Mai Aonega Danu Anina Bada Gaukara Gaudia Gaukaralaidia
1 Ruma ta ruma ta dekenai ita haroro neganai, ita ura ruma ta ta iboudiai dekenai Baibel bona Baibel diba totona durua gaudia amo taunimanima dekenai hagoadaia herevadia ita kikilaia. (2 Korinto 6:1; 2 Timoteo 2:15 itaia danu.) Oiemu teritori dekenai taunimanima be dahaka idia laloa momo? Moni be ia hegeregere lasi bona ruma bese edia mauri be idia dika idia lao dainai idia lalohisihisi, a? Iseda hamatamaia herevana lalonai unai gaudia ita kikilaia sisina murinai, reana edia lalona ita veria diba Baibel ena sivarai ita kikilaia totona.
2 Reana oi gwau diba:
◼ “Inai hekwakwanai momo negana lalonai, taunimanima momo edia moni be hegeregere lasi mauri durua gaudia idia abia totona. Oi laloa tanobada ena gavamani idia goada unai hekwakwanai do idia kokia totona bona taunimanima iboudiai ese namo do idia davaria totona, a? [Ena haere oi kamonai henia.] Lau ia hagoadaia sirina be inai . . . .”
3 Murinai Salamo 72:12-14 oi duahia bona emu hereva durua totona, Reasoning bukana ena rau 154-155 amo ma siri ta oi abia hidi duahia totona. Eiava siri tamona oi duahia murinai, reana Mauri mai Mainona Tanobada Matamatana Lalonai pepapepana amo, paragraf ta oi kikilaia. Pablisa taudia momo—memero kekeni danu—ese pepapepa amo paragaf ta idia duahia murinai, bona ruma taudia ese edia lalohadai unai hereva dekenai idia gwauraia murinai, nega momo Baibel stadi idia hamatamaia.
4 Gabu ma haida dekenai reana oi ura inai bamona do oi hereva:
◼ “Taunimanima momo idia ura ruma bese lalonai taravatu do idia laloa bada, gunaguna idia lalodia bada hegeregerena. Oi laloa ruma bese taudia ta ta sibona sibona do idia gwauraia edena taravatu do ia abia dae, eiava oi laloa taunimanima iboudiai be idia abia dae taravatuna be tamona be maoro? [Naria ia haere totona.] Taunimanima momo herea idia gwau bema taunimanima ese Baibel ena sisiba namodia idia badinaia, edia ruma bese maurina do ia namo ia lao.”
5 Harihari, reana oi ese aposetolo ena hereva Kolose 3:12-14 dekenai oi kikilaia diba, eiava Emu Famili Oi Moalelaia pepapepana amo, sinado maragina “Kwalimu Dalana be Edena?” ena henunai idia noho paragraf oi kikilaia diba, bona reana nega ginigunana oi hereva henia tauna dekenai Baibel stadi ta do oi hamatamaia diba.
6 Bema oi itaia ruma tauna ia ura kamonai, namona be Society ena buka ta, hua ena henia gauna, ena namo ia dekenai oi hahedinaraia, eiava aonega dalanai gaukara gaudia ma haida, hegeregere, pepapepa, magasin, eiava buklet dekena amo hereva ta oi gwauraia diba.
7 Bema nega ginigunana taunimanima oi hereva henia neganai Baibel stadi oi hamatamaia diba, oi hegaegae namonamo ma nega ta ai do oi giroa lao umui kiki hebou lou totona. Hegaegae totona, reana ruma tauna oi hamaoroa do oi giroa mai neganai, taunimanima idia laloa bada henanadaina ta do oi haerelaia, unai henanadai be “Dahaka dainai Dirava ese hisihisi ia koua lasi?” Gabeai sivaraina ta dekenai, lou-henia amo unai hereva do oi habadaia diba dalana do ai hahedinaraia.