Diari Idaudia—Edena Gabu amo Idia Mai?

NORTH bona south amo idia mai diari, eiava aurora ese tanobada taudia idia hadaradaradia hanaihanai. Tanobada ena lalona kahanai ia veve auri be ranu bamona tano lalonai idia diho dae diho dae bena tanobada ia hegiro neganai unai ia veve auri danu ia gageva bamona. Bena siahu ese paua ia siaia lao tanobada ena huana momokani ai bona magnetic field idia vara. Unai magnetic field dainai, dina amo radiation maragimaragi gaudia be tanobada dekenai idia mai neganai diari bada ia hedinarai. To sun-spot eiava dina amo idia lasi radiation maragimaragi gaudia momo be tanobada dekenai idia mai neganai unai diari ma ia habadaia. Tanobada ena magnetic field be radiation maragimaragi gaudia ia veridia. Hodahoda dekenai magnetic field kahirakahira dekenai atom idia hamareredia neganai guba dekenai kala idauidau diarina ia havaraia. Dina amo ia mai siahuna be oxygen bona nitrogen atom ia hamareredia neganai diari ena kala be kakakaka, green, bona violet idia hedinarai. Tanobada ena north kahana ai, unai diari idia gwauraia aurora borealis (Latin, north kahana ena daba rere), to south kahanai, idia gwauraia aurora australis (south kahana ena daba rere).

Salamo ia gwau: “Guba ese Dirava ena hairai ia gwauraia hedinarai.” (Salamo 19:⁠1) Bema oi ura emu diba guba ia Havaraia Diravana dekenai oi habadaia, namona be oiemu gabu dekenai idia noho Iehova ena Witness taudia oi hereva henidia, eiava inai magasin idia halasia oreana oi tore henia.​—⁠Rau 5 itaia.

[Picture Credit Line on page 32]

NASA photo