Sivarai Iharuana
8 Lagani 20 lalonai, Solomona ese Iehova ena ruma bona iena ruma ia haginia haorea,+ 2 unai murinai Solomona be Hirama+ ese ia henia siti idauidau ia haginia lou bona Israela taudia be unuseniai ia atodia. 3 Ma danu, Solomona be Hamata-soba taudia ia tuari henia bona edia tano ia abia. 4 Bena ia ese tano kaukau ai Tadamoro siti ia haginia lou bona Hamata ai aniani haboua siti idauidau ia haginia.+ 5 Danu ia ese Ataiai Bete-horono bona Henunai Bete-horono ia haginia,+ idia be siti mai edia magu aukadia, haba, geiti bona auri latadia, 6 bona Balata+ bona Solomona ena aniani haboua siti, bona kariota edia siti ibounai,+ bona hosi guia taudia edia siti ia haginia danu. Bona ia ese Ierusalema ai, Lebanona ai, bona ia lohiaia tanodia ibounai dekenai ia ura karaia gaudia ia karaia.
7 Bona Israela lasi taudia, unai be Hiti taudia edia bese, Amoro taudia edia bese, Perisi taudia edia bese, Hivi taudia edia bese, bona Iebusu taudia edia bese,+ 8 be Israela taudia ese idia hadikaia ore lasi, to idia be unai tano ai idia noho, bona Solomona ese ia oda henidia igui hesiai gaukara idia karaia ema bona hari.+ 9 To Solomona ese Israela taudia be igui hesiai taudia ai ia halaodia lasi,+ badina idia be iena tuari taudia goadadia, ofesa taudia, bona ena kariota bona hosi guia taudia edia gunalaia taudia.+ 10 King Solomona ena gaukara gunalaia taudia edia naria taudia be 250, idia ese gaukara idia karaia taudia idia gunalaia.+
11 Solomona ese Farao ena natuna kekeni be Davida Ena Siti amo ia hakaua mai bona ena ruma, Solomona ese ia haginia rumana dekenai ia noho,+ badina Solomona ia gwau: “Ena be ia be egu adavana, to Israela ena king Davida ena ruma dekenai ia noho lasi be namo, badina Iehova ena Maua ia noho vadaeni gabudia be helaga.”+
12 Bena dubu ena raka vareai gabuna ena vairanai,+ Solomona ese Iehova totona ia haginia boubou patana latanai+ Iehova dekenai gabua bouboudia ia henia.+ 13 Mose ena oda hereva hegeregerena, Solomona ese dina ta ta ai boubou gaudia ia henia, unai boubou gaudia be sabati dinadia ai,+ hua matamata negadia ta ta ai,+ bona lagani ta lalonai idia karaia aria toi ai do ia henia,+ unai be Isti Lasi Paraoa Ena Aria,+ Wiki Edia Aria,+ bona Au Raurau Rumadia Ena Aria.*+ 14 Ma danu, ia ese hahelaga taudia edia orea ta ta ia abia hidi+ edia hesiai gaukara idauidau idia karaia totona, ena tamana Davida ena oda hegeregerena, bona Levi taudia edia gaukara idauidau, unai be dina ta ta ai hahelaga taudia vairanai Dirava idia hanamoa+ bona hesiai gaukara idia karaia, bona geiti naria taudia be edia orea ta ta hegeregerena geiti ta ta idia gimaia.+ Unai be Dirava momokanina ena hesiai tauna Davida ena oda hegeregerena idia karaia. 15 Bona idia be gau ibounai dekenai bona kohu bona aniani haboua rumadia totona king ese hahelaga taudia bona Levi taudia dekenai ia henia oda herevadia idia badinaia momokani. 16 Vadaeni Solomona ese ena gaukara ibounai ia karaia guguru, unai be Iehova ena ruma ena badina ia haginia matamaia negana amo+ ela bona ia ore. Iehova ena ruma ia karaia haorea.+
17 Bena Solomona be Esiono-gebere bona Eloto dekenai ia lao,+ unai be Edoma tanona ena kone kahanai.+ 18 Hirama+ ese ena hesiai taudia bona davara diba momo tatau be mai edia bouti momo herea ia siaidia lao. Idia be Solomona ena hesiai taudia ida Opiri dekenai idia lao+ bona unuseni amo 450 golo talent* idia abia+ bona King Solomona dekenai idia abia mai.+