Heduru, Kerere Lasi Taudia Totona

UNAI be taunimanima edia kara dika rohorohona ta​—⁠natu bouboulaia karana. Haida be unai bamona kara dikana ta ia vara momokani, idia abia dae diba lasi. To unai kara be Poinikia taudia ese nega momo idia karaia edia tomadiho lalonai be akioleji taudia ese idia hamomokania vadaeni.

Lohia taudia edia natudia be dirava koikoidia, hegeregere Tanit bona Baal-Hammon dekenai, lahi lalonai idia bouboulaia. Carthage dekenai, dirava koikoi, Kronos, ena kapa kaivakukuna dekenai maragidia idia gabua mase boubou totona. Lagani 100 B.C.E. murinai ia noho histori torea tauna, Diodorus Siculus, ia gwau unai natuna ena varavara edia taitai karana idia taravatua. Reana idia laloa edia lalohisihisi amo ia mai matana ranu ese unai boubou ena anina do ia hamaragia.

Nega haida lalonai, unai bamona kara be idaunega Topete, Ierusalema kahirakahira ai idia karaia. Moleka kaivakukuna ena bogana ai ia noho lahina dekenai natuna idia negea neganai, tomadiho taudia idia mavaru bona tareko idia botaia, natuna ena taitai regena idia kamonai lasi totona.​—⁠Ieremia 7:⁠31.

Iehova ese hisihisi idia mamia taudia edia taitai idia kamonaia lasi taudia dekenai ia badu bada herea. (Aonega Herevadia 21:13 itaia.) Iehova be maragidia ia hebogahisi henia Diravana dainai, ia ese unai kerere lasi taudia be “kara maoromaoro taudia, bona kara maoromaoro lasi taudia” edia toreisi lou negana ai do ia hamauridia.​—⁠Kara 24:15; Esodo 22:​22-24.

This is a repeat of article in w95 8/15 taken from w-E 95 8/15 “Relief for Innocent Victims.”