Vajtswv Puas Muaj Npe?

Phau Vajlugkub qhia li no

Peb txhua tus puavleej muaj npe, Vajtswv los yuav tsum muaj npe thiab, puas yog? Yuav kom peb nrog lwm leej lwm tus sib raug zoo peb yuav tsum qhia peb lub npe rau lawv paub. Peb txojkev sib raug zoo nrog Yehauvas kuj zoo ib yam li ntawd thiab.

Vajtswv muaj ntau lub npe meej mom, xws li “Vajtswv tus uas muaj hwjchim loj kawg nkaus,” “tus TSWV uas kav ib puas tsav yam,” thiab “tus uas Tsim.” Txawm li ntawd los, Vajtswv saib nws cov tub qhe rau nqes heev Vajtswv thiaj cia lawv tuav nws lub npe hu nws.​—Chivkeeb 17:1; Hanpakus 3:19, 1 Petus 4:19.

Ua li Vajtswv lub npe hu li cas? Nws hu ua Yehauvas. Hauv phau Vajlugkub ntawm Khiav Dim 6:3 hauv qab taw qhia hais tias: “Phau Henplais muaj lub npe Yaves, raws li kevcai yog txhais hais tias Yehauvas, lub npe no txhais hais tias tus Tswv.”

Txawm ib txhia tub tshawb fawb ntseeg tias Vajtswv lub npe tawm suab tias “Yaves” los, feem coob hu Vajtswv ua “Yehauvas.” Thaum Vajtswv xub tshoov neeg sau phau Vajlugkub feem coob paub hais lus Henplais tsis yog lus Askiv, thiab nyeem sab xis mus rau sab laug. Vajtswv lub npe sau ua 4 tug tsiaj ntawv txiv Henplais, יהוה. Plaub tug tsiaj ntawv no tawm suab tias YHWH lossis hu tias Tetragrammaton [the·rha·nka·ma·ta].