Salamo

93 Iehova be King ai ia lao vadaeni!+

Hairai bada be dabua bamona ia atoa,

Iehova ese goada be dabua bamona ia atoa,

Goada be beleta bamona ia kwatua.

Tanobada be ia gini goada,

Ia marere diba lasi.

 2 Idaunega amo emu terona be ia gini goada,+

Oi be oi noho hanaihanai.+

 3 Iehova e, sinavai be idia abata vadaeni,

Sinavai be idia abata bona idia regerege bada,

Sinavai be idia abata bona regerege bada noho.

 4 To Iehova e, oi be guba ai oi noho,

Oiemu siahu be bada herea, ranu momo edia regena ia hereaia,+

Oiemu siahu bada ese hurehure badadia ia hereaia.+

 5 Oiemu oda herevadia be momokani.+

Iehova e, emu ruma ai helaga karana be nega ibounai ia noho.+