Hadibaia Hereva
◼ Namona be kongregesen iboudiai ese kontribusen mauadia rua idia abia, ta idia makaia “BASILEIA GAUKARANA KONTRIBUSEN MONINA” bona ta be “SOCIETY ENA KINGDOM HALL MONINA.” Ma danu maua haida idia abia gaukara haida durua totona, hegeregere kongregesen ena ruma haginia monina, bema elda taudia idia laloa kongregesen ena gaukara ta idia durua, unai neganai unai moni idia gaukaralaia diba. Namona be “SOCIETY ENA KINGDOM HALL MONINA” kontribusen mauana lalonai ia noho monina ibounai be hua ta ta dokonai idia siaia lao branch opesi dekenai. To, “BASILEIA GAUKARANA KONTRIBUSEN MONINA” mauana lalonai ia noho monina be kongregesen durua gaudia idauidau dekenai idia gaukaralaia diba. Bema Society idia gwau kontribusen mauadia haida ita abia gau haida totona, unai neganai namo lasi elda taudia do idia laloa unai hereva be edia kongregesen dekenai idia gwauraia lasi. Bona, namo lasi ta ese maua ta amo kontribusen moni idia kokia bona idau mauana dekenai do idia atoa. Unai be ta ta sibona edia maduna, edia ura hegeregerenai moni idia atoa unai kontribusen mauadia dekenai.
◼ Sekit tauna ena vadivadi ai, Haroro School tamona do ita abia. Namona be tadikaka ibounai be Kingdom Hall lalonai idia noho program ibounai idia kamonai henia totona.
◼ Kongregesen dekenai idia hebou taudia iboudiai ese edia Gima Kohorona bona Noga! sabskripsen matamatadia idia abia edia kongregesen amo, namo lasi branch opesi dekenai idia siaia lao. Kongregesen ta ta ai sabskripsen ia naria tadikaka ese PURA TA TA IBOUDIAI Association dekenai ia siaia lao, namo lasi ia naria ela bona hua dokona. Sabskripsen pepadia idia henia neganai namona be moni maorona bona S-AB-20 fom ida idia henia tamona.
◼ Ai dekenai lagani 1987 Yearbook edia kopi 80 idia noho, unai ese ema bona lagani 1987 ai Iehova ena Witness taudia edia gaukara sivaraina Papua New Guinea ai idia hahedinaraia. Ai laloa tadikaka bona kamonai matamata taudia momo do idia moale unai buka idia duahia neganai. Ena davana be K1.00 (pioneer taudia dekenai davana be 50 toea). Kongregesen amo oda idia karaia diba, namo lasi maoromaoro oda idia siaia lao Association dekenai.
◼ Inai buka ita oda lou diba lasi:
English: Bible Ena Hereva Badadia; Watchtower Binder; Awake! Binder. Hiri Motu: Bible Ena Hereva Badadia; Hiri Motu Dictionary. New Guinea Pidgin: Memero Kekeni—Moale Umui Davaria Dalana; Maino bona Noho Namona—Daika amo Ia Mai?; Jacaranda Pidgin Dictionary.
◼ Association ese Hiri Motu bona New Guinea Pidgin edia Gima Kohorona bona Noga! magasin edia volume do idia karaia lasi. Lagani 1992 edia magasin ta ta ibounai 24 be magasin haboua gauna dekenai do idia udaia tamona. New Guinea Pidgin Noga! be lagani rua rua ai do idia haboudia tamona, hegeregere lagani 1993 dokonai, lagani 1992 bona 1993 magasinidia be magasin haboua gauna ai do idia udaia. Unai idia haboua tamona magasin haboua gauna edia davana pablisa taudia bona pioneer taudia dekenai be K6.00. (ITAIA: Hua toi toi ai idia halasia Hiri Motu ena Noga! magasin be lagani rua rua ai magasin 8 do idia haboua tamona, hegeregere lagani 1992-93 gaudia. Ena davana pablisa taudia bona pioneer taudia dekenai be K3.00.) Unai gaudia be mai ena taravatu [controlled stock] unai dainai kongresen amo oda oi karaia. Unai gaudia edia oda do ai siaia lasi ela bona August-September 1993 ai.
◼ Bema kongregesen ena gau ta totona branch opesi oi rini henia neganai, namona be gaukara horadia sibona ai umui rini. Mani emui kara Monday ia lao Friday, daba 8 o’clock ia do abia lasi bona adorahi 5 o’clock murinai, eiava dina tubua ena hora lalonai umui rini lasi. Bona, Saturday daba ena kahana sibona branch oi rini henia diba, to Saturday adorahi bona Sunday ena dina ibounai oi rini diba lasi. Aiemai opesi dekenai idia gaukara taudia be unai hora lalodiai idia gaukara lasi. To momokani, bema mai anina bada gauna ta oi ura Betele taudia dekenai oi gwauraia, unai neganai oi rini diba.
◼ June ena henia gauna: Tau Hereadaena buka, davana be K3.00.
◼ July ena henia gauna: Inai buklet oi gaukaralaidia diba: Toi Tamona, Iehova ena Witness Taudia, Mauri Hanaihanai, “Itaia!”, Gavamani, Dirava ese Ita Ia Laloa Eiava?, Mase Taudia Edia Lauma, ta ena davana be 30 toea.
◼ August bona September edia henia gauna: Mauri Hanaihanai buka, davana be K3.00.