Salamo

Iehova dekenai ane matamata abia.+

Dirava badinaia taudia be hebou badana lalonai ia idia hanamoa.+

 2 Israela be ena Havaraia Tauna Badana dainai ia moale be namo.+

Siona ena natudia memero be edia King dainai idia moale be namo.

 3 Iena ladana idia hanamoa bona idia mavaru+

Bona ia dekenai hanamoa anedia idia abia,* tambarin bona hap* idia gadaralaia danu.+

 4 Badina Iehova be ena taunimanima dekenai ia moale.+

Ia ese manau taudia ia hamauria.+

 5 Dirava badinaia taudia be hairai bada idia abia be namo.

Idia moale dainai edia mahuta patana latanai idia boiboi.+

 6 Edia uduna amo Dirava hanamoa anedia idia abia,

Bona edia imana ai tuari kaia mai ena matana rua idia dogoatao,

 7 Bese idauidau dekenai dika davana henia totona

Bona taunimanima panisia totona,

 8 Bona edia king taudia bona ladana bada taudia

Be auri seini amo idia kwatua totona,

 9 Idia ese dika do idia davaria, idia gwauraia hahemaoro herevana hegeregerena.+

Dirava badinaia taudia ibounai ese unai do idia karaia.

Iah hanamoa!*