Henanadai
● Haroro School dekenai hereva henia taudia be lagani ta ta iboudiai nega hidi hereva do idia henia be namo?
1 Haroro School ena gaukara badana ta be tatau ia durudia pablik tok do idia henia diba totona. Unai dainai Haroro School Sediual dekenai idia torea hereva momo be tatau dekenai idia henia.
2 To, school ena gaukara ma ta be Iehova ena taunimanima iboudiai ia durudia Keristen ena haroro bona hahediba gaukara do idia karaia namonamo diba totona. Unai dainai, taihu be unai school dekenai idia vareai danu be namo.
3 School dekena amo namo bada idia abia totona, hereva idia henia taudia be nega momo hereva idia henia be namo. Ai laloa hua toi lalonai nega ta hereva do idia henia be namo. Bema dala ia kehoa neganai, tatau dekenai hereva ma haida do idia henia diba danu. Elda taudia ese “Hereva Namba I” bona “Bible Ena Karoa Edia Hereva Badadia” idia henia, unai dainai hereva namba 2 bona 3 idia henia lasi be namo.
4 Kahirakahira lagani 50 lalodiai, Haroro School ese taunimanima milion momo ia durudia lauma dalanai idia tubu totona, bona ia durudia Basileia ena sivarai idia harorolaia namonamo totona. Umui ibounai ai hagoadaia Iehova ese ita ia henia heduru gauna namona umui gaukaralaia totona. Namona be ita ibounai ita ura Iehova ia moale iseda gaukara dainai, namona be “hereva momokani do [ita] hadibaia maoromaoro, bona Dirava ena vairanai do [ita] hemarai lasi.”—2 Tim. 2:15.