“Iehova Ena Witness Taudia, A?”

ATAI henanadai be Finland gado ena magasin, Bulletin of the University of Helsinki, ena sivarai ta ena hereva kwarana. Unai hereva kwarana henunai Profesa Jorma Palo ese ia torea revarevana ta ia noho, bona ena kahana ta dekenai ia gwau: “Unai magasin, Bulletin, ena rau ginigunana dekenai aiemai iunivesiti ena saini gauna lau itaia. Ena atai kahana ena bogaragina dekenai, lau be Heberu hereva lau itaia bona lau ia vadivadi henia Iuda bese tauna ta dekenai ena anina lau tahua. Unai diba tauna, ia be Heberu ia diba, ia gwau Finland gado dekenai unai hereva be ‘Iehova’.”

Haida idia hoa Dirava ena ladana be unai Finland iunivesiti ena saini dekenai ia noho dainai. Unai iunivesiti be lagani 350 ia noho, to idia hamatamaia neganai, Iehova ena ladana be Europe ena gabu momo dekenai idia diba bona idia gaukaralaia. Unai ladana be unai negana ai idia haginia ruma momo dekenai ia noho, idia torea moni idauidau momo latanai, bona saini gaudia momo dekenai ia noho.​—The Divine Name That Will Endure Forever buklet, nao gado ai, oi itaia.

Iseda nega lalonai, Kerisendom be Dirava ena ladana ia gaukaralaia lasi, bona guna taunimanima ese unai ladana idia laloa momo karana idia laloaboio. Orea tamona sibona edia tomadiho dekenai be Dirava ena ladana idia gaukaralaia bona idia harorolaia, Lohiabada ena Guriguri ena noinoi ginigunana hegeregerena, ia gwau: “Aiemai Tamana e, guba dekenai oi noho, oiemu ladana do ai hahelagaia.” (Mataio 6:9) Unai dainai, unai ladana be iunivesiti ena saini gauna dekenai idia davaria neganai, taunimanima be Iehova ena Witness taudia idia laloa.

[Picture Credit Line on page 32]

Yliopisto