‘Tomadiho Karana Ena Ura Kwalimu Dainai Iehova Ena Witnes Taudia Tanikiu Henia’
USA Today ena niuspepa lalonai ia noho sivaraina ta ia gwau: “Iehova ena Witnes tauna ta vairanai iduara oi do koua lasi neganai, mani lagani momo lasi gunanai idia abia hisihisi dikana oi laloa, bona konstitusen ena First Amendment ena ura kwalimu, ita ibounai ita moalelaia ura kwalimu, totona idia karaia gaukarana danu.” Lagani 1940 ia lao 1950 huanai United States dekenai Iehova ena Witnes taudia idia dagedage henia bada, pepe idia saluti henia lasi bona ma gau haida dainai.—Esodo 20:4, 5.
Lagani ima lalonai, 1938 bona 1943 huanai, Iehova ena Witnes taudia idia samania herevadia ibounai 30 bamona idia abia mai U.S. ena Kota Badana dekenai. Unai hereva ia gwau: “Witnes taudia ese First Amendment dekenai mai anina bada gaudia idia gwauraia loulou dainai, Kota Badana ena diadi tauna Harlan Fiske Stone ia gwau, ‘Iehova ena Witnes taudia ese davana idia abia be namo, badina idia ese taunimanima edia maoro edia hekwakwanai hanamoa totona heduru idia henia.’ ”
Unai dainai, unai hereva ena dokona kahanai, ia gwau: “Iehova ena Witnes taudia ese [tomadiho] karana ena ura kwalimu idia habadaia dainai, tomadiho ibounai ese idia tanikiu henidia be namo.”
[Picture Credit Lines on page 32]
Background, building: Photo by Josh Mathes, Collection of the Supreme Court of the United States; lower left, justices: Collection of the Supreme Court of the United States