Npaj Koj Lub Siab

Thaum peb kawm Vajlugkub, peb xav kom tej peb kawm txog Yehauvas raug peb siab. Peb kawm tau los ntawm Exalas tus yam ntxwv. Nws npaj nws lub siab ua ntej nws kawm Yehauvas tej kev cai. (Exalas 7:10) Ua li peb yuav ua li cas thiaj npaj tau peb lub siab?

Thov Vajtswv. Ua ntej koj yuav pib kawm Vajlugkub, thov Vajtswv kom koj thiaj nkag siab tej uas koj kawm thiab muab coj los siv rau hauv koj lub neej.​—Phau Ntawv Nkauj 119:18, 34.

Txo hwj chim. Vajtswv tsis pub cov neeg tsav hwj chim nkag siab nws Txoj Lus. (Lukas 10:21) Tsis txhob kawm thiab tshawb nrhiav los ua plhu tias koj paub npaum li cas. Thaum peb kawm txog tej yam uas peb yuav tau hloov, cia peb txo hwj chim hloov tej yam ntawd hauv peb lub neej.

Mloog ib zaj nkauj qhuas Yehauvas. Nkauj tshoj tau peb lub siab. Yog peb mloog nkauj ua ntej peb kawm Vajtswv Txoj Lus, yuav pab kom peb xav ntsoov txog Yehauvas xwv tej uas peb kawm thiaj yuav poob rau hauv peb lub siab.