Dala Ia Kehoa Negadiai, Oi Dibaia Gaudia Oi Herevalaia, A?

POLAND dekenai, idia ura tahua daika be ripoti namona ta do ia torea. Bona do idia torea ripoti ena sinado be, “Hereva momokani ia noho, a?” Unai ripoti lalonai namona be inai point idia hahedinaraia: “Hereva momokani ita diba be anina lasi. Hereva momokani ia noho lasi.” Mauri lagani 15 Iehova ena Witnes kekeni ta ena ladana Agata, ia be haisikuli kekenina bona ia laloa unai be nega namona Baibel dekenai ia dibaia gaudia be ena ripoti dekenai ia torea.

Agata ia hegaegae neganai, Iehova ia noia ia ia durua totona. Bena July 1, 1995 Gima Kohorona amo hereva namodia haida ia abia. Agata be Pontio Pilato ese Iesu ia nanadaia herevana ia gaukaralaia: “Hereva momokani be dahaka?” (Ioane 18:38) Agata ena hereva lalonai ia hahedinaraia, Pilato ena henanadai be hevaseha dalana ai ia henia, ia gwau, ‘Hereva momokani, ia be dahaka? Hereva momokani ia noho lasi!’ Agata ia gwau, “Pilato ena henanadai lau laloa neganai, ripoti torea dalana lau laloa.”

Bena ia hahedinaraia ta dekenai ia maoro gauna be ma ta ese ia hakoikoia, to reana idia ruaosi be “maoro.” Agata be inai bamona henanadai ia gaukaralaia, “Bema ita laloa guba padanai idia roho gaudia biagua taravatudia be momokani vaitani lasi, ita be peleini dekenai do ita guia diba, a?” Gabeai Baibel ia herevalaia, ia gwau: “Dirava ena hereva ita abidadama henia be gau badana, badina ena sivarai be momokani.” Danu ia gwau, ia ura mai lalona ibounai ida hereva momokani idia tahua taudia idia haheauka be gau badana.

Unai ripoti torea karana amo Agata be diploma ia abia, bona unai ese dala ia kehoa iena klas taudia vairanai ia haroro totona, bona iena sikuli turadia haida ese Baibel stadi idia abia dae. Agata ia moale bada badina ia be unai dala amo ma haida dekenai ena abidadama ia herevalaia diba. Momokani, bema dala ia kehoa bona emu abidadama be ma haida dekenai oi herevalaia, anina namona oi havaraia diba. Dala ia kehoa negadiai, oi dibaia gaudia oi herevalaia, a?