Salamo

128 Iehova idia gari henia taudia ibounai be idia moale,+

Idia be iena dala ai idia raka.+

 2 Emu hekwarahi amo oi abia aniani do oi ania.

Oi be do oi moale bona emu mauri do ia namo.+

 3 Emu ruma ai emu adavana be huahua momo vain au bamona.+

Emu natudia memero be olive au ena rau matamatadia bamona teibolo idia hagegea.

 4 Kamonai, Iehova ia gari henia tauna

Be unai bamona do ia hanamoa.+

 5 Siona amo Iehova ese oi do ia hanamoa.

Ierusalema ena noho namo be emu mauri dinadia ibounai lalonai do oi itaia,+

 6 Bona emu tubudia do oi itaia.

Israela ai maino ia noho be namo.