Iseda Malana Ita Hadibaia Lalohisihisi Taudia Durudia Totona
1 Hari inai nega lalonai taunimanima idia lalohisihisilaia gaudia be momo, idia haida be inai: Edia moni ia hegeregere lasi, edia lalokau tauna ta ia mase, lauma dalanai edia natuna eiava adavana idia manoka, bona ma gau haida danu. To, bema unai hekwakwanai dainai ita lalohisihisi bada, do ita manoka bona Satana ese ita do ia inai henia neganai, ia do ita dadaraia be ia auka.—Her. 24:10.
2 Keristen taudia be mai edia maduna idia heduru heheni totona. (1 Tes. 5:14; Gal. 6:2) Unai bamona ita karaia neganai Keriso ena kara ita tohotohoa. (Mat. 11:28-30) Edena bamona? Hebogahisi karana ita hahedinaraia dainai. (Roma 12:15) Bona ita gima noho dala namona ai dabu taudia ita durudia totona.—Iak. 2:14-17.
3 Hebou vairanai, tadikaka eiava taihu rua eiava toi oi abia hidi bona idia hegaegae edia helai gabudia dekena amo do idia hereva totona. Idia dabu neganai eiava hekwakwanai idia abia neganai, haida ese idia hagoadaia dalana do idia hahedinaraia.—Kara 28:15.
4 Unai dainai lalohisihisi bada karana koua totona, gau badana be Iehova kahirakahira dekenai ita mai, elda dekena amo heduru do ita tahua bona hanaihanai ita guriguri be gau badana.—Iak. 4:8; Isa. 32:1; Ef. 6:17, 18.
This article is unique to PNG.