to taub li cas txog kev kawm txuj kawm ci? (Daniyee 1:20; Yaxaya 54:13; 1 Khaulee 3:18-20)

Zaj 76

Yeluxalees Raug Puam Tsuaj

1. Nyob hauv daim duab, ua li cas rau Yeluxalees thiab cov Yixayee?

2. Exekhee yog leejtwg, thiab Yehauvas ua rau nws pom dabtsi?

3. Vim cov Yixayee saib tsis taus Yehauvas, nws thiaj cog lus li cas?

4. Tom qab cov Yixayee sawv tawm tsam Vajntxwv Nenpukhanexa, nws ua li cas rau lawv?

5. Vim li cas Yehauvas cia cov Yixayee raug tej kev puam tsuaj uas phem npaum li ntawd?

6. Ua li cas tsis muaj ib tug neeg nyob hauv Yixayee tebchaws li lawm, thiab lub tebchaws nyob qhuav cia pes tsawg xyoo?

Muaj lus nug ntxiv:

1. Nyeem 2 Vajntxwv 25:1-26.

   1. (1) Xedekhiya yog leejtwg, tau muaj dabtsi los raug nws, thiab qhov no muaj raws li phau Vajlugkub tau hais tseg li cas? (2 Vajntxwv 25:5-7; Exekhee 12:13-15)

   2. (2) Yehauvas hais tias yog tim leejtwg cov Yixayee thiaj tsis muab siab npuab nws? (2 Vajntxwv 25:9, 11, 12, 18, 19; 2 Vaj Keeb Kwm 36:14, 17)

2. Nyeem Exekhee 8:1-18.

   Cov Yixayee tau fav xeeb mus pe lub hnub. Niaj hnub no cov Khixatia Cuav coj ib yam li lawv li cas? (Exekhee 8:16; Yaxaya 5:20, 21; Yauhas 3:19-21; 2 Timaute 4:3)

Zaj 77

Lawv Yeej Tsis Kam Pe Tus Mlom

1. Npanpiloo tus vajntxwv Nenpukhanexa hais kom cov tibneeg ua dabtsi?

2. Vim li cas Daniyee 3 tug phoojywg tsis kam pe tus mlom kub?

3. Thaum Nenpukhanexa rov qab hais kom 3 tug Henplais pe tus mlom, lawv tso siab rau Yehauvas li cas?

4. Nenpukhanexa kom nws cov neeg ua li cas rau Salab, Mesa thiab Anpenekau?

5. Thaum Nenpukhanexa saib hauv lub cub tawg, nws pom dabtsi?

6. Vim li cas vajntxwv qhuas Salab, Mesa thiab Anpenekau tus Vajtswv, thiab peb yuav xyaum cov tub hluas ntawd li cas?

Muaj lus nug ntxiv:

1. Nyeem Daniyee 3:1-30.

   1. (1) Thaum peb txojkev ntseeg raug sim, peb yuav xyaum 3 tug tub hluas Henplais li cas? (Daniyee 3:17, 18; Paj Lug 29:25; Loos 14:7, 8)

   2. (2) Vajtswv Yehauvas ua rau Nenpukhanexa lees paub dabtsi? (Daniyee 3:28, 29; 4:34, 35)

Zaj 78

Cov Lus Sau Ntawm Phab Ntsa

1. Thaum Npanpiloo tus vajntxwv siv tej khob thiab tej tais uas coj tim Yehauvas lub tuam tsev los, tau muaj li cas?

2. Npeesaxa hais li cas rau nws cov neeg txawj ntse, tiamsis lawv ua tsis tau dabtsi?

3. Vajntxwv Npeesaxa niam hais kom nws ua dabtsi?

4. Raws li Daniyee cov lus rau vajntxwv, vim li cas Yehauvas ua ib txhais tes sau cov lus ntawm phab ntsa?

5. Daniyee txhais cov lus ntawm phab ntsa li cas?

6. Hmo uas Daniyee hais tej lus no, tau muaj li cas?

Muaj lus nug ntxiv:

1. Nyeem Daniyee 5:1-31.

   1. (1) Npeesaxa ntshai heev thaum nws pom cov lus uas sau ntawm phab ntsa. Txojkev ntshai Vajtswv txawv li cas ntawm qhov no? (Daniyee 5:6, 7; Ntawv Nkauj 19:9; Loos 8:35-39)

   2. (2) Daniyee cov lus rau Npeesaxa thiab nws cov thawj, qhia tau tias Daniyee muaj lub siab tawv li cas? (Daniyee 5:17, 18, 22, 26-28; Tubtxib Tes Haujlwm 4:29)

   3. (3) Daniyee tshooj 5 qhia tseeb li cas txog Yehauvas lub hwjchim kav? (Daniyee 4:17, 25; 5:21)

Zaj 79

Daniyee Nyob Hauv Qhov Tsov Ntxhuav

1. Dali-a yog leejtwg, thiab nws xav li cas txog Daniyee?

2. Cov neeg uas khib Daniyee hais kom Dali-a ua dabtsi?

3. Thaum Daniyee paub txog txoj kevcai tshiab, nws ua li cas xwb?

4. Ua li cas Dali-a ntxhov siab ua luaj nws thiaj pw tsis tsaug zog, thiab thaum kaj ntug nws ua li cas?

5. Daniyee teb Dali-a li cas?

6. Ua li cas rau cov neeg phem uas xav muab Daniyee tua, thiab Dali-a sau dabtsi mus rau tag nrho cov tibneeg hauv nws lub nceeg vaj?

Muaj lus nug ntxiv:

1. Nyeem Daniyee 6:1-28.

   1. (1) Daniyee cov yeeb ncuab tau khwv tswvyim ua phem rau nws. Niaj hnub no cov uas xav txwv Yehauvas Cov Timkhawv tes haujlwm coj ib yam li Daniyee cov yeeb ncuab li cas? (Daniyee 6:7; Ntawv Nkauj 94:20; Yaxaya 10:1; Loos 8:31)

   2. (2) Daniyee mloog tej nom tswv lus. Niaj hnub no Vajtswv cov tub qhe yuav xyaum Daniyee li cas? (Daniyee 6:5, 10; Loos 13:1; Tubtxib Tes Haujlwm 5:29)

   3. (3) Daniyee “ib txwm” coj li Yehauvas hais. Peb yuav xyaum Daniyee li cas? (Daniyee 6:16, 20; Filipi 3:16; Qhia Tshwm 7:15)

Zaj 80

Vajtswv Cov Tibneeg Tawm Hauv Npanpiloo

1. Hauv daim duab, cov Yixayee tabtom ua dabtsi?

2. Xailab tau ua raws li Yehauvas cov lus li cas?

3. Xailab hais li cas rau cov Yixayee uas mus tsis tau tim Yeluxalees?

4. Xailab muab dabtsi rau cov tibneeg nqa rov qab mus rau tim Yeluxalees?

5. Cov Yixayee mus ntev npaum li cas lawv mam li mus txog tim Yeluxalees?

6. Txij thaum tsis muaj neeg nyob hauv Yeluxalees, tau pes tsawg xyoo lawm?

Muaj lus nug ntxiv:

1. Nyeem Yaxaya 44:28 thiab 45:1-4.

   1. (1) Yehauvas qhia meej li cas tias tej lus faj lem txog Xailab yeej yuav muaj tiav tiag? (Yaxaya 55:10, 11; Loos 4:17)

   2. (2) Yehauvas paub tej uas yuav muaj tom hauv ntej. Yaxaya tej lus faj lem txog Xailab, qhia tseeb li cas txog qhov ntawd? (Yaxaya 42:9; 45:21; 46:10, 11; 2 Petus 1:20)

2. Nyeem Exala 1:1-11.

   Zoo li cov uas mus tsis taus tim Yeluxalees, peb yuav “pab” cov tho kev, cov tubtxib tshaj tawm txawv tebchaws thiab lwm cov uas siv sijhawm ntau ua Yehauvas tes haujlwm li cas? (Exala 1:4, 6; Loos 12:13; Khaulauxi 4:12)

Zaj 81

Cov Yixayee Tso Siab Rau Vajtswv Txojkev Pab

1. Muaj tibneeg coob npaum li cas mus rau tim Yeluxalees, thiab thaum lawv mus txog Yeluxalees zoo li cas xwb?

2. Tom qab cov Yixayee mus txog tim Yeluxalees, lawv pib ua dabtsi, thiab lawv cov yeeb ncuab ua li cas rau lawv?

3. Hakai thiab Xekhaliya yog leejtwg, thiab nkawd hais li cas rau cov tibneeg?

4. Vim li cas Thathenai xa ib tsab ntawv mus rau tim Npanpiloo, thiab vajntxwv teb tuaj li cas?

5. Thaum Exala hnov tias cov Yixayee yuav tsum muab Vajtswv lub tuam tsev kho kom zoo nkauj, nws tau ua li cas xwb?

6. Nyob hauv daim duab no Exala thov Vajtswv txog dabtsi, Vajtswv teb nws tej lus thov li cas, thiab qhov no qhia peb li cas?

Muaj lus nug ntxiv:

1. Nyeem Exala 3:1-13.

   Yog tias peb mus nyob rau ib qho chaw uas tsis muaj Vajtswv cov tibneeg li, peb yuav tsum rau siab ntso ua dabtsi? (Exala 3:3, 6; Tubtxib Tes Haujlwm 17:16, 17; Henplais 13:15)

2. Nyeem Exala 4:1-7.

   Xelunpanpee tsis pub cov uas teev tiam lwm tus vajtswv pab ua lub tuam tsev. Peb kawm tau li cas los ntawm qhov ntawd? (Khiav Dim 34:12; 1 Khaulee 15:33; 2 Khaulee 6:14-17)

3. Nyeem Exala 5:1-5, 17 thiab 6:1-22.

   1. (1) Vim li cas cov Yixayee tej yeeb ncuab thiaj txwv tsis tau kom lawv ua lub tuam tsev? (Exala 5:5; Yaxaya 54:17)

   2. (2) Cov Yixayee tej txwj laus tau tso siab rau Yehauvas thaum muaj yeeb ncuab tawm tsam lawv. Qhov no pab cov txwj laus Khixatia niaj hnub no li cas? (Exala 6:14; Ntawv Nkauj 32:8; Loos 8:31; Yakaunpau 1:5)

4. Nyeem Exala 8:21-23, 28-36.

   Ua ntej peb yuav txiav txim siab ua ib yam dabtsi, peb yuav tsum xyaum Exala li cas? (Exala 8:23; Ntawv Nkauj 127:1; Paj Lug 10:22; Yakaunpau 4:13-15)

Zaj 82

Maudekhai Thiab Exathaw

1. Maudekhai thiab Exathaw yog leejtwg?

2. Ua li cas Vajntxwv Ahaxu-ela xav yuav ib tug pojniam tshiab, thiab nws xaiv leejtwg los ua nws tus pojniam?

3. Hamas yog leejtwg, thiab dabtsi ua rau nws npau taws ua luaj?

4. Vajntxwv tsa txoj kevcai twg, thiab Exathaw ua li cas xwb tom qab Maudekhai xa xov mus rau nws?

5. Ua li cas rau Hamas, thiab ua li cas rau Maudekhai?

6. Ua li cas cov Yixayee thiaj dim ntawm lawv tej yeeb ncuab?

Muaj lus nug ntxiv:

1. Nyeem Exathaw 2:12-18.

   Exathaw tus qauv qhia li cas tias yog ib qho zoo rau peb “ua lub siab mos siab muag thiab muaj lub siab tus yees”? (Exathaw 2:15; 1 Petus 3:1-5)

2. Nyeem Exathaw 4:1-17.

   Exathaw tau txhawb kev pe hawm tseeb li cas, thiab zoo ib yam li ntawd, peb yuav qhia li cas tias peb hlub thiab muab siab npuab Yehauvas? (Exathaw 4:13, 14; Mathai 5:14-16; 24:14)

3. Nyeem Exathaw 7:1-6.

   Exathaw tsis ntshai tsam vajntxwv tsim txom nws. Niaj hnub no Vajtswv cov tibneeg tau coj ib yam li ntawd li cas? (Exathaw 7:4; Mathai 10:16-22; 1 Petus 2:12)

Zaj 83

Yeluxalees Tus Ntsa Loog

1. Tau ntau xyoo cov Yixayee tsis muaj ntsa loog thaiv lawv lub nroog li. Qhov no ua rau cov tibneeg xav li cas xwb?

2. Nehemi yog leejtwg?

3. Nehemi txoj haujlwm yog dabtsi, thiab vim li cas txoj haujlwm no tseem ceeb heev?

4. Vim li cas Nehemi thiaj nyuaj siab, thiab nws hais li cas rau vajntxwv?

5. Vajntxwv Athaxawxi siab zoo heev, nws thiaj pab Nehemi li cas?

6. Nehemi pab cov Yixayee li cas, lawv cov yeeb ncuab thiaj txwv tsis tau lawv ua tus ntsa loog?

Muaj lus nug ntxiv:

1. Nyeem Nehemi 1:4-6 thiab 2:1-20.

   Nehemi nrhiav kev pab los ntawm Yehauvas li cas? (Nehemi 2:4, 5; Loos 12:12; 1 Petus 4:7)

2. Nyeem Nehemi 3:3-5.

   Cov txwj laus thiab cov tub leg num kawm tau li cas los ntawm cov Thekhau-a thiab “cov uas ua hlob”? (Nehemi 3:5, 27; 2 Thexalaunika 3:7-10; 1 Petus 5:5)

3. Nyeem Nehemi 4:1-23.

   1. (1) Txawm tias cov Yixayee tej yeeb ncuab tawm tsam lawv heev los, dabtsi pab kom lawv ua tus ntsa loog tiav? (Nehemi 4:6, 8, 9; Ntawv Nkauj 50:15; Yaxaya 65:13, 14)

   2. (2) Niaj hnub nimno, tej yam uas cov Yixayee ua txhawb tau peb li cas?

4. Nyeem Nehemi 6:15.

   Tom qab 2 lub hlis xwb, cov Yixayee ua Yeluxalees tus ntsa loog tiav kiag. Tej no qhia tias kev ntseeg pab tau peb li cas? (Ntawv Nkauj 56:3, 4; Mathai 17:20; 19:26)

Zaj 84

Ib Tug Tubtxib Saum Ntuj Los Saib Maivliag

1. Tus pojniam hauv daim duab yog leejtwg?

2. Kali-ee hais li cas rau Maivliag?

3. Maivliag tsis tau nrog ib tug txivneej nyob li, tiamsis Kali-ee piav li cas tias Maivliag yuav muaj tau ib tug menyuam?

4. Thaum Maivliag mus saib Elixanpe tau muaj li cas?

5. Thaum Yauxej paub tias Maivliag muaj menyuam lawm nws xav li cas xwb, tiamsis vim li cas nws ho hloov siab lawm?

Muaj lus nug ntxiv:

1. Nyeem Luka 1:26-56.

   1. (1) Raws li Luka 1:35, thaum Maivliag xeeb Yexus rau hauv plab, ua li cas Yexus ho tsis muaj kev txhaum li Maivliag? (Hakai 2:11-13; Yauhas 6:69; Henplais 7:26; 10:5)

   2. (2) Ua ntej Yexus yug los, luag twb hwm nws li cas lawm? (Luka 1:41-43)

   3. (3) Niaj hnub no, thaum cov Khixatia tau txais ib txoj haujlwm hauv lub koom haum, lawv yuav tsum xyaum Maivliag li cas? (Luka 1:38, 46-49; 17:10; Paj Lug 11:2)

2. Nyeem Mathai 1:18-25.

   Lub npe Emanu-ee txhais tias: “Vajtswv nrog nraim peb.” Txawm tias lawv tsis muab Yexus tis npe hu ua Emanu-ee los, Yexus tau coj raws li lub npe ntawd li cas? (Mathai 1:22, 23; Yauhas 14:8-10; Henplais 1:1-3)

Zaj 85

Yexus Yug Hauv Lub Nkuaj Nyug

1. Tus menyuam mos hauv daim duab yog leejtwg, thiab Maivliag muab nws tso pw qhovtwg?

2. Vim li cas Maivliag yug Yexus hauv lub nkuaj nyug?

3. Nyob hauv daim duab, cov neeg uas tabtom nkag los rau hauv lub nkuaj nyug yog leejtwg, thiab ib tug tubtxib saum ntuj tau hais li cas rau lawv?

4. Vim li cas Yexus tseem ceeb ua luaj?

5. Vim li cas thiaj hu tau Yexus ua Vajtswv tus Tub?

Muaj lus nug ntxiv:

1. Nyeem Luka 2:1-20.

   1. (1) Xixa Aukata muaj feem li cas nrog zaj lus faj lem txog Yexus hnub yug? (Luka 2:1-4; Mikha 5:2)

   2. (2) Ib tug neeg yuav tsum ua li cas Vajtswv thiaj txaus siab rau nws? (Luka 2:14; Mathai 16:24; Yauhas 17:3; Tubtxib Tes Haujlwm 3:19; Henplais 11:6)

   3. (3) Cov neeg yug yaj zoo siab heev thaum tus Cawmseej yug los. Vim li cas Vajtswv cov tub qhe nimno yuav tsum yimhuab zoo siab? (Luka 2:10, 11; Efexau 3:8, 9; Qhia Tshwm 11:15; 14:6)

Zaj 86

Lub Hnub Qub Coj Cov Txivneej Kev

1. Cov txivneej hauv daim duab yog leejtwg, thiab vim li cas muaj ib tug tabtom taw tes rau lub hnub qub ci ci?

2. Vim li cas Vajntxwv Helauj nyuaj siab ua luaj, thiab nws hu kom leejtwg los cuag nws?

3. Lub hnub qub ci ci coj cov txivneej mus rau qhovtwg, thiab vim li cas lawv mus dua lwm txojkev mus tsev lawm?

4. Helauj txib neeg mus ua dabtsi, thiab yog vim li cas?

5. Yehauvas qhia kom Yauxej ua dabtsi?

6. Leejtwg ua lub hnub qub tshiab ntawd tawm tuaj, thiab yog vim li cas?

Muaj lus nug ntxiv:

1. Nyeem Mathai 2:1-23.

   Thaum cov neeg txawj saib hnub qub tuaj saib Yexus, nws muaj pes tsawg xyoo lawm, thiab nws nyob qhovtwg? (Mathai 2:1, 11, 16)

Zaj 87

Tus Tub Yexus Nyob Hauv Lub Tuam Tsev

1. Nyob hauv daim duab Yexus muaj pes tsawg xyoo, thiab nws nyob qhovtwg?

2. Txhua xyoo Yauxej thiab nws tsev neeg ua dabtsi?

3. Thaum lawv rov mus tsev tau ib hnub ke lawm, vim li cas Yauxej thiab Maivliag rov mus nram Yeluxalees?

4. Yauxej thiab Maivliag nrhiav tau Yexus nyob qhovtwg, thiab vim li cas cov tibneeg hauv lub tuam tsev xav tsis thoob li?

5. Yexus teb Maivliag li cas?

6. Thaum peb kawm txog Vajtswv, peb yuav tsum xyaum Yexus li cas?

Muaj lus nug ntxiv:

1. Nyeem Luka 2:41-52.

   1. (1) Raws li Mauxe Txoj Kevcai tsis tas tej pojniam menyuam mus koom txoj Kevcai Hla Dhau. Tiamsis Yauxej thiab Maivliag tso tau tus qauv zoo heev rau cov niam txiv niaj hnub no li cas? (Luka 2:41; Kevcai 16:16; 31:12; Paj Lug 22:6)

   2. (2) Yexus mloog nws niam nws txiv lus. Cov hluas niaj hnub no yuav xyaum Yexus li cas? (Luka 2:51; Kevcai 5:16; Paj Lug 23:22; Khaulauxi 3:20)

2. Nyeem Mathai 13:53-56.

   Phau Vajlugkub qhia txog Yexus 4 tug kwv twg, thiab Yexus 2 tug kwv tau los ua dabtsi hauv lub koom txoos Khixatia? (Mathai 13:55; Tubtxib Tes Haujlwm 12:17; 15:6, 13; 21:18; Kalatia 1:19; Yakaunpau 1:1; Yuda 1)

Zaj 88

Yauhas Muab Yexus Ua Kevcai Raus Dej

1. Ob tug txivneej hauv daim duab yog leejtwg?

2. Kevcai raus dej yog dabtsi?

3. Yauhas muab cov neeg zoo li cas ua kevcai raus dej xwb?

4. Vim li cas Yexus hais kom Yauhas muab nws ua kevcai raus dej?

5. Vajtswv qhia li cas tias Nws txaus siab rau qhov uas Yexus ua kevcai raus dej?

6. Thaum Yexus mus rau ntawm ib qho chaw tsis muaj neeg nyob tau 40 hnub, tau muaj li cas rau nws?

7. Leejtwg tau los ua Yexus thawj cov thwjtim, thiab Yexus thawj qhov txujci yog dabtsi?

Muaj lus nug ntxiv:

1. Nyeem Mathai 3:13-17.

   Zoo ib yam li Yexus, cov tseem Khixatia yuav tsum tau ua dabtsi? (Ntawv Nkauj 40:7, 8; Mathai 28:19, 20; Luka 3:21, 22)

2. Nyeem Mathai 4:1-11.

   Yexus txawj piav Vajtswv Txojlus kawg li. Qhov no txhawb kom peb rau siab ntso kawm phau Vajlugkub li cas? (Mathai 4:5-7; 2 Petus 3:17, 18; 1 Yauhas 4:1, NW)

3. Nyeem Yauhas 1:29-51.

   Yauhas, tus uas coj neeg ua kevcai raus dej, qhia kom nws cov thwjtim mus koom nrog leejtwg, thiab niaj hnub no peb yuav xyaum Yauhas li cas? (Yauhas 1:29, 35, 36; 3:30; Mathai 23:10)

4. Nyeem Yauhas 2:1-12.

   Thawj qhov txujci uas Yexus tau ua, qhia li cas tias Yehauvas yeej muab tej yam zoo pub rau Nws cov tub qhe? (Yauhas 2:9, 10; Ntawv Nkauj 84:11; Yakaunpau 1:17)

Zaj 89

Yexus Ntiab Cov Neeg Ua Luam Hauv Lub Tuam Tsev

1. Vim li cas lawv coj tsiaj tuaj muag hauv lub tuam tsev?

2. Vim li cas Yexus npau taws ua luaj?

3. Zoo li koj pom hauv daim duab, Yexus tabtom ua dabtsi, thiab nws hais li cas rau cov txivneej muag nquab?

4. Thaum Yexus cov thwjtim pom tej yam uas nws ua, lawv nco txog dabtsi?

5. Thaum Yexus rov qab mus pem lub xeev Kalilais, nws hla lub xeev twg mus?

Muaj lus nug ntxiv:

1. Nyeem Yauhas 2:13-25.

   Yexus npau taws kawg li thaum cov txivneej tuaj ua luam hauv lub tuam tsev. Puas zoo rau peb ua luam hauv lub Tsev Nceeg Vaj? (Yauhas 2:15, 16; 1 Khaulee 10:24, 31-33)

Zaj 90

Tus Pojniam Ntawm Lub Qhov Dej

1. Vim li cas Yexus ho los rau ntawm ib lub qhov dej hauv Xamali, thiab nws tabtom hais li cas rau tus pojniam uas tuaj nqa dej?

2. Thaum Yexus nrog tus pojniam hais lus, ua li cas tus pojniam xav tsis thoob li? Yexus hais li cas rau nws? Thiab vim li cas Yexus ho hais li ntawd?

3. Tus pojniam xav tias Yexus hais txog cov dej twg, thiab cov dej uas Yexus hais txog ntawd yog dabtsi tiag?

4. Vim li cas tus pojniam xav tsis thoob li thaum Yexus hais txog tus pojniam ntawd lub neej, thiab leejtwg qhia tej ntawd rau Yexus paub?

5. Peb kawm tau dabtsi los ntawm zaj no?

Muaj lus nug ntxiv:

1. Nyeem Yauhas 4:5-43.

   1. (1) Zoo ib yam li Yexus, peb yuav tsum xav li cas txog cov muaj cov pluag thiab lwm haiv neeg? (Yauhas 4:9; 1 Khaulee 9:22; 1 Timaute 2:3, 4; Titau 2:11)

   2. (2) Ib tug neeg uas los ua Yexus tus thwjtim yuav tau dabtsi ntawm sab kev ntseeg? (Yauhas 4:14; Yaxaya 58:11; 2 Khaulee 4:16)

   3. (3) Tus pojniam Xamali mob siab mus qhia lwm tus txog tej uas nws tau kawm. Peb yuav qhia tias peb nco txiaj ntsig ib yam li nws li cas? (Yauhas 4:7, 28; Mathai 6:33; Luka 10:40-42)

Zaj 91

Yexus Qhia Saum Ib Lub Roob

1. Nyob hauv daim duab, Yexus tabtom qhia nyob rau qhovtwg, thiab cov uas zaum ze ntawm nws yog leejtwg?

2. Yexus 12 tug tubtxib npe hu li cas?

3. Lub Nceeg Vaj uas Yexus tabtom tshaj tawm txog yog dabtsi?

4. Yexus qhia kom cov tibneeg thov Vajtswv txog tej yam zoo li cas?

5. Yexus hais kom tibneeg ib leeg yuav tsum ua li cas rau ib leeg?

Muaj lus nug ntxiv:

1. Nyeem Mathai 5:1-12.

   Cov uas xav kom lawv loj hlob ntawm txojkev ntseeg yuav tsum tau ua li cas? (Mathai 5:3, NW; Loos 10:13-15; 1 Timaute 4:13, 15, 16)

2. Nyeem Mathai 5:21-26.

   Mathai 5:23, 24 qhia peb li cas txog peb txojkev sib raug zoo nrog peb cov kwvtij thiab nrog Yehauvas? (Mathai 6:14, 15; Ntawv Nkauj 133:1; Khaulauxi 3:13; 1 Yauhas 4:20)

3. Nyeem Mathai 6:1-8.

   Cov Khixatia yuav tsum tsis txhob khav theeb li cas? (Luka 18:11, 12; 1 Khaulee 4:6, 7; 2 Khaulee 9:7)

4. Nyeem Mathai 6:25-34.

   Yexus qhia tias peb yuav tsum tso siab rau Yehauvas rau txojke twg? (Khiav Dim 16:4; Ntawv Nkauj 37:25; Filipi 4:6)

5. Nyeem Mathai 7:1-11.

   Peb kawm tau dabtsi los ntawm zaj lus piv txwv hauv Mathai 7:5? (Paj Lug 26:12; Loos 2:1; 14:10; Yakaunpau 4:11, 12)

Zaj 92

Yexus Tsa Cov Tuag Sawv

1. Tus ntxhais hauv daim duab leej txiv yog leejtwg, thiab vim li cas nws niam thiab nws txiv txhawj ua luaj?

2. Thaum Yaila nrhiav tau Yexus, nws ua li cas xwb?

3. Thaum Yexus tabtom mus tom Yaila tsev tau muaj li cas, thiab Yaila hnov xov li cas?

4. Vim li cas cov tibneeg nyob hauv Yaila tsev luag Yexus?

5. Tom qab Yexus coj nws 3 tug tubtxib thiab tus ntxhais leej niam leej txiv mus rau hauv chav tsev uas muab tus ntxhais tso pw, Yexus ua li cas xwb?

6. Yexus kuj tsa tau leejtwg ciaj sawv rov los, thiab peb kawm tau li cas los ntawm qhov no?

Muaj lus nug ntxiv:

1. Nyeem Luka 8:40-56.

   Yexus khuvleej thiab ua zoo rau tus pojniam uas nchuav cev li cas, thiab niaj hnub no cov txwj laus Khixatia kawm tau li cas los ntawm qhov ntawd? (Luka 8:43, 44, 47, 48; Levi Tej Kevcai 15:25-27; Mathai 9:12, 13; Khaulauxi 3:12-14)

2. Nyeem Luka 7:11-17.

   Niaj hnub no muaj ntau tus neeg nyuaj siab heev, vim muaj ib tug uas lawv hlub tau tuag lawm. Yexus cov lus rau tus poj ntsuam hauv lub moos Na-i yuav nplig tau lawv li cas? (Luka 7:13; 2 Khaulee 1:3, 4; Henplais 4:15)

3. Nyeem Yauhas 11:17-44.

   Zoo li peb tau kawm txog Yexus, peb quaj puas tau thaum ib tug neeg uas peb hlub tau tas sim neej lawm? (Yauhas 11:33-36, 38; 2 Xamuyee 18:33; 19:1-4)

Zaj 93

Yexus Pub Mov Rau Neeg Coob Coob Noj

1. Ua li cas rau Yauhas tus uas coj neeg ua kevcai raus dej lawm, thiab qhov ntawd ua rau Yexus xav li cas xwb?

2. Ua li cas cov neeg coob coob uas raws Yexus qab thiaj tau mov noj, thiab mov seem ntau npaum li cas?

3. Vim li cas muaj ib hmos Yexus cov thwjtim ntshai ua luaj, thiab ua li cas rau Petus?

4. Tom qab no, Yexus rov pub mov rau ntau txhiab leej noj li cas?

5. Vim li cas yuav yog ib qho uas zoo kawg li thaum Vajtswv tsa Yexus ua Vajntxwv kav lub ntiajteb?

Muaj lus nug ntxiv:

1. Nyeem Mathai 14:1-32.

   1. (1) Mathai 14:23-32 pab peb pom tias Petus muaj tus cwj pwm zoo li cas?

   2. (2) Muaj tej lub sijhawm Petus tsis xav tom ntej tom qab ua ntej nws ua ib yam dabtsi. Raws li cov nqe Vajlugkub no, nws tau hloov li cas lawm? (Mathai 14:27-30; Yauhas 18:10; 21:7; Tubtxib Tes Haujlwm 2:14, 37-40; 1 Petus 5:6, 10)

2. Nyeem Mathai 15:29-38.

   Yexus ris txiaj li cas rau tej uas nws Txiv tau pub rau nws? (Mathai 15:37; Yauhas 6:12; Khaulauxi 3:15)

3. Nyeem Yauhas 6:1-21.

   Zoo ib yam li Yexus, niaj hnub no cov Khixatia yuav tsum saib taus tej nom tswv li cas? (Yauhas 6:15; Mathai 22:21; Loos 12:2; 13:1-4)

Zaj 94

Yexus Hlub Cov Menyuam Yaus

1. Thaum cov tubtxib taug kev rov qab los, lawv sib cav txog dabtsi?

2. Vim li cas Yexus thiaj hu ib tug menyuam yaus los sawv ntawm cov tubtxib hauv ntej?

3. Cov tubtxib yuav tsum xyaum coj li menyuam yaus rau txojke twg?

4. Muaj ib zaug tom qab no, Yexus tau qhia li cas tias nws hlub cov menyuam yaus?

Muaj lus nug ntxiv:

1. Nyeem Mathai 18:1-4.

   Vim li cas Yexus thiaj siv lus piv txwv los qhia? (Mathai 13:34, 36; Malakau 4:33, 34)

2. Nyeem Mathai 19:13-15.

   Yuav kom peb tau tej koob hmoov los ntawm Vajtswv lub Nceeg Vaj, peb yuav tsum xyaum tej menyuam yaus rau txojke twg? (Ntawv Nkauj 25:9; Yakaunpau 4:6; 1 Khaulee 14:20)

3. Nyeem Malakau 9:33-37.

   Yexus qhia nws cov thwjtim li cas txog qhov uas xav ua tus loj? (Malakau 9:35; Mathai 20:25, 26; Kalatia 6:3; Filipi 2:5-8)

4. Nyeem Malakau 10:13-16.

   Tibneeg puas ntshai mus cuag Yexus, thiab cov txwj laus Khixatia yuav xyaum Yexus tus qauv li cas? (Malakau 6:30-34; Filipi 2:1-4; 1 Timaute 4:12)

Zaj 95

Yexus Qhia Li Cas

1. Muaj ib tug txivneej tau nug Yexus txog dabtsi, thiab yog vim li cas?

2. Muaj tej lub sijhawm Yexus qhia tibneeg li cas, thiab peb twb kawm txog cov Yudai thiab cov Xamali li cas lawm?

3. Hauv Yexus zaj lus piv txwv, tau muaj li cas rau tus Yudai uas taug kev mus nram lub moos Yelikhau?

4. Thaum ib tug pov thawj Yudai thiab ib tug Levi los txog ntawm tus txivneej uas tub sab ntaus, nkawd ua li cas xwb?

5. Hauv daim duab no, leejtwg tabtom pab tus Yudai uas raug tub sab ntaus?

6. Tom qab Yexus qhia nws zaj lus piv txwv tas, nws nug li cas, thiab tus txivneej teb nws li cas?

Muaj lus nug ntxiv:

1. Nyeem Luka 10:25-37.

   1. (1) Muaj ib tug txivneej uas paub Vajtswv Txoj Kevcai muaj lus nug Yexus. Yexus tsis teb nws ncaj qha, tiamsis Yexus teb nws li cas xwb? (Luka 10:26; Mathai 16:13-16)

   2. (2) Yexus siv lus piv txwv li cas los pab cov neeg uas xav lossis ntseeg yuam kev? (Luka 10:36, 37; 18:9-14; Titau 1:9)

Zaj 96

Yexus Kho Cov Neeg Muaj Mob

1. Thaum Yexus mus ib qho chaw rau ib qho chaw nws ua dabtsi?

2. Peb xyoos tom qab uas Yexus ua kevcai raus dej tas, nws qhia dabtsi rau nws cov tubtxib?

3. Cov tibneeg hauv daim duab yog leejtwg, thiab Yexus pab tus pojniam ntawd li cas?

4. Vim li cas Yexus cov lus teb ua rau cov thawj coj txaj muag heev?

5. Thaum Yexus thiab nws cov tubtxib tawm mus tsis tau deb ntawm lub moos Yelikhau, Yexus pab 2 tug dig muag uas thov khawv li cas?

6. Vim li cas Yexus thiaj ua tej txujci?

Muaj lus nug ntxiv:

1. Nyeem Mathai 15:30, 31.

   Tej uas Yexus ua qhia tias Yehauvas muaj lub hwjchim ua tau dabtsi? Thiab qhov ntawd pab peb tso siab li cas rau Yehauvas cov lus cog tseg txog lub qab ntuj tshiab? (Ntawv Nkauj 37:29; Yaxaya 33:24)

2. Nyeem Luka 13:10-17.

   Yexus ua tej txujci uas zoo tshaj plaws rau hnub Xanpatau. Zoo ib yam li ntawd, thaum Yexus Kav 1,000 Xyoo nws yuav pab noob neej li cas? (Luka 13:10-13; Ntawv Nkauj 46:9; Mathai 12:8; Khaulauxi 2:16, 17; Qhia Tshwm 21:1-4)

3. Nyeem Mathai 20:29-34.

   Tej uas Yexus tau ua qhia li cas tias, nws zoo siab siv sijhawm los pab tibneeg, thiab peb kawm tau li cas los ntawm nws? (Kevcai 15:7; Yakaunpau 2:15, 16; 1 Yauhas 3:17)

Zaj 97

Yexus Mus Hauv Yeluxalees Zoo Li Tus Vajntxwv

1. Thaum Yexus tuaj txog ntawm lub menyuam zos uas nyob tsis deb ntawm lub nroog Yeluxalees, nws hais kom nws 2 tug thwjtim mus ua dabtsi?

2. Nyob hauv daim duab, thaum Yexus mus yuav txog lub nroog Yeluxalees tau muaj li cas?

3. Thaum cov menyuam yaus pom Yexus kho cov neeg dig muag thiab neeg ceg tawv zoo, lawv hais li cas?

4. Thaum cov pov thawj npau taws heev, Yexus teb lawv li cas?

5. Peb yuav xyaum cov menyuam yaus uas qhuas Yexus li cas?

6. Yexus cov thwjtim xav paub txog dabtsi heev?

Muaj lus nug ntxiv:

1. Nyeem Mathai 21:1-17.

   1. (1) Thaum Yexus mus rau hauv Yeluxalees zoo li tus Vajntxwv, nws caij ib tug nees luav xwb. Qhov no txawv li cas ntawm cov Loos tej thawj tub rog? (Mathai 21:4, 5; Xekhaliya 9:9; Filipi 2:5-8; Khaulauxi 2:15)

   2. (2) Cov menyuam tub Yixayee siv cov nqe hauv Ntawv Nkauj 118 los qhuas Yexus thaum nws mus hauv lub tuam tsev. Cov hluas yuav xyaum cov menyuam no li cas? (Mathai 21:9, 15; Ntawv Nkauj 118:25, 26; 2 Timaute 3:15; 2 Petus 3:18)

2. Nyeem Yauhas 12:12-16.

   Qhov uas cov neeg siv nplooj toov laj thaum lawv qhuas Yexus piv txwv txog dabtsi? (Yauhas 12:13; Filipi 2:10; Qhia Tshwm 7:9, 10)

Zaj 98

Nyob Saum Lub Roob Txiv Aulib

1. Nyob hauv daim duab, Yexus yog tus twg, thiab leejtwg nrog nws nyob ua ke?

2. Cov pov thawj xav ua li cas rau Yexus hauv lub tuam tsev, thiab Yexus tau hais li cas rau lawv?

3. Cov tubtxib nug Yexus txog dabtsi?

4. Vim li cas Yexus qhia nws cov tubtxib txog tej yam uas yuav muaj tshwm sim hauv ntiajteb thaum nws ua Vajntxwv kav saum ntuj ceeb tsheej?

5. Yexus hais tias ua ntej nws muab tej kev phem hauv ntiajteb no tshem tawm mus, yuav muaj dabtsi tshwm sim?

Muaj lus nug ntxiv:

1. Nyeem Mathai 23:1-39.

   1. (1) Cov nqe Vajlugkub qhia tias peb siv tau tej npe meej mom zoo li vajntxwv, yawg hlob, thiab tus tswv thaum peb tham nrog tej neeg tuav haujlwm siab hauv lub ntiajteb no. Tiamsis Yexus cov lus hauv Mathai 23:8-11 puas qhia tias zoo rau peb siv tej npe meej mom siab los qhuas neeg hauv lub koom txoos? (Tubtxib Tes Haujlwm 26:25; Loos 13:7; 1 Petus 2:13, 14)

   2. (2) Cov Falixai txwv kom tibneeg txhob ntseeg Yexus li cas, thiab niaj hnub no kev ntseeg cuav tej thawj coj tau coj ib yam li ntawd li cas? (Mathai 23:13; Luka 11:52; Yauhas 9:22; 12:42; 1 Thexalaunika 2:16)

2. Nyeem Mathai 24:1-14.

   1. (1) Mathai 24:13 qhia tias qhov uas peb ua siab ntev thev tseem ceeb npaum li cas?

   2. (2) Mathai 24:13 qhia kom peb thev mus txog “thaum kawg.” Lo lus “thaum kawg” txhais li cas tiag? (Mathai 16:27; Loos 14:10-12; 2 Khaulee 5:10)

3. Nyeem Malakau 13:3-10.

   Cov lus twg hauv Malakau 13:10 pab peb to taub tias peb yuav tsum maj nroos mus tshaj tawm txoj xov zoo, thiab Yexus cov lus txhawb tau peb li cas? (Loos 13:11, 12; 1 Khaulee 7:29-31; 2 Timaute 4:2)

Zaj 99

Nyob Hauv Chav Tsev Sab Saud

1. Hauv daim duab, vim li cas Yexus thiab nws 12 tug tubtxib ho nyob hauv chav tsev sab saud?

2. Tus txivneej uas tabtom tawm mus yog leejtwg, thiab nws yuav mus ua dabtsi?

3. Thaum noj pluas hmo ua Kevcai Hla Dhau tas lawm, Yexus txawm ua dabtsi uas tseem ceeb heev?

4. Txoj Kevcai Hla Dhau pab cov Yixayee nco txog dabtsi, thiab pluas hmo uas tseem ceeb no pab kom Yexus cov thwjtim nco txog dabtsi?

5. Tom qab tus Tswv Pluas Hmo, Yexus qhia dabtsi rau nws cov tubtxib, thiab tom qab ntawd lawv ua dabtsi?

Muaj lus nug ntxiv:

1. Nyeem Mathai 26:14-30.

   1. (1) Mathai 26:15 qhia li cas tias yog Yudas txhob txwm ntxeev siab rau Yexus?

   2. (2) Thaum Yexus tuag, nws cov ntshav pab kom 2 yam twg muaj tiav? (Mathai 26:27, 28; Yelemi 31:31-33; Efexau 1:7; Henplais 9:19, 20)

2. Nyeem Luka 22:1-39.

   Qhov uas Xatas tshoov Yudas yog li cas tiag? (Luka 22:3; Yauhas 13:2; Tubtxib Tes Haujlwm 1:24, 25)

3. Nyeem Yauhas 13:1-20.

   1. (1) Yudas tau ntxeev siab rau Yexus. Yauhas 13:2 qhia tias yog Xatas tshoov Yudas. Peb liam puas tau tias yog tim Yudas, thiab Vajtswv cov tub qhe kawm tau li cas los ntawm qhov no? (Chiv Keeb 4:7; 2 Khaulee 2:11; Kalatia 6:1; Yakaunpau 1:13, 14)

   2. (2) Peb kawm tau li cas los ntawm qhov uas Yexus ntxuav nws cov tubtxib kotaw? (Yauhas 13:14, 15; Mathai 23:11; 1 Petus 2:21)

4. Nyeem Yauhas 17:1-26.

   Qhov uas Yexus hais tias nws cov tubtxib yuav tsum “koom ib lub siab” yog li cas tiag? (Yauhas 17:11, 21-23; Loos 13:8; 14:19; Khaulauxi 3:14)

Zaj 100

Yexus Nyob Hauv Lub Vaj

1. Tom qab Yexus thiab nws cov tubtxib tawm hauv chav tsev uas nyob sab saud, lawv mus rau qhovtwg lawm, thiab Yexus hais kom lawv ua dabtsi?

2. Thaum Yexus rov los rau ntawm cov tubtxib, nws pom lawv tabtom ua dabtsi, thiab lawv ua li ntawd pes tsawg zaus?

3. Leejtwg tuaj rau hauv lub vaj, thiab zoo li peb pom hauv daim duab, Yudas Ikhali-au tau ua dabtsi?

4. Vim li cas Yudas ho nwj Yexus, thiab Petus ua li cas?

5. Yexus hais li cas rau Petus, thiab vim li cas Yexus ho tsis thov kom Vajtswv tso cov tubtxib saum ntuj los cawm nws?

Muaj lus nug ntxiv:

1. Nyeem Mathai 26:36-56.

   1. (1) Yexus qhuab ntuas nws cov thwjtim li cas, thiab cov txwj laus Khixatia yuav xyaum Yexus li cas? (Mathai 20:25-28; 26:40, 41; Kalatia 5:17; Efexau 4:29, 31, 32)

   2. (2) Yexus xav li cas txog txojkev siv tej cuab yeej los tua neeg? (Mathai 26:52; Luka 6:27, 28; Yauhas 18:36)

2. Nyeem Luka 22:39-53.

   Thaum muaj ib tug tubtxib saum ntuj tshwm los txhawb Yexus zog hauv lub vaj Kexemane, puas yog Yexus txojkev ntseeg yau heev lawm? Piav saib. (Luka 22:41-43; Yaxaya 49:8; Mathai 4:10, 11; Henplais 5:7)

3. Nyeem Yauhas 18:1-12.

   Yexus tiv thaiv nws cov thwjtim li cas, thiab peb kawm tau li cas los ntawm qhov no? (Yauhas 10:11, 12; 18:1, 6-9; Henplais 13:6; Yakaunpau 2:25)

Zaj 101

Yexus Raug Tua Lawm

1. Leejtwg yog tus uas ris lub txim tua Yexus?

2. Thaum cov thawj coj ntes Yexus, nws cov tubtxib ua li cas lawm?

3. Thaum lawv nyob hauv tus pov thawj hlob Khayafa tsev, tau muaj li cas?

4. Vim li cas Petus tawm mus sab nraud thiab quaj tu siab kawg li?

5. Tom qab lawv coj Yexus rov los rau Philaj, cov thawj ntawm cov pov thawj qw li cas?

6. Hnub 5 (Friday) thaum tav su, tau muaj li cas rau Yexus, thiab Yexus cog lus li cas rau tus tub sab ntawm nws ib sab?

7. Lub Vaj Kaj Siab uas Yexus hais txog yuav nyob qhovtwg?

Muaj lus nug ntxiv:

1. Nyeem Mathai 26:57-75.

   Cov thawj coj ntawm cov Yudai lub rooj sablaj loj tau coj Yexus mus hais plaub. Ua cas peb thiaj paub tias lawv muaj lub siab limhiam? (Mathai 26:59, 67, 68)

2. Nyeem Mathai 27:1-50.

   Ua cas peb thiaj paub tias Yudas tsis tu siab tiag tiag rau tej yam uas nws tau ua? (Mathai 27:3, 4; Malakau 3:29; 14:21; 2 Khaulee 7:10, 11)

3. Nyeem Luka 22:54-71.

   Hmo uas Yexus raug ntes, Petus tsis lees paub nws. Peb kawm tau li cas los ntawm qhov ntawd? (Luka 22:60-62; Mathai 26:31-35; 1 Khaulee 10:12)

4. Nyeem Luka 23:1-49.

   Cov tibneeg ua tsis ncaj rau Yexus. Tiamsis Yexus coj li cas xwb, thiab peb kawm tau li cas los ntawm qhov no? (Luka 23:33, 34; Loos 12:17-19; 1 Petus 2:23)

5. Nyeem Yauhas 18:12-40.

   Muaj ib zaug Petus tsis lees paub Yexus vim nws ntshai tibneeg, tiamsis tom qab no nws ua tau ib tug tubtxib zoo kawg li. Peb kawm tau li cas los ntawm qhov no? (Yauhas 18:25-27; 1 Khaulee 4:2; 1 Petus 3:14, 15; 5:8, 9)

6. Nyeem Yauhas 19:1-30.

   1. (1) Yexus saib tej qhov txhia chaw uas nws muaj zoo li cas xwb? (Yauhas 2:1, 2, 9, 10; 19:23, 24; Mathai 6:31, 32; 8:20)

   2. (2) Ua ntej Yexus tuag nws tau hais tias: “Tiav lawm lauj!” Nws cov lus no qhia tias nws tau txhawb Yehauvas txojkev kav li cas? (Yauhas 16:33; 19:30; 2 Petus 3:14; 1 Yauhas 5:4)

Zaj 102

Yexus Ciaj Sawv Rov Los

1. Tus pojniam thiab 2 tug txivneej hauv daim duab yog leejtwg, thiab lawv nyob qhovtwg?

2. Vim li cas Philaj hais kom cov pov thawj txib tub rog mus zov Yexus lub ntxa?

3. Hnub 3 tom qab Yexus tuag, muaj ib tug tubtxib saum ntuj los ua dabtsi thaum kaj ntug, thiab cov pov thawj tau ua li cas?

4. Thaum cov pojniam xauj hauv Yexus lub ntxa, vim li cas lawv xav tsis thoob li?

5. Vim li cas Petus thiab Yauhas dhia mus tom Yexus lub ntxa, thiab nkawd pom muaj li cas?

6. Ua li cas rau Yexus lub cev lawm, tiamsis nws tau ua li cas los qhia nws cov thwjtim tias nws rov ciaj lawm tiag?

Muaj lus nug ntxiv:

1. Nyeem Mathai 27:62-66 thiab 28:1-15.

   Lub sijhawm Yexus sawv hauv qhov tuag rov qab los, cov thawj ntawm cov pov thawj, thiab Falixai, thiab cov txwj laus ua txhaum lub hwj huam dawb huv li cas? (Mathai 12:24, 31, 32; 28:11-15)

2. Nyeem Luka 24:1-12.

   Muaj ib co pojniam ua timkhawv pom Yexus tom qab nws ciaj sawv rov los. Qhov no qhia peb tias Yehauvas tso siab rau tej pojniam li cas? (Luka 24:4, 9, 10; Mathai 28:1-7)

3. Nyeem Yauhas 20:1-12.

   Yog tias peb tsis to taub tej lus faj lem hauv phau Vajlugkub, Yauhas 20:8, 9 pab kom peb ua siab ntev li cas? (Paj Lug 4:18; Mathai 17:22, 23; Luka 24:5-8; Yauhas 16:12)

Zaj 103

Hauv Chav Tsev Uas Qhov Rooj Xauv Lawm

1. Maivliag hais li cas rau tus txivneej uas nws xav tias yog tus tu lub vaj, thiab tom qab ntawd ua li cas Maivliag ho paub tias tus txivneej ntawd yog Yexus?

2. Thaum 2 tug thwjtim tabtom taug kev mus rau lub zos Ema-u, tau muaj li cas?

3. Thaum 2 tug thwjtim qhia rau cov tubtxib tias nkawd twb pom Yexus lawm, tau muaj li cas?

4. Yexus los tshwm rau nws cov thwjtim pom pes tsawg zaus?

5. Thaum Thauma hnov tias cov thwjtim twb pom tus Tswv lawm, nws hais li cas, thiab 8 hnub tom qab ntawd tau muaj li cas?

Muaj lus nug ntxiv:

1. Nyeem Yauhas 20:11-29.

   Cov lus uas Yexus hais hauv Yauhas 20:23 puas yog qhia tias tibneeg muaj hwjchim zam tau neeg lub txim? Piav saib. (Ntawv Nkauj 49:2, 7; Yaxaya 55:7; 1 Timaute 2:5, 6; 1 Yauhas 2:1, 2)

2. Nyeem Luka 24:13-43.

   Peb yuav qheb peb lub siab los txais qhov tseeb hauv phau Vajlugkub li cas? (Luka 24:32, 33; Exala 7:10; Tubtxib Tes Haujlwm 16:14; Henplais 5:11-14)

Zaj 104

Yexus Rov Mus Saum Ntuj Ceeb Tsheej

1. Muaj ib zaug Yexus los tshwm rau pes tsawg leej thwjtim pom, thiab nws qhia lawv txog dabtsi?

2. Vajtswv lub Nceeg Vaj yog dabtsi, thiab thaum Yexus ua Vajntxwv kav 1,000 xyoo lub neej hauv ntiajteb yuav zoo li cas?

3. Yexus tshwm rau nws cov thwjtim pom tau pes tsawg hnub, tiamsis nimno txog sijhawm rau Yexus mus qhovtwg?

4. Ua ntej Yexus yuav ncaim nws cov thwjtim mus, Yexus hais kom lawv ua dabtsi?

5. Nyob hauv daim duab tau muaj li cas, thiab ua li cas tsis pom Yexus lawm?

Muaj lus nug ntxiv:

1. Nyeem 1 Khaulee 15:3-8.

   Ua li cas Povlauj ho hais tau tias Yexus yeej ciaj sawv rov los lawm tiag, thiab niaj hnub no peb cov Khixatia tso siab lug mus tshaj tawm txog dabtsi? (1 Khaulee 15:4, 7, 8; Yaxaya 2:2, 3; Mathai 24:14; 2 Timaute 3:1-5)

2. Nyeem Tubtxib Tes Haujlwm 1:1-11.

   Raws li Tubtxib Tes Haujlwm 1:8, cov Khixatia yav thaum ub tau tshaj tawm txoj xov zoo mus deb npaum li cas? (Tubtxib Tes Haujlwm 6:7; 9:31; 11:19-21; Khaulauxi 1:23)

Zaj 105

Nyob Hauv Yeluxalees Tos

1. Hauv daim duab, tau muaj li cas rau Yexus cov thwjtim hauv Yeluxalees?

2. Ua li cas cov tibneeg uas tuaj rau hauv Yeluxalees xav tsis thoob li?

3. Petus hais li cas rau cov tibneeg?

4. Tom qab cov tibneeg hnov Petus qhia, lawv xav li cas xwb, thiab Petus qhia kom lawv ua dabtsi?

5. Hnub ntawd muaj neeg coob npaum li cas ua kevcai raus dej?

Muaj lus nug ntxiv:

1. Nyeem Tubtxib Tes Haujlwm 2:1-47.

   1. (1) Raws li Petus cov lus ntawm Tubtxib Tes Haujlwm 2:23, 36, ua li cas tag nrho ib tsoom neeg Yudai ho ris lub txim tua Yexus? (1 Thexalaunika 2:14, 15)

   2. (2) Petus siv Vajtswv Txojlus li cas los pab kom tibneeg paub xav? (Tubtxib Tes Haujlwm 2:16, 17, 29, 31, 36, 39; Khaulauxi 4:6)

   3. (3) Yexus tau muab 3 ‘tug yuam sij ntawm lub nceeg vaj saum ntuj ceeb tsheej’ rau Petus. Petus siv thawj tug yuam sij li cas? (Tubtxib Tes Haujlwm 2:14, 22-24, 37, 38; Mathai 16:19, NW)

Zaj 106

Tso Dim Hauv Nkuaj

1. Muaj ib hnub, thaum Petus thiab Yauhas tabtom mus hauv lub tuam tsev tau muaj li cas?

2. Petus hais li cas rau tus txivneej uas tuag taw? Thiab Petus tau muab ib yam uas muaj nqes tshaj nyiaj pub rau nws, yam ntawd yog dabtsi?

3. Vim li cas cov thawj coj npau taws ua luaj, thiab lawv ua li cas rau Petus thiab Yauhas?

4. Petus hais li cas rau cov thawj coj, thiab cov thawj coj hais li cas rau cov tubtxib?

5. Vim li cas cov thawj coj khib ua luaj li, thiab thaum cov tubtxib raug kaw hauv nkuaj zaum 2, tau muaj li cas?

6. Thaum lawv coj cov tubtxib los hauv lub tsev Xaheree, cov tubtxib teb cov thawj coj li cas?

Muaj lus nug ntxiv:

1. Nyeem Tubtxib Tes Haujlwm 3:1-10.

   Niaj hnub no peb tsis muaj hwjchim ua txujci. Txawm li ntawd los, Petus cov lus nyob hauv Tubtxib Tes Haujlwm 3:6 pab kom peb pom tias txoj xov zoo txog Vajtswv lub Nceeg Vaj muaj nqes npaum li cas? (Yauhas 17:3; 2 Khaulee 5:18-20; Filipi 3:8)

2. Nyeem Tubtxib Tes Haujlwm 4:1-31.

   Thaum peb mus qhia txoj xov zoo, peb raug luag lwm tus tawm tsam. Peb yuav tsum xyaum cov Khixatia yav thaum ub li cas? (Tubtxib Tes Haujlwm 4:29, 31; Efexau 6:18-20; 1 Thexalaunika 2:2)

3. Nyeem Tubtxib Tes Haujlwm 5:17-42.

   Zoo ib yam li yav thaum ub, niaj hnub no muaj ib txhia tsis yog Yehauvas Cov Timkhawv, tiamsis lawv xav li cas xwb txog tes haujlwm tshaj tawm txoj xov zoo? (Tubtxib Tes Haujlwm 5:34-39)

Zaj 107

Xuas Pob Zeb Ntaus Xatefanau

1. Xatefanau yog leejtwg, thiab Vajtswv pab nws ua dabtsi?

2. Xatefanau tau hais li cas, cov thawj coj thiaj npau taws ua luaj?

3. Thaum cov txivneej muab Xatefanau cab tawm hauv lub nroog mus, lawv ua li cas rau nws?

4. Nyob hauv daim duab, tus tub hluas ntawm cov tsho ntev yog leejtwg?

5. Ua ntej Xatefanau tuag, nws thov Yehauvas li cas?

6. Zoo ib yam li Xatefanau, thaum muaj neeg ua phem rau peb, peb yuav ua li cas?

Muaj lus nug ntxiv:

1. Nyeem Tubtxib Tes Haujlwm 6:8-15.

   Cov thawj coj ntawm tej kev ntseeg cuav niaj hnub no, tau tshum Yehauvas Cov Timkhawv tes haujlwm tshaj tawm txoj xov zoo li cas? (Tubtxib Tes Haujlwm 6:9, 11, 13)

2. Nyeem Tubtxib Tes Haujlwm 7:1-60.

   1. (1) Dabtsi pab kom Xatefanau qhia txoj xov zoo hauv lub tsev Xaheree, thiab peb kawm tau li cas los ntawm nws? (Tubtxib Tes Haujlwm 7:51-53; Loos 15:4; 2 Timaute 3:14-17; 1 Petus 3:15)

   2. (2) Thaum luag lwm tus tawm tsam peb tes haujlwm, peb yuav tsum xyaum coj li cas? (Tubtxib Tes Haujlwm 7:58-60; Mathai 5:44; Luka 23:33, 34)

Zaj 108

Taug Kev Mus Rau Damaxaka

1. Tom qab Xatefanau tuag lawm, Xolau ua li cas xwb?

2. Thaum Xolau tabtom mus rau Damaxaka, tau muaj li cas?

3. Yexus hais kom Xolau ua dabtsi?

4. Yexus txib kom Anania ua dabtsi, thiab ua li cas Xolau rov pom kev?

5. Tom qab no, luag muab Xolau hu li cas, thiab Yexus txib Xolau ua dabtsi?

Muaj lus nug ntxiv:

1. Nyeem Tubtxib Tes Haujlwm 8:1-4.

   Txawm tias cov Khixatia thaum ub raug kev tsim txom los, txoj xov zoo tseem nrov ncha li cas? Thiab niaj hnub no, tau muaj li ntawd li cas? (Tubtxib Tes Haujlwm 8:4; Yaxaya 54:17)

2. Nyeem Tubtxib Tes Haujlwm 9:1-20.

   Yexus xav kom Xolau qhia txoj xov zoo rau 3 pab neeg twg? (Tubtxib Tes Haujlwm 9:15; 13:5; 26:1; 27:24; Loos 11:13)

3. Nyeem Tubtxib Tes Haujlwm 22:6-16.

   Peb yuav xyaum Anania li cas, thiab ua li cas ho zoo rau peb ua li ntawd? (Tubtxib Tes Haujlwm 22:12; 1 Timaute 3:7; 1 Petus 1:14-16; 2:12)

4. Nyeem Tubtxib Tes Haujlwm 26:8-20.

   Muaj ib txhia Khixatia, lawv muaj tej txij nkawm tsis ntseeg Yehauvas. Qhov uas Xolau hloov los ua ib tug Khixatia txhawb tau lawv li cas? (Tubtxib Tes Haujlwm 26:11; 1 Timaute 1:14-16; 2 Timaute 4:2; 1 Petus 3:1-3)

Zaj 109

Petus Mus Xyuas Khaunelia

1. Hauv daim duab, tus txivneej uas txhos caug pe Petus yog leejtwg?

2. Muaj ib tug tubtxib saum ntuj hais li cas rau Khaunelia?

3. Thaum Petus nyob saum Ximoos lub ru tsev, Vajtswv ua rau Petus ua yog toog pom dabtsi?

4. Vim li cas Petus txwv kom Khaunelia txhob pe hawm thiab teev tiam nws?

5. Ua li cas cov thwjtim Yudai uas nrog Petus ua ke xav tsis thoob li?

6. Peb kawm tau li cas los ntawm qhov uas Petus mus xyuas Khaunelia?

Muaj lus nug ntxiv:

1. Nyeem Tubtxib Tes Haujlwm 10:1-48.

   Petus cov lus ntawm Tubtxib Tes Haujlwm 10:42 qhia li cas txog txoj haujlwm tshaj tawm txog lub Nceeg Vaj? (Mathai 28:19; Malakau 13:10; Tubtxib Tes Haujlwm 1:8)

2. Nyeem Tubtxib Tes Haujlwm 11:1-18.

   Thaum Yehauvas txais yuav lwm haiv neeg lawm, Petus coj li cas xwb, thiab peb yuav xyaum coj li Petus li cas? (Tubtxib Tes Haujlwm 11:17, 18; 2 Khaulee 10:5; Efexau 5:17)

Zaj 110

Timaute Pab Povlauj

1. Tus tub hluas hauv daim duab yog leejtwg, nws nyob lub moos twg? Nws niam thiab nws niam tais npe hu li cas?

2. Thaum Povlauj nug Timaute saib nws puas xav nrog Xila nkawd mus tshaj tawm txoj xov zoo rau lwm lub tebchaws, Timaute teb li cas?

3. Yexus cov thwjtim xub tau lub npe Khixatia hauv lub moos twg?

4. Tom qab Povlauj, Xila, thiab Timaute tawm hauv Lixatha, lawv mus rau cov moos hu li cas?

5. Timaute pab Povlauj li cas, thiab niaj hnub no cov hluas yuav tsum xav txog dabtsi?

Muaj lus nug ntxiv:

1. Nyeem Tubtxib Tes Haujlwm 9:19-30.

   Povlauj yog ib tug neeg xyuam xim heev. Thaum muaj neeg tawm tsam Povlauj, nws ua li cas? (Tubtxib Tes Haujlwm 9:22-25, 29, 30; Mathai 10:16)

2. Nyeem Tubtxib Tes Haujlwm 11:19-26.

   Cov nqe Vajlugkub hauv Tubtxib Tes Haujlwm 11:19-21, 26 qhia li cas tias Yehauvas lub hwj huam dawb huv pab coj tes haujlwm tshaj tawm txoj xov zoo?

3. Nyeem Tubtxib Tes Haujlwm 13:13-16, 42-52.

   Tubtxib Tes Haujlwm 13:51, 52 qhia li cas tias cov thwjtim tsis cia kev tawm tsam ua rau lawv qaug zog? (Mathai 10:14; Tubtxib Tes Haujlwm 18:6; 1 Petus 4:14)

4. Nyeem Tubtxib Tes Haujlwm 14:1-6, 19-28.

   Tej zaum peb yuav txhawj heev txog cov uas nyuam qhuav los ntseeg tshiab. Tiamsis cov lus ntawm Tubtxib Tes Haujlwm 14:23 uas hais tias, ‘muab lawv cob rau Yehauvas,’ txhawb tau peb li cas? (Tubtxib Tes Haujlwm 14:21-23; 20:32; Yauhas 6:44)

5. Nyeem Tubtxib Tes Haujlwm 16:1-5.

   Qhov uas Timaute ua kevcai txiav qhia li cas tias, tseem ceeb rau peb ‘ua txhua yam rau txoj xov zoo’? (Tubtxib Tes Haujlwm 16:3; 1 Khaulee 9:23; 1 Thexalaunika 2:8)

6. Nyeem Tubtxib Tes Haujlwm 18:1-11, 18-22.

   Tubtxib Tes Haujlwm 18:9, 10 qhia li cas tias, Yexus kuj pab txhawb tes haujlwm tshaj tawm txoj xov zoo, thiab niaj hnub no qhov ntawd pab peb tso siab li cas? (Mathai 28:20)

Zaj 111

Ib Tug Tub Hluas Pw Tsaug Zog

1. Nyob hauv daim duab, tus tub hluas uas pw hauv av yog leejtwg, thiab ua li cas rau nws?

2. Thaum Povlauj pom tias tus tub hluas ntawd tuag lawm, nws ua li cas?

3. Povlauj, Timaute, thiab cov neeg uas nrog nkawd yuav mus rau qhovtwg, thiab thaum lawv mus txog Miletha, tau muaj li cas?

4. Tus cev Vajtswv lus Akanpa ceeb toom rau Povlauj li cas, thiab tau muaj raws li nws hais li cas?

Muaj lus nug ntxiv:

1. Nyeem Tubtxib Tes Haujlwm 20:7-38.

   1. (1) Raws li Povlauj tej lus hauv Tubtxib Tes Haujlwm 20:26, 27, peb yuav ua li cas peb thiaj li tsis ‘ris sawvdaws tej ntshav’? (Exekhee 33:8; Tubtxib Tes Haujlwm 18:6, 7)

   2. (2) Thaum cov txwj laus qhuab qhia, vim li cas lawv yuav tsum “tuav rawv tej lus qhia uas tso siab tau”? (Tubtxib Tes Haujlwm 20:17, 29, 30; Titau 1:7-9; 2 Timaute 1:13)

2. Nyeem Tubtxib Tes Haujlwm 26:24-32.

   Povlauj yog ib tug pejxeem Loos. Qhov ntawd pab nws ua tes haujlwm uas Yexus muab rau nws li cas? (Tubtxib Tes Haujlwm 9:15; 16:37, 38; 25:11, 12; 26:32; Luka 21:12, 13)

Zaj 112

Lub Nkoj Tawg Tas Ntawm Lub Koog Povtxwv

1. Thaum Povlauj lawv hla mus ze lub koog povtxwv Khete, tau muaj li cas rau lub nkoj?

2. Povlauj hais li cas rau cov uas nyob hauv lub nkoj?

3. Ua li cas lub nkoj tawg tas lawm?

4. Tus thawj tub rog hais li cas rau lawv, thiab muaj pes tsawg leej dim?

5. Lub koog povtxwv uas lawv los poob ntawd hu li cas, thiab thaum huab cua zoo lawm, tau muaj li cas rau Povlauj?

Muaj lus nug ntxiv:

1. Nyeem Tubtxib Tes Haujlwm 27:1-44.

   Thaum peb nyeem txog zaj uas Povlauj mus rau tim Loos, zaj no haj yam txhawb kom peb tso siab li cas rau phau Vajlugkub? (Tubtxib Tes Haujlwm 27:16-19, 27-32; Luka 1:3; 2 Timaute 3:16, 17)

2. Nyeem Tubtxib Tes Haujlwm 28:1-14.

   Cov neeg uas nyob hauv lub koog povtxwv Melita tsis teev tiam Yehauvas, tiamsis lawv ua zoo kawg nkaus li rau Povlauj thiab cov neeg uas nrog nws ua ke. Yog li ntawd, niaj hnub no cov Khixatia yuav tsum haj yam ua dabtsi? Thiab lawv yuav ua li ntawd li cas? (Tubtxib Tes Haujlwm 28:1, 2; Henplais 13:1, 2; 1 Petus 4:9)

Zaj 113

Povlauj Nyob Hauv Loos

1. Thaum Povlauj raug kaw hauv Loos, nws qhia txoj xov zoo rau leejtwg?

2. Nyob hauv daim duab, tus txivneej uas zaum ntawm rooj yog leejtwg, thiab nws pab Povlauj ua dabtsi?

3. Epafaudita yog leejtwg, thiab thaum nws rov mus rau Filipi, nws nqa dabtsi nrog nws mus?

4. Vim li cas Povlauj ho sau ntawv mus rau nws tus phoojywg Filemoo?

5. Thaum lawv tso Povlauj tawm, nws mus ua dabtsi, thiab tom qab no tau muaj li cas rau nws?

6. Yehauvas hais kom leejtwg sau ob peb phau ntawv los xaus phau Vajlugkub, thiab phau ntawv Qhia Tshwm qhia txog dabtsi?

Muaj lus nug ntxiv:

1. Nyeem Tubtxib Tes Haujlwm 28:16-31 thiab Filipi 1:13.

   Thaum Povlauj raug kaw hauv Loos, nws siv nws lub sijhawm ua dabtsi, thiab nws txojkev ntseeg txhawb tau lub koom txoos Khixatia li cas? (Tubtxib Tes Haujlwm 28:23, 30; Filipi 1:14)

2. Nyeem Filipi 2:19-30.

   Povlauj hais li cas txog Timaute thiab Epafaudita, thiab peb yuav xyaum Povlauj li cas? (Filipi 2:20, 22, 25, 29, 30; 1 Khaulee 16:18; 1 Thexalaunika 5:12, 13)

3. Nyeem Filemoo 1-25.

   1. (1) Vim li cas Povlauj thiaj li txhawb kom Filemoo ua qhov zoo, thiab niaj hnub no qhov ntawd txhawb kom cov txwj laus ua li cas? (Filemoo 9; 2 Khaulee 8:8; Kalatia 5:13)

   2. (2) Povlauj cov lus hauv Filemoo 13, 14 qhia li cas tias nws saib taus luag lwm tus txojkev xav? (1 Khaulee 8:7, 13; 10:31-33)

4. Nyeem 2 Timaute 4:7-9.

   Zoo ib yam li tus tubtxib Povlauj, yog tias peb tuav rawv txojkev ntseeg mus txog thaum kawg, peb muaj kev tso siab li cas tias Yehauvas yuav muab nqe zog rau peb? (Mathai 24:13; Henplais 6:10)

Zaj 114

Hnub Kawg Rau Txhua Txojkev Phem

1. Vim li cas phau Vajlugkub hais tias muaj nees nyob saum ntuj?

2. Vajtswv ntsuj rog hu li cas, thiab ua li cas ho muaj ntsuj rog ntawd?

3. Nyob hauv daim duab, leejtwg yog tus ntaus thawj ua ntsuj rog Amakedoo, vim li cas nws ho ntoo ib lub kaus mom kub, thiab rab ntaj piv txwv txog dabtsi?

4. Raws li peb kawm hauv Zaj 10, 15, thiab 33, ua li cas peb ho paub tias Vajtswv yuav muab cov neeg phem rhuav tshem?

5. Raws li Zaj 36 thiab 76, txawm tias cov neeg phem lees pe hawm Vajtswv los, ua li cas peb ho paub tias Vajtswv yuav muab lawv rhuav tshem thiab?

Muaj lus nug ntxiv:

1. Nyeem Qhia Tshwm 19:11-16.

   1. (1) Cov nqe Vajlugkub qhia li cas tias Yexus yog tus uas caij tus nees dawb? (Qhia Tshwm 1:5; 3:14; 19:11; Yaxaya 11:4)

   2. (2) Cov ntshav uas lo Yexus lub tsho qhia li cas tias nws yuav kov yeej nws cov yeeb ncuab huvsi? (Qhia Tshwm 14:18-20; 19:13)

   3. (3) Tej zaum leejtwg yuav muaj feem nrog Yexus mus ua rog thiab? (Qhia Tshwm 2:26, 27; 12:7; 19:14; Mathai 25:31, 32)

Zaj 115

Lub Vaj Kaj Siab Tshiab Hauv Ntiajteb

1. Thaum nyob hauv lub Vaj Kaj Siab, lub ntiajteb yuav zoo li cas?

2. Raws li tau cog tseg hauv phau Vajlugkub, tibneeg lub neej hauv lub Vaj Kaj Siab yuav zoo li cas?

3. Thaum twg Yexus mam li kho kom txhua yam zoo muaj tiav?

4. Thaum Yexus ua Vajntxwv kav Vajtswv lub Nceeg Vaj, nws yuav ua dabtsi, thiab ua li cas peb ho paub li ntawd?

5. Thaum Yexus thiab cov uas nws xaiv tseg kav saum ntuj tuaj rau lub ntiajteb no, lawv yuav pab kom sawvdaws muaj dabtsi?

Muaj lus nug ntxiv:

1. Nyeem Qhia Tshwm 5:9, 10.

   Thaum Yexus Kav 1,000 Xyoo, ua li cas peb ho tso siab tau tias cov uas nrog nws kav yuav khuvleej thiab hlub tibneeg? (Efexau 4:20-24; 1 Petus 1:7; 3:8; 5:6-10)

2. Nyeem Qhia Tshwm 14:1-3.

   Vim li cas cov 144,000 leej, ho muaj Leej Txiv thiab tus Menyuam Yaj npe sau rau ntawm lawv hauv pliaj? (1 Khaulee 3:23; 2 Timaute 2:19; Qhia Tshwm 3:12)

Zaj 116

Nyob Mus Ib Txhis

1. Yog tias peb xav nyob mus ib txhis, peb yuav tsum paub leejtwg?

2. Zoo li tus mentxhais thiab nws 2 tug phoojywg hauv daim duab, peb yuav kawm txog Vajtswv Yehauvas thiab Yexus li cas?

3. Hauv daim duab, phau ntawv twg nyob ntawm lawv hauv ntej, thiab vim li cas peb yuav tsum nyeem phau ntawv ntawd tsis tu ncua?

4. Tsis yog peb kawm txog Vajtswv Yehauvas thiab Yexus nkawd xwb, tiamsis peb yuav tsum ua dabtsi ntxiv peb thiaj tau txais txojsia ntev mus ib txhis?

5. Peb kawm tau li cas los ntawm Zaj 69?

6. Hauv Zaj 55, peb kawm tau dabtsi los ntawm tus metub Xamuyee?

7. Peb yuav xyaum Yexus Khetos tus qauv li cas, thiab yog tias peb xyaum ua li nws, peb yuav tau dabtsi rau yav tom hauv ntej?

Muaj lus nug ntxiv:

1. Nyeem Yauhas 17:3.

   Raws li cov nqe Vajlugkub, qhov uas paub Vajtswv yog li cas tiag? (Mathai 7:21; Yakaunpau 2:18-20; 1 Yauhas 2:17)

2. Nyeem Ntawv Nkauj 145:1-21.

   1. (1) Vim li cas peb ho qhuas Yehauvas? (Ntawv Nkauj 145:8-11; Qhia Tshwm 4:11)

   2. (2) Yehauvas “ua zoo rau txhua tus” li cas, thiab qhov no pab kom peb txav ze rau nws li cas? (Ntawv Nkauj 145:9; Mathai 5:43-45)

   3. (3) Yog peb muaj siab hlub Yehauvas tiag, peb yuav ua dabtsi? (Ntawv Nkauj 119:171, 172, 175; 145:11, 12, 21)