Solomona Ena Ane
6 “Hairai kekeni e,
Oiemu lalokau mero be edeseni?
Oiemu lalokau mero be edeseni ia lao,
Unai amo oi ida ia do ita tahua?”
2 “Egu lalokau mero be iena uma gabu dekenai ia lao,
Bonana namo flaoaflaoa ena uma dekenai,
Unai uma lalonai ena mamoe ia naria
Bona lili flaoaflaoa ia gogodia noho.+
3 Egu lalokau mero be lau sibona egu,
Bona lau be ia sibona ena.+
Ia be lili flaoaflaoa huanai mamoe ia naridia noho.”+
4 Egu lalokau e,+ oi be hairai momokani Tirisa* bamona,+
Bona Ierusalema bamona,+
Tuari oreadia be edia fleg ida idia gini edia hairai bamona.+
5 Oi ese lau oi raraia neganai,+
Egu kudouna ia manoka.
Emu huina be nanigosi oreana bamona,
Gileada ororo amo idia heau diho noho.+
6 Emu isena be mamoe oreana bamona
Idia digu bona idia daekau mai,
Ibounai edia natudia be hekapa,
Bona idia ta ena natuna ia mase lasi.
7 Emu vairana ia koua dabua lalonai,
Emu vahana be pomogranet* ena kahana ta bamona.
8 King ena kwini be reana 60
Bona ena hahine ma haida be reana 80
Bona ena kekeni matamata edia namba be duahia diba lasi.+
9 To tamona sibona be egu pune manu,+ ia dekenai dika ta be lasi.
Iena sinana ese ia laloa bada kekenina.
Sinana ena matanai ia be goeva momokani.
Kekeni matamata ese idia itaia, bona ena ladana idia hanamoa,
King ena kwini bona hahine ma haida ese idia hanamoa danu.
10 ‘Unai kekeni be daika, ia be daba rere ena diari bamona?
Hua ena hairai bamona,
Dina ena diaridiari bamona,
Tuari oreadia be edia fleg ida idia gini edia hairai bamona?’”+
11 “Wolnat audia ena uma dekenai lau diho lao+
Koura gabunai idia tubu matamata gaudia itaia totona,
Lau ura itaia bema vain auna be rau matamata idia atoa,
Bona bema pomogranet* audia be flaoaflaoa idia atoa.
12 Ena be lau diba lasi,
To uma gabu lalonai lau raka ela bona
Kara namo taudia edia kariota dekenai lau ginidae.”
13 “Sulama kekeni e, oi giroa mai, giroa mai!
Oi giroa mai, giroa mai,
Emu hairai toana ai itaia totona!”
“Dahaka dainai oi ura Sulama kekeni oi itaia?”+
“Ia be Mahanaimi ena mavaru* namona bamona!”