Buka Ena Murina Kahana

RUMA BESE be taunimanima edia orea iboudiai amo orea ginigunana, to hari inai negai hekwakwanai momo ia davaria. Memero kekeni edia drag ania kava karana bona matabodaga karadia idia bada idia lao ese gari ia havaraia, headava momo idia hadokoa bona ruma bese lalodiai dagedage ia vara momo, tama o sina sibona idia noho ruma besedia edia namba ia bada ia daekau, bona hekwakwanai badadia ma haida dainai, haida idia daradara ruma bese maurina do ia noho daudau eiava.

Hari ruma bese ia goada noho diba, bona unai ese ruma bese taudia edia mauri do ia durua, a? Oibe, bema ruma bese taudia ese ruma bese ena moale havaraia dalana korikorina idia diba. Unai dala be hunia gauna lasi. Lagani handred momo lalonai momo ese idia badinaia. Unai dala be dahaka? Inai buka, Ruma Bese Ena Moale Havaraia Dalana, ese haere ia henia. Danu, ia ese haheitalai namodia haida amo ia hahedinaraia unai “moale havaraia dalana” ese heduru ia henia diba, ruma bese ena hekwakwanai hanaia totona. Hari unai bamona diba be mai anina bada taunimanima ibounai dekenai, ani?