Salamo

 2 Ierusalema e, hari ai be emu geiti lalonai

Ai gini noho.+

 3 Ierusalema be siti ta bamona idia haginia,

Siti lalonai ruma be idia gini hebou.+

 4 Iehova ena ladana hanamoa totona,

Iduhu idauidau be unai siti dekenai idia daekau lao,

Iah* ena iduhu idauidau unai,

Israela dekenai ia henia taravatu hegeregerena.+

 5 Hahemaoro totona unuseniai terona idia atodia,+

Davida ena lohia besena edia terona unai.+

 6 Ierusalema ai maino ia noho totona umui guriguri.+

Siti e, oi idia ura henia taudia be do idia noho namonamo.

 7 Emu magu aukadia lalonai maino ia noho be namo,

Emu kohoro aukadia lalonai idia noho taudia be hanaihanai do idia gari lasi.

 8 Egu tadikaka bona egu turadia lau laloa dainai do lau gwau:

“Emui huanai maino ia noho be namo.”

 9 Iehova iseda Dirava ena ruma lau laloa dainai,+

Lau be emu namo totona do lau guriguri.