Tanobada Ena Histori Lalonai Ia Vara mai Anina Bada Karana

IA BE Iesu Keriso ena mase. Dahaka dainai ia be mai anina bada? Badina momo dainai.

Iesu ese abidadama ia hahedinaraia ela bona ia mase bona unai ese ia hamomokania taunimanima ta be Dirava ia badinaia noho diba.

Keriso ena mase ese dala ia kehoa ma haida be ia danu guba dekenai do idia lohia. Dala ia kehoa danu, taunimanima momo be mauri hanaihanai tanobada paradaisona lalonai do idia moalelaia.

Ia do mase lasi hanuaboina ginigabena ai, Iesu ese hatubua muramurana lasi paraoana bona uaina kakakakana ia gaukaralaia ena boubou, mai ena lalokau ida ia henia boubouna laulaulaia totona. Bona ena hahediba taudia ia hamaorodia: “Inai bamona do umui karaia, lau dekenai do umui laloa totona.” (Luka 22:19) Unai mai anina bada karana do oi laloatao, a?

Iehova ena Witnes taudia be mai edia moale bada ida oi idia boiria Iesu ena mase ena Memorial hebouna dekenai, unai do umui laloa hebou totona. Inai lagani ena hebou dinana be Thursday, March 28, dina ia diho murinai. Emu ruma kahirakahira dekenai ia noho Kingdom Hall dekenai oi lao diba. Mani emu kara emu gabu dekenai idia noho Iehova ena Witnes taudia oi nanadaia, do idia hebou negana bona gabuna korikori oi dibaia totona.