Apokalupo—Ioane Ia Abia Herevana

15 Bona lau itaia, guba ai toa badana bona namo hereana ma ta ia vara, unai be aneru 7+ bona hisihisi 7. Idia be hisihisi oredia, badina idia amo Dirava ena badu be do ia ore.+

2 Bona davara ta lau itaia, ena toana be galasi bamona+ bona ia be lahi ida idia mikisi, bona dagedage animal bona ena laulau+ bona ena ladana, ena namba unai,+ idia halusia taudia lau itaia.+ Idia be Dirava ena hap* ta ta idia dogoatao bona unai galasi bamona davara ena badinai idia gini. 3 Idia ese Dirava ena hesiai tauna Mose ena ane+ bona Mamoe Natuna ena ane+ idia abia, idia gwau:

“Iehova* Dirava, Siahu Ibounai Diravana e,+ oiemu gaukara be bada bona namo herea.+ Noho hanaihanai King e,+ oiemu dala be idia maoromaoro bona idia momokani.+ 4 Iehova* e, oi sibona be emu taunimanima oi rakatania lasi dainai, daika ese oi do ia gari henia lasi bona oiemu ladana do ia hanamoa lasi?+ Bese ibounai be do idia mai bona oi vairanai do idia tomadiho,+ badina emu taravatu maorodia be idia hedinarai vadaeni.”

5 Unai murinai lau itaia, guba ai palai rumana* ena helaga herea gabuna+ ia kehoa,+ 6 bona aneru 7 be hisihisi 7+ ida helaga herea gabuna amo idia mai, edia dabua be ia goeva bona ia diaridiari, bona golo beleta be edia kemena ia hagegea. 7 Mauri gaudia 4 amo, idia ta ese unai aneru 7 dekenai golo disi 7 ia henia. Unai disi be noho hanaihanai Diravana ena badu amo idia honu.+ 8 Vadaeni Dirava ena hairai+ bona ena siahu dainai, helaga herea gabuna be kwalahu ese ia koua, bona ta be unai helaga herea gabuna lalonai ia vareai diba lasi ela bona unai aneru 7 edia hisihisi 7 idia ore.+