KAHANA 14

Edena Dala ai Oi Hahedinaraia Diba, Oi be Iehova Oi Badinaia?

Dirava ena kahana dekenai oi gini. 1 Petero 5:6-9

Keristani tauna ta ia ura lasi tomadiho koikoi eiava politikol karadia lalonai ia vareai

Mai emu gari lasi ida, Baibel ese ia taravatua kastom karadia oi dadaraia.

Tanobada ena politikol karadia o heiriheiri amo oi gini siri; ita be Iehova bona ena guba Basileia sibodia ita durua.

Dirava oi kamonai henia be kara maorona. Mataio 7:24, 25

Tau ta be Kingdom Hall dekenai hebou totona ia lao, bona Iehova ena Witnes tauna ta ida Baibel ia stadilaia

Kingdom Hall ai Iehova ena Witnes taudia oi bamoa; oi do idia durua Dirava kahirakahira oi lao totona.

Dirava oi dibaia noho bona ena taravatu oi badinadia toho.

Tau ta be guriguri amo Iehova dekenai ena gwauhamata ia karaia bona gabeai bapatiso ia abia

Emu abidadama ia goada neganai, namona be Iehova dekenai emu mauri oi gwauhamatalaia bena bapatiso oi abia.—⁠Mataio 28:19.

Dirava oi kamonai henia. Baibel oi duahia, bona Iehova ena Witnes taudia oi noia oi do idia durua Baibel ena hereva oi lalopararalaia totona. Bena, oi dibaia gaudia oi badinadia. Bema unai bamona oi karaia, gabeai do oi mauri hanaihanai.—⁠Salamo 37:29.