Salamo Ena Hereva Badadia
Daekau Lao Anena.
121 Egu matana lau abia isi bona ororo lau itaia.+
Egu heduru be edeseni amo do ia mai?
2 Egu heduru be Iehova amo ia mai,+
Ia ese guba bona tanobada ia karaia.
3 Ia ese oi ia hakaua dainai, emu aena be do ia dedi diba lasi.+
Oi ia gimaia tauna be do ia mahuta diba lasi.
4 Itaia, Israela ia gimaia tauna
Be do ia hesiku lasi eiava do ia mahuta lasi.+
5 Iehova ese oi ia gimaia noho.
Iehova be emu ikerukeru,+ bona ia be emu imana idibana ai ia noho.+
6 Dina ena siahu ese oi do ia araia lasi,+
Bona hanuaboi ai hua ese oi do ia hadikaia lasi.+
7 Iehova ese dika gaudia amo oi do ia gimaia.+
Ia ese emu mauri do ia gimaia.+
8 Oi karaia gaudia ibounai lalonai Iehova ese oi do ia gimaia,
Hari amo ela bona hanaihanai.