Aonega Herevadia

 2 Egu natuna e, lau ese oi lau havaraia

Bona oi totona gwauhamata lau karaia,

Oi dekenai dahaka do lau gwauraia?+

 3 Namo lasi hahine idauidau ese emu goada idia haorea,+

Bona namo lasi king ia hadikaia daladia oi badinaia.+

 4 Lemuela e, king taudia idia inuinu momo be dika,

Wain be king taudia ese idia inua be dika,

Danu namo lasi lohia taudia idia gwau, “Egu wain be edeseni?”+

 5 Namo lasi idia kekero bona taravatu idia laloaboio

Bona ladana maragi taudia edia maoro idia hagagevaia.

 6 Idia boio noho taudia dekenai alkahol oi henia,+

Bona lalohisihisi taudia dekenai wain oi henia.+

 7 Namona be wain idia inua bona edia ogogami maurina idia laloaboio,

Bona edia hekwakwanai idia laloa lou lasi.

 8 Sibona edia maoro dainai idia hereva lasi taudia totona oi hereva,

Kahirakahira idia mase gwauraia taudia edia maoro totona oi hereva.+

 9 Emu maoro oi gwauraia bona kota maoromaoro oi karaia,

Bona ladana maragi taudia bona ogogami taudia edia maoro totona oi hereva.+

11 Iena adavana ese mai kudouna ibounai ida ia abidadama henia,

Bona tau be gau ta dekenai ia dabu lasi.

12 Unai hahine ena mauri dinadia ibounai lalonai,

Ena adavana dekenai kara namo ia hahedinaraia, to ia hadikaia lasi.

13 Ia be wulu bona linen* ia abia,

Ia be mai moale ida ena imana amo gaukara ia karaia.+

14 Ia be kohu hoihoilaia taudia edia bouti badadia bamona,+

Daudau amo ena aniani ia abia mai.

15 Dina ia do hedinarai lasi neganai ia toreisi,

Ena ruma bese totona aniani ia hegaegaelaia

Bona ena hesiai hahine edia aniani ia henia.+

16 Ia ese tano ta ia lalohadailaia bona ia hoia,

Bona sibona ena hekwarahi amo vain uma ia karaia.

17 Ia hegaegae gaukara metauna ia karaia totona,+

Bona ena imana amo gaukara ia karaia goadagoada.

18 Ia itaia ia hoihoilaia gaudia amo anina ia vara,

Hanuaboi ai ena lamepa ia bodo lasi.

19 Ena imana ta be turituri varo karaia auna ia dogoatao,

Bona imana ma ta be dabua turia auna ia dogoatao.+

20 Ia ese ladana maragi taudia ia durua noho,

Bona ogogami taudia dekenai ena imana ia kehoa.+

21 Sinou negana ai ia be ena ruma bese totona ia lalohekwarahi lasi,

Badina ena ruma bese ibounai be mai edia keru dabua.

23 Siti edia geiti ai taunimanima be iena tau idia diba namonamo,+

Unuseniai ia be tano ena tau badadia huanai ia helai.

24 Ia ese linen dabuadia ia turia bona hoihoilaia

Bona hoihoi taudia dekenai beleta ia hoihoilaia.

25 Ia be aonega hahine bona ma haida ese idia matauraia,

Bona mai lalogoada ida vaira nega ia itaia.

26 Mai aonega ida ia hereva,+

Bona ta ia hadibaia neganai, mai hebogahisi ida ia hereva.*

27 Ia ese ena ruma gaukara idauidau ia naria,

Bona ia hesiku diba lasi.+

28 Ena natudia idia toreisi bona ia idia hanamoa,

Bona ena tau ia toreisi bona ia ia hanamoa.

29 Hahine namodia be momo,

To oi ese idia ibounai oi hereaia.

30 Hairai be koikoi bona ia noho daudau lasi,+

To Iehova ia gari henia hahine be do idia hanamoa.+

31 Ia karaia gaukara idauidau dainai ahuna idia henia,+

Bona ena kara namona dainai siti ena geiti ai ia idia gwauraia namo.+