Hadibaia Hereva

◼ January ena henia gauna: Kongregesen dekenai ia noho rau 192 bukana ta, davana be 25 toea: Hadibaia Tauna Badana Ita Kamonai Henia, Maino bona Noho Namona​—Daika Amo Ia Mai?, Mauri ia lao henia Hereva Momokanina, bona Memero Kekeni​—Moale Umui Davaria Dalana. February: Mauri Hanaihanai Paradaiso Lalonai bukana, davana be K3.00. Taunimanima ese unai buka idia abia neganai namona be ita lou henidia, bona ita goada karaia idia dekenai Baibel stadi do ita hamatamaia totona. March: Gabeai do idia hadibaia. April bona May: Gima Kohorona sabskripsen, davana be K6.00. ITAIA: Bema kongregesen ese unai henia gaudia idia do oda hegaegae lasi, namona be Literature Order Form (S-AB-14) dekenai oda idia karaia.

◼ Iseda Basileia Gaukara pepana lalonai, pura iboudiai totona sediual ia noho. To reana, iseda “Dirava Gari Henia” Distrik Hebouhebou dainai, pura ta do ita reaia bona murina wiki, miniti 30 lalonai, hebouhebou program ena hereva badadia do ita riviulaia. Lo tadikaka rua o toi ese dina ta ta ena hereva badadia do idia kikilaia lou. Idia hegaegae namonamo kahana ese kongregesen taudia ia durua edena hereva do idia gaukaralaia diba haroro gaukara bona edia mauri dekenai. Namona be helai tadikaka edia ekspiriens bona haere idia gwauraia neganai, idia be mai anina bona idia kwadogi.

◼ Namona be kongregesen iboudiai idia hegaegae Memorial totona. Hari lagani ai do ita karaia Friday, April 14, 1995, dina ia diho murinai. Ia namo bema kongregesen iboudiai be mai ena nega Memorial totona, to nega haida kongregesen momo be Kingdom Hall tamona idia gaukaralaia. Unai ia vara neganai namona be kongregesen haida be gabu ma ta idia tahua Memorial karaia totona. Namo lasi kamonai taudia idia mai diba lasi badina hanuaboi momokani oi karaia dainai. Danu, ita ura nega ia noho vadivadi taudia ita hedavari henidia, haida ita durua lauma goadana idia abia lou totona, bona ita herevahereva heheni. Unai gaudia idia lalohadalaia murinai, elda taudia ese abia hidi namona do idia karaia Memorial dekenai idia mai taudia edia namo do ia bada totona.

◼ February lalonai sekit naria taudia ese pablik tok matamata, “Iehova be Iseda Roho Mauri Gabuna ai Ita Halaoa Ena Badina” do idia henia.

◼ Kongregesen iboudiai dekenai, Sunday, April 23, 1995 ai, pablik tok badana do idia abia. Ena sinado be “Tomadiho Koikoi Ena Dokona be Kahirakahira.” Namona be Memorial dekenai idia mai taudia iboudiai ita boiria mai. Do ita goada karaia Baibel stadi taudia milion momo ita durudia. Hebou murinai hadibaia herevadia ese idia bona ita do ia hagoadaia pepapepana ta do ita abia ita hariharilaia totona. Danu, taunimanima ese idia davaria hekwakwanai bona Dirava ena Hereva hegeregerena ita kara be namo do ia kikilaia.

◼ Lagani 1995 ena siri badana be Kingdom Hall dekenai umui atoa vadaeni, a? Bema lasi Kongregesen naria tauna do ia hegaegaelaia.

◼ February ena Iseda Basileia Gaukara pepana ena toana do ia idau. Duahia taudia durua gaudia be inai: Hereva badadia be vairana kahanai do idia torea bona haroro gaukara lalonai oi gaukaralaia diba kiki herevadia be murina kahanai do idia torea. Unai hereva iboudiai be rau tamona lalonai do idia torea. Hesiai Hebou, Kongregesen Buka Stadi sediual, haroro ripoti, Hadibaia Herevadia, Iseda Orea Ena Sivarai, bona Henanadai mauana be lalona kahanai do oi davaridia. Unai ese Iseda Basileia Gaukara pepana do ia hahairaia bona iseda haroro gaukara bona kamonai taudia davaria gaukara do ia hanamoa.

◼ Lagani 1995 lalonai, Association ese New Guinea Pidgin bona Hiri Motu magasin volume do idia karaia lasi. Unai dainai, umui ai hagoadaia January 1, 1995, amo Gima Kohorona bona Noga! magasin atoa hebou magasin file case lalonai emui laiberi totona. Kongregesen amo magasin file case umui oda karaia diba.

◼ Buka Matamata Hari Umui Oda Diba:

English: Watch Tower Publications Index 1991-1993.