Apokalupo—Ioane Ia Abia Herevana
12 Bena toa badana ta be guba dekenai ia hedinarai, hahine ta+ ese dina be dabua bamona ia karaia, hua be iena aena henunai ia noho, bona hisiu 12 be korona ta bamona iena kwarana ai idia noho, 2 bona unai hahine be ia rogorogo. Bona do ia mara dainai ia boiboi bona hisihisi bada ia mamia.
3 Toa badana ma ta be guba dekenai ia hedinarai, unai be huala badana ta, ia be kakakaka,+ iena kwarana be 7, bona iena doana be 10. Iena korona be 7, kwarana ta ta edia latanai. 4 Bona iena iuna ese hisiu orea toi amo orea ta ia veria+ bona tanobada dekenai ia negea diho.+ Bona huala be ia mara gwauraia hahine vairanai ia gini noho,+ unai amo hahine ia mara neganai, huala ese ena natuna do ia ania ore.
5 Bona hahine ese natuna mero ta ia havaraia,+ unai mero be auri itotohi amo bese ibounai do ia lohiaia.+ Bona unai natuna be Dirava bona ena terona dekenai idia abia lao haraga. 6 Bona hahine be taunimanima lasi gabuna dekenai ia heau lao, Dirava ese ia totona ia hegaegaelaia gabuna dekenai, unuseniai ia be dina 1,260 lalonai do idia ubua.+
7 Bona guba dekenai tuari ia vara. Mikaela*+ mai ena aneru bona huala mai ena aneru idia tuari, 8 to huala mai ena aneru idia kwalimu lasi,* bona guba dekenai idia totona gabu ta be lasi. 9 Unai dainai unai huala badana+ be idia negea diho, ia be idaunegai gaigaina,+ iena ladana be Diabolo+ bona Satani,+ ia be tanobada ibounai ia hakaua kerere noho.+ Ia bona ena aneru be tanobada dekenai idia negea diho.+ 10 Guba dekenai gado badana ta lau kamonai, ia gwau:
“Harihari iseda Dirava ese taunimanima dekenai hahemauri ia mailaia,+ iena siahu ia hedinarai, iena Basileia be ia gini+ bona iena Keriso ena lohia siahuna be ia matamaia vadaeni, badina iseda tadikaka ia samania tauna be idia negea diho vadaeni, ia ese iseda Dirava vairanai dina bona hanuaboi idia ia samania!+ 11 Bona Mamoe Natuna ena rara+ dainai, bona idia harorolaia herevana dainai,+ idia ese ia idia halusia.+ Bona ena be idia mase diba, to edia mauri* idia laloa bada lasi.+ 12 Unai dainai guba bona guba ai umui noho taudia e, umui moale! Tanobada bona davara, madi o,+ badina Diabolo be umui dekenai ia diho mai vadaeni, bona ia badu dikadika, badina ia diba iena nega be ia kwadogi.”+
13 Vadaeni huala ia itaia ia be tanobada dekenai idia negea diho neganai,+ unai natuna mero ia havaraia hahine ia dagedage henia.+ 14 To hahine dekenai ugava badana ena apena rua idia henia,+ unai amo ia totona idia hegaegaelaia gabuna, taunimanima lasi gabuna dekenai ia roho lao diba, bona unuseniai ia be nega ta bona nega rua* bona nega ena kahana ta+ lalonai do idia ubua. Bona ia be gaigai amo do ia noho daudau.+
15 Bona unai gaigai ese iena uduna amo ranu, sinavai bamona, be unai hahine murinai ia negea lao, hahine be sinavai lalonai ia maloa totona. 16 To tanobada be hahine durua totona ia mai, bona tanobada ese iena uduna ia kehoa bona huala ese iena uduna amo ia negea sinavai ranuna ia hadonoa. 17 Vadaeni huala be hahine dekenai ia badu, bona ia lao hahine ena natudia oredia ia tuari henia totona.+ Unai taudia ese Dirava ena taravatu idia badinaia bona edia gaukara be Iesu idia gwauraia hedinarai.+