Ia Murinai Do Ita Raka Namonamo
1 Momokani, Iesu be tau hereadaena. Iena hahediba taudia dekenai haheitalai goevadaena ia karaia. Ena be iena kara goevana hegeregerena momokani ita karaia diba lasi, to ita idia hagoadaia ‘Iena aena gabudia ai do ita raka.’ (1 Pet. 2:21) Namona be Iesu hegeregerena ita goada bona mai goada ida hereva momokani be ma haida dekenai ita herevalaia.
2 Iesu be haroro tauna sibona lasi: ia be hadibaia tauna hereadaena. “Taunimanima ese iena hadibaia hereva dekenai idia hoa bada.” (Mat. 7:28) Dahaka dainai anina bada ia havaraia? Mani, iena “hadibaia hereva”, bona iena hadibaia dalana ita itaia namonamo.
3 Iesu Murinai Ita Raka Dalana: Iesu be ena Tamana ese ia hadibaia. (Ioa. 8:28) Ia ura Iehova ia hanamoa bona Iena ladana ia abia isi. (Ioa. 17:4, 26) Iseda haroro bona hadibaia gaukara ita karaia neganai, namona be iseda ura gauna be Iehova ita hanamoa danu; ita karaia lasi siboda eda ladana ita abia isi totona.
4 Baibel be Iesu ena hahediba herevadia iboudiai edia badina. Hanaihanai Baibel ena hereva ia gaukaralaidia. (Mat. 4:4, 7; 19:4; 22:31) Baibel dekenai, ita ura kamonai taudia ita hakaudia lao; unai amo do idia itaia ita harorolaia bona hahedibalaia gaudia ibounai edia badina be siahu hereadaena.
5 Iesu ena hereva be momo lasi, auka lasi, bona taunimanima ese idia gaukaralaia diba edia mauri lalonai. Hegeregere, Dirava be iseda dika ia gwaudia tao totona dahaka ita karaia ia kikilaia neganai, ita ia hagoadaia ma haida edia kerere ita gwaudia tao danu. (Mat. 6:14, 15) Namona be Basileia ita herevalaia neganai, taunimanima iboudiai idia lalo-parara herevadia ita gaukaralaia.
6 Iesu ese haheitalai bona henanadai ia gaukaralaidia namonamo ma haida edia lalona ia veria totona. (Mat. 13:34, 35; 22:20-22) Taunimanima idia diba gaudia dekenai haheitalai ita karaia neganai, Baibel ena hahediba aukadia do idia lalo-pararalaia diba. Namona be henanadai amo, kamonai taudia ita hagoadaia iseda hereva idia lalohadailaia matamaia. Henanadai amo, diba maorona dekenai idia do ita hakaua.
7 Dobu gaudia idia nanadailaia taudia dekenai, Iesu be edia anina ia gwauraia hedinarai. Diba idia ura dikadika taudia, iena hahediba taudia bamona, be Iesu ese ia hahedibalaia gaudia edia anina idia abia. (Mat. 13:36) Taunimanima ese henanadai idia henia mai edia ura maorona ida neganai, ita durudia be maoro. Bema haere ita diba lasi, ruma dekenai henanadai ita stadilaia diba bena gabeai ita lao lou bona haere do ita henia.
8 Iesu ia karaia gaudia amo taunimanima ia hadibadia. Ena be Iesu be ena hahediba taudia edia biaguna to edia aena ia huria dainai, idia ia hadibaia. (Ioa. 13:2-16) Bema iseda manau karana idia itaia, hahediba taudia do idia ura idia dibaia gaudia idia badinaia.
9 Taunimanima ese kara maoromaoro idia ura henia dainai Iesu ena hereva dalana ese ia veridia bona edia kudou ia hamarerea. Ita ura kudou ita hamareredia danu. Taunimanima iboudiai idia ura gau ta idia tomadiho henia bona ma haida danu maino bona moale dekenai idia noho; unai ura hagugurua herevadia ita henia toho.
10 December lalonai, Tau Hereadaena bukana do ita hariharilaia toho dainai, iseda diba Iesu dekenai be ma haida danu do ita kikilaia diba. Bema Iesu ena hadibaia daladia ita tohotohoa ena hahediba herevadia ita kikilaia neganai, reana kudou namo taudia do idia kamonai.—Mat. 10:40.