Hua Iboudiai Haroro Gaukara Karaia
1 Ita be hua iboudiai haroro gaukara karaia totona gau haida ita karaia, a? Hua ta ta ai, iseda haroro ripoti be Kingdom Hall dekenai ita mailaia bona maoromaoro ita atoa, a? Namona be ita ibounai be hua ta ita reaia lasi, to hanaihanai taunimanima vairanai iseda abidadama ita hahedinaraia.—Roma 10:9, 10.
2 Ita ura hua iboudiai haroro gaukara do ita karaia, bona ita ura tadikaka ma haida ita durua unai bamona idia karaia danu. (Fil. 2:4) Edena bamona unai ita karaia? Ita be bapatiso lasi pablisa taudia, haroro gaukara idia do manadalaia lasi taudia, ita boiria haroro gaukara dekenai ita gaukara hebou. Bema hesiai gaukara karaia dalana namona idia badinaia hanaihanai, hereva momokani be edia lalona ai do ia goada noho.
3 Namona be hua iboudiai haroro gaukara dekenai ita lao. Hanaihanai hua ta ta ai emu haroro ripoti oi henia. Ma haida oi durua nega hanaihanai haroro gaukara idia karaia. Namona be “Keristani taudia ibounai do [oi] lalokau henia.”—1 Pet. 2:17.