Sivarai Iharuana

12 Rehoboama ena basileia ia goada bona ena siahu ia bada neganai,+ ia bona Israela taudia ibounai ese Iehova ena Taravatu idia rakatania.+ 2 King Rehoboama ena lohia lagani namba 5 ai, Aigupito ena king, Sisaka+ be Ierusalema ia tuari henia, badina Israela taudia ese Iehova idia badinaia lasi. 3 Sisaka ena kariota be 1,200, hosi guia taudia be 60,000, bona ia ida idia lao tuari taudia momo herea be Aigupito tanodia, Libia, Suki, bona Etiopia amo.+ 4 Ia ese Iuda ena siti mai edia magu aukadia ia hadikaia ela bona Ierusalema dekenai ia ginidae.

5 Peroveta tauna Semaia+ be Rehoboama bona Iuda ena iduhu kwarana taudia, Sisaka idia gari henia dainai Ierusalema dekenai idia haboua taudia unai, dekenai ia gwau: “Iehova be inai bamona ia hereva, ‘Umui ese lau umui rakatania, unai dainai lau ese umui danu be Sisaka ena imana ai lau atoa.’”+ 6 Unai nega ai Israela ena iduhu kwarana taudia bona king idia manau+ bona idia gwau: “Iehova be kara maoromaoro ia karaia.” 7 Iehova ia itaia idia be manau karana idia hahedinaraia neganai, Iehova be Semaia dekenai ia gwau: “Idia be sibona idia hamanaua. Lau ese idia do lau hadikaia lasi,+ bona daudau lasi idia do lau hamauria. Lau ese Sisaka do lau gaukaralaia lasi Ierusalema latanai egu badu lau hadihoa totona. 8 To idia be iena hesiai taudia ai do idia lao, unai amo lau idia hesiai henia bona tano ma haida edia king* idia hesiai henia ena idau do idia itaia.”

9 Vadaeni Aigupito ena king, Sisaka ese Ierusalema ia tuari henia. Ia ese Iehova ena ruma ai bona king ena ruma ai idia noho dava bada kohudia ia abia.+ Ia ese gau ibounai ia abia, Solomona ese ia karaia golo kesi danu.+ 10 Vadaeni King Rehoboama ese golo kesi gabu ai kopa kesi haida ia karaia, bona gima taudia* edia gunalaia taudia, king ena ruma ena geiti idia naria taudia unai, dekenai ia henia. 11 King be Iehova ena ruma dekenai ia lao neganai, gima taudia idia vareai bona unai kesi ibounai idia huaia lao, bona gabeai gima taudia edia ruma dekenai idia abia giroa. 12 King be sibona ia hamanaua dainai, Iehova be ia dekenai ia badu noho lasi,+ bona idia ibounai ia haorea momokani lasi.+ Danu, Iuda taudia haida be kara namodia idia karaia.+

13 King Rehoboama be Ierusalema ai ena lohia siahuna ia hagoadaia bona ia lohia noho. Rehoboama ena mauri lagani be 41 neganai, king ai ia lao. Bona Ierusalema ai lagani 17 ia lohia. Ierusalema be Iehova ese Israela ena iduhu ibounai huana amo ia abia hidi, unai gabu ai ena ladana ia noho totona. King ena sinana ena ladana be Namaha, ia be Amono hahinena.+ 14 To Rehoboama be kara dika ia karaia, badina iena lalona ia hadaia lasi Iehova ia tahua totona.+

15 Rehoboama ena sivarai, matamana amo ela bona dokona, be peroveta tauna Semaia+ bona matahanai itaia tauna Ido+ ese bese taudia edia ladadia ena lista idia torea bukana ai idia torea, ani? Bona Rehoboama bona Ieroboama be hanaihanai idia tuari.+ 16 Bena Rehoboama be ia mase* bona Davida Ena Siti dekenai idia guria.+ Bona iena natuna Abaisa+ be king ai ia lao.