Henanadai
◼ Kongregesen vairanai gwaubou herevadia karaia dalana be dahaka?
1 Mai anina bada karana ta idia ura karaia neganai, gwaubou herevana idia karaia guna be gau badana, hegeregere tano idia hoia, Kingdom Hall idia hanamoa eiava idia haginia, Society dekenai moni haida do idia henia, eiava sekit naria tauna durua ena davana karaia. Kongregesen moni amo gau ta davana idia ura karaia neganai, gwaubou herevana amo kongregesen taudia edia gwaumaoro idia abia guna be gau badana.
2 Gwaubou herevana do idia karaia lasi bema gaukara badana ta ena davana idia karaia totona moni be do idia henia sisina sisina hua ta ta dekenai anina bada gaukaradia dainai. Hegeregere inai bamona, tanobada ibounai lalonai haroro gaukarana durua totona, kongregesen taudia ese gwaumaoro idia karaia vadaeni hua ta ta iboudiai Society dekenai moni kontribusen idia siaia totona. To, Kingdom Hall naria totona monina, hegeregere gaukaralaia gaudia bona hagoevaia gaudia monina totona, gwaubou herevana do idia karaia lasi.
3 Gau ta do idia karaia neganai, namona be elda edia orea taudia ese do idia kikilaia namonamo. Bema idia momo idia laloa kara ta do idia karaia be namo, elda tauna ta, reana Kongregesen Hesiai Komiti tauna ta, be gwaubou herevana do ia torea bona Hesiai Hebou dekenai elda ta do ia duahia hedinarai.
4 Unai elda tauna ese hebou ena seamani gaukara ia karaia, bona ia ese dahaka ia vara bona elda edia orea taudia idia ura dahaka idia karaia do ia hahedinaraia goevagoeva. Unai neganai kongregesen taudia be mai edia dala henanadai idia gwauraia totona. Bema hereva haida idia auka dainai idia daradara, gwaubou herevana ena gwaumaoro do idia karaia lasi, to idia naria ela bona murina pura ena Hesiai Hebou dekenai, unai neganai tadikaka bona taihu be mai edia nega idia laloa namonamo totona. Edia gwaumaoro idia henia totona, helai taudia ese edia imadia idia abia isi.
5 Bema gavamani ena taravatu be ia hegeregere, kongregesen ena gwauhamata bona bapatiso taudia sibodia ese gwaubou herevana dekenai edia gwaumaoro idia henia diba, hegeregere Association gaukaradia totona eiava Kingdom Hall ena abitorehai monina idia herevalaia neganai. Namo lasi vadivadi pablisa taudia, ma kongregesen haida amo, ese edia gwaumaoro idia henia.
6 Gwaubou herevana dekenai edia gwaumaoro idia henia neganai, namona be unai gaukara idia naria elda taudia ese gwaubou pepana dekenai edia ladana idia sainia, ena dina idia torea, bona murinai kongregesen ena faila lalonai idia atoa.
[Questions]
1. Dahaka karaia totona kongregesen vairanai gwaubou herevana idia karaia be gau badana?
2. (a) Kongregesen ena moni idia ura gaukaralaia neganai, elda taudia be edena negai sibona gwaubou herevana idia karaia be namo? (b) Hua ta ta iboudiai idia henia davana, gwaumaoro idia henia vadaeni gau ta totona eiava Society dekenai idia siaia kontribusen moni totona, gwaubou herevana do idia karaia, a? (c) Dahaka kongregesen gaukara totona gwaubou herevana do idia karaia lasi?
3. (a) Gau ta do idia karaia be namo ia hedinarai neganai, elda edia orea taudia be dahaka do idia karaia? (b) Kongregesen vairanai edena bamona gwaubou herevana idia hahedinaraia? (c) Gwaubou herevana be edena hebou dekenai do idia duahia be namo?
4. (a) Hebou ena seamani ia karaia elda tauna be dahaka do ia karaia be namo? (b) Kongregesen taudia dekenai nega idia henia dahaka do idia karaia totona? (c) Bema daradara ia vara dahaka do idia karaia? (d) Gwaubou herevana dekenai edia gwaumaoro idia hamomokania dalana be dahaka?
5. Daika daika sibona be gwaubou herevana dekenai edia gwaumaoro do idia henia be namo?
6. Idia torea gwaubou herevana dekenai edia gwaumaoro idia henia murinai, unai pepa dekenai dahaka idia karaia?