Gima Kohorona INTANET LAIBRI

Gima Kohorona INTANET LAIBRI

Salamo 43:3

Nega Matamata Trensleisen Ena Buka Helaga
- 3 Emu diari bona emu hereva momokani oi siaia.+
  Unai ese lau idia gunalaia be namo,+
  Bona emu ororo helagana bona dubu helaga badana dekenai lau idia hakaua lao be namo.+

Aonega Herevadia 6:23

Nega Matamata Trensleisen Ena Buka Helaga
- 23 Badina oda hereva be lamepa bamona,+
  Bona taravatu be diari bamona,+
  Bona ta hamaoromaoroa totona idia henia matahakani be mauri ena dala.+

Isaia 51:4

Nega Matamata Trensleisen Ena Buka Helaga
- 4 Egu taunimanima e, lau umui kamonai henia,
  Bona egu bese e, lau umui kamonai henia.+
  
  Lau ese taravatu ta do lau henia,+
  Bona egu hahemaoro karadia do lau gwauraia, taunimanima dekenai unai be diari ta bamona.+

Roma 15:4

Nega Matamata Trensleisen Ena Buka Helaga
- 4 Badina guna Toretore Helagadia dekenai idia torea herevadia ibounai be ita hadibaia totona idia torea.+ Bona unai hereva ese ita idia durua ita haheauka totona,+ bona Toretore Helagadia ese ita dekenai goada ia henia, unai amo helaro ita abia.+

2 Timoteo 3:16, 17

Nega Matamata Trensleisen Ena Buka Helaga
- 16 Toretore Helagadia be Dirava ena siahu amo idia torea,+ bona ia be mai ena namo hadibaia totona,+ sisiba henia totona, gau idauidau hamaoromaoroa totona, bona kara maoromaoro ai matahakani henia totona,+ 17 unai amo Dirava ena hesiai tauna be ia hegeregere momokani, bona ia noho hegaegae gaukara namodia ibounai ia karaia totona.

2 Petero 1:19

Nega Matamata Trensleisen Ena Buka Helaga
- 19 Vadaeni, unai ese emai abidadama peroveta herevadia dekenai ia hagoadaia momokani. Umui ese unai peroveta herevadia umui badinaia namonamo, ia be lamepa bamona emui kudouna ena dibura gabuna ia hadiaria,+ ela bona daba ia rere bona daba hisiu+ ia hedinarai.