Taunimanima Eit Idia Roho Mauri

Noa, iena famili, bona animal idauidau be bouti lalonai idia vareai. Iehova ese iduara ia koua, bona medu ia diho matamaia. Medu bada ia diho dainai bouti ia hure matamaia. Bena ranu ese tanobada ibounai ia koua. Bouti murimuri ai idia noho kara dika taudia ibounai idia mase. To Noa bona ena famili idia mauri. Iehova idia badinaia dainai idia abia moalena mani oi laloa.

Medu be dina 40 bona hanuaboi 40 lalonai ia diho, bena ia doko. Bona ranu be metairametaira ia diho noho. Dokonai, bouti be ororo ta ataiai ia kamokau. To gabu ibounai dekenai ranu bada ia do noho, unai dainai Noa bona ena famili be bouti amo idia raka-lasi haraga lasi.

Bena metairametaira tano ia kaukau ia lao. Lagani ta mai kahana bamona, Noa bona ena famili be bouti lalonai idia noho. Bena Iehova ese idia ia hamaoroa bouti amo idia raka-lasi totona, unai be hegeregere tanobada matamata ai idia mauri bamona. Idia moale bada badina Iehova ese idia ia hamauria, unai dainai Iehova dekenai boubou gauna idia henia.

Iehova ese edia boubou ia abia dae. Ia gwauhamata, abata amo tanobada do ia hadikaia lou lasi. Ia ese guba ai kevau ginigunana amo unai gwauhamata ena toa ia hahedinaraia. Kevau ta oi itaia vadaeni, a?

Bena Iehova ese Noa bona ena famili ia hamaoroa, natudia do idia havaraia bona tanobada do idia hahonua.