Mika
3 Lau gwau: “Umui Iakobo ena bese kwarana taudia e,
Bona Israela bese ena tuari biagudia e, mani umui kamonai.+
Hahemaoro maoromaoro karana umui diba be namo, ani?
2 To umui be kara namo umui inai henia+ bona kara dika umui ura henia,+
Egu taunimanima edia kopina umui darea oho bona edia turia amo edia hidio umui darea oho.+
3 Danu umui ese egu taunimanima edia hidio umui ania+
Bona edia kopina umui darea oho,
Edia turia umui makohia maragimaragi,+
Vamu ena hidio bona turia be uro badana lalonai idia nadua bamona.
4 Unai nega ai idia be Iehova dekenai heduru totona do idia boiboi,
To idia do ia haere henia lasi.
5 Peroveta taudia be egu taunimanima idia hakaua kerere noho,+ gau ta idia ania neganai+ idia boiboi, ‘Maino!’+
To bema ta be edia uduna dekenai aniani ia atoa lasi, ia idia tuari henia.
Unai dainai Iehova be unai peroveta taudia dekenai inai bamona ia hereva:
6 ‘Umui be hanuaboi lalonai do umui noho,+ matahanai do umui itaia lasi.+
Umui be dibura sibona do umui itaia, vaira nega ai idia vara gaudia do umui gwauraia lasi.
Peroveta taudia dekenai dina do ia daekau lasi,
Bona edia dina be do ia dibura.+
7 Matahanai itaia taudia be do idia hemarai,+
Bona vaira nega gwauraia taudia be do idia lalohisihisi.
Idia ibounai ese edia uduna* do idia koua,
Badina Dirava amo haere ta idia abia lasi.’”
8 To lau be Iehova ena siahu amo goada lau abia,
Bona iena siahu dainai lau be mai kara maoromaoro bona gari lasi ida
Iakobo ena gwau-edeede karana bona Israela ena dika lau gwauraia.
9 Umui Iakobo ena bese kwarana taudia,
Bona Israela bese ena tuari biagudia e, mani umui kamonai.+
Umui be hahemaoro maoromaoro umui inai henia bona kara maoromaoro umui hagagevaia.+
10 Umui be rara bubua karana amo Siona umui haginia bona kara gageva amo Ierusalema umui haginia.+
11 Iena gunalaia taudia* be laloani moni dainai hahemaoro idia karaia,+
Iena hahelaga taudia be davana abia totona hadibaia hereva idia gwauraia,+
Bona iena peroveta taudia be moni* totona vaira nega ai do idia vara gaudia idia gwauraia.+
To Iehova idia tabekau henia,* idia gwau:
“Iehova be ita danu ia noho, ani?+
Dika ta be ita dekenai do ia vara lasi.”+