Nahumu
2 Oi* do ia hadikaia tauna be ia ginidae vadaeni.+
Magu oi gimadia noho.
Dala oi gimaia noho.
Do oi hegaegae* bona mai emu goada ibounai ida oi naria.
2 Badina Iehova ese Iakobo ena hairai do ia henia lou,
Israela ena danu,
Badina hadikaia taudia ese idia ia hadikaia;+
Bona edia rigi matamatadia idia hadikaia vadaeni.
3 Tuari totona ia hegaegae dinana ai,
Ena goada taudia edia kesi be kakakaka,
Iena tuari taudia be dabua kakakaka idia karaia.
Bona ena kariota edia auri be lahi bamona idia hururuhururu
Bona au amo idia karaia io idia davea.
4 Tuari kariota be dala ai idia heau haragaharaga.
Ariara ai idia heau lao bona heau mai.
Lahi bamona idia hururuhururu bona kevaru bamona idia diaridiari.
5 Ia* ese ena ofesa taudia do ia boiria.
Idia heau noho lalonai do idia moru.
Ena magu dekenai idia heau lao,
Bona koua gaudia idia haginia.
6 Sinavai ena geiti be do idia kehoa,
Bona king ena ruma be do ia moru.
7 Inai oda herevana be do ia haidaua lasi: Unai hahine* ena dika be ia hedinarai vadaeni,
Ia idia guia bona abia lao bona ena hesiai kekeni idia taitai;
Edia taitai regena be pune manu ese edia apena amo edia kemena* idia botaia bamona.
8 Idaunega amo Nineva+ be ranu idia haboua gohuna bamona,
To hari idia heau boio noho.
“Umui gini! Umui gini!”
To ta be ia giroa lasi.+
9 Siliva dadia, golo dadia!
Ena dava bada kohudia be momo herea.
Ia lalonai dava bada kohudia be idauidau.
10 Unai siti be ia dika momokani bona ta ia noho lasi!+
Gari dainai edia kudouna ia manoka, edia tuina idia manoka, bona edia koekoena idia heudeheude.
Ibounai edia vairana idia kakakaka.
11 Laiona edia noho gabuna,+ laiona natudia idia aniani gabuna,
Bona laiona ese ena natuna ia hakaudia lao gabuna,
Ta ese idia ia hagaria lasi gabuna be edeseni?
12 Laiona ese ena natudia totona animal momo ia alaia
Bona iena laiona hahine momo totona animal ia alaia.
Iena noho gabuna dekenai ia alaia animal momo ia haboua,
Bona ia darea vamu amo ia honu.
13 Tuari oreadia edia Iehova* ia gwau: “Itaia! Lau ese oi do lau tuari henia,+
Lau ese emu kariota be lahi dekenai do lau gabudia,+
Bona emu laiona matamatadia be tuari kaia amo do lau aladia.
Lau ese tanobada dekenai emu vamu do lau haorea,
Bona emu gwaukau taudia edia gadona do idia kamonai lou lasi.”+