Obadaia
1 Obadaia* ena matahanai:
Siahu Ibounai Lohiabadana Iehova be Edoma hanuana totona inai hereva ia gwauraia:+
“Iehova amo hereva ta ai kamonai,
Bese idauidau huanai gwaukau tauna ta ia siaia lao:
‘Toreisi, ita hegaegae Edoma tuari henia totona.’”+
2 “Itaia! Lau ese bese ibounai huanai oi be anina lasi gauna ai lau halaoa,
Oi idia ura henia lasi momokani.+
3 Oi be nadi badadia lalonai oi noho,
Ororo edia ataiai momokani oi noho,
Emu kudouna ena hekokoroku karana ese oi ia koia,+ bona emu lalona ai oi gwau,
‘Daika ese tano dekenai lau do ia veria diho?’
4 Ena be ugava manu bamona ororo ena ataiai oi noho,*
Eiava emu noho gabuna be hisiu edia huanai oi karaia,
To unai gabu amo oi do lau veria diho.” Unai be Iehova ena hereva.
5 “Bema hanuaboi ai henaohenao taudia be oi dekenai idia mai,
Idia ura henia gaudia sibona do idia henaoa, a?
Eiava bema greips haboua taudia be oi dekenai idia mai,
Greips haida do idia rakatania, a?
Lasi, oi do idia hadikaia momokani!+
6 To Esau ena tubuna taudia edia kohu idia henaoa!
Edia hunia dava bada kohudia idia abia!
7 Oi ida gwauhamata idia karaia taudia ibounai ese oi idia koia.
Tano ena hetoana dekenai oi idia lulua lao.
Oi ida maino idia karaia taudia ese oi idia halusia vadaeni.
Oi ida paraoa idia ania taudia ese oi idia tarapua totona reke do idia atoa,
To oi ese unai do oi lalopararalaia lasi.”
8 Iehova ia gwau: “Unai dina ai,
Lau ese Edoma ena aonega taudia do lau hadikaia ore+
Bona Esau ena ororo gabudia ai laloparara taudia do lau hadikaia ore.
9 Temana e,+ emu tuari taudia be do idia gari dikadika,+
Badina Esau ena ororo gabudia ai idia noho taudia ta ta be tuari lalonai do idia mase.+
11 Idau taudia ese iena tuari taudia idia abia mauri dinana ai,+
Idau tano taudia be ena geiti ai idia vareai bona gadara ta*+ amo Ierusalema ena kohu idia haria neganai,
Oi be gau ta oi karaia lasi, to oi gini sibona.
Oiemu kara dika be unai taudia edia dika hegeregerena.
12 Emu tadikaka be dika ia davaria neganai, dahaka dainai oi kirikirilaia?+
Iuda taudia idia hadikadia neganai, dahaka dainai oi moale?+
Bona idia lalometau neganai, dahaka dainai oi be mai hekokoroku ida oi hereva?
13 Egu taunimanima be dika idia davaria neganai, dahaka dainai edia geiti lalonai oi vareai?+
Dika ia davaria neganai, dahaka dainai oi kirikirilaia?
Bona dika ia davaria neganai, dahaka dainai iena kohu oi dadia?+
14 Dahaka dainai dala ai oi gini bona idia heau mauri taudia oi alaia?+
Bona dahaka dainai idia roho mauri taudia be edia inai taudia dekenai oi henia?+
15 Iehova ese bese ibounai do ia hadikaia dinana be ia kahirakahira.+
Oi karaia hegeregerena be oi dekenai do ia vara.+
Haida oi kara henia hegeregerena, oi do idia kara henia.
16 Oi ese egu ororo helagana ai wain oi inua hegeregerena,
Idau besedia ese egu badu be wain bamona do idia inua hanaihanai.+
Oibe, idia ese egu badu do idia inua bona do idia hadonoa,
Bena do idia boio momokani, toana be guna idia noho lasi bamona.
17 To idia heau mauri taudia be Siona Ororo dekenai do idia noho,+
Bona ia be helaga gabuna ai do ia lao,+
Bona Iakobo ena bese taudia* ese edia kohu do idia abia lou.+
18 Iakobo ena bese taudia be lahi bamona ai do idia lao,
Iosepa ena bese taudia be lahi bamona ai do idia lao danu,
Bona Esau ena bese taudia be rei kakoro bamona ai do idia lao,
Idia be lahi amo do idia gabudia ore,
Bona Esau ena bese tauna ta do ia roho mauri lasi,+
Badina Iehova be unai ia gwauraia vadaeni.
19 Idia ese Negebe bona Esau ena ororo gabudia,+
Sepala bona Filistia taudia edia tano do idia abia.+
Eparaima ena tano bona Samaria ena tano do idia abia,+
Bona Beniamina ese Gileada do ia abia.
20 Inai magu amo idia abia mauri taudia,+
Israela ena bese taudia unai, ese Kanana taudia edia tano do idia abia ela bona Sarepata.+
Bona Ierusalema amo idia abia mauri taudia, guna Separada ai idia noho taudia, ese Negebe ena siti momo do idia abia.+