Henanadai Mauana

◼ Kingdom Hall dekenai gaukara idauidau totona idia makaia kontribusen maua idauidau idia noho be namo, a?

Oibe. Kingdom Hall ai kongregesen ta ta ibounai be kontribusen maua haida idia atoa be hegeregere to rua idia noho be gau badana, bona edia saini be inai bamona idia torea goevagoeva: 1. “Basileia Gaukarana Ena Kontribusen Monina.” Unai moni be kongregesen ena moni akaun dekenai idia atoa bona idia gaukaralaia kongregesen ena gau idauidau edia davana karaia totona. Unai akaun amo Society dekenai kontribusen monina idia siaia diba, Society ese edia ura hegeregerena idia gaukaralaia totona. Kongregesen momo ese edia lalona idia hadaia hua ta ta ibounai ai moni idia siaia Society dekenai. 2. “Association Ena Kingdom Hall Monina.” Unai moni ibounai be Society dekenai idia siaia. Akaun idauna ta ai idia atoa bona Kingdom Hall idia ura haginia kongregesen idauidau edia abitorehai idia hamomokania neganai, unai totona idia henia.

Bema emui kongregesen ese haginia eiava hanamoa gaukarana idia lalohadailaia neganai, reana do umui ura maua ma ta umui atoa Kingdom Hall Haginia Monina totona, unai bona Association Ena Kingdom Hall Monina ena maua ruaosi do idia noho. Unai dala amo pablisa taudia be edia kongregesen bona ma haida idia durua diba.

Nega haida (bema hegeregere, pura ta bamona vairanai) reana elda taudia ese kongregesen idia hadibaia idia gwauraia dinana dekenai do idia abia kontribusen ibounai be dika idia davaria taudia durua totona do idia gaukaralaia.

Namona be buka stadi idia karaia gabudia dekenai kontribusen maua idia noho danu. Unai gabudia amo idia abia monina be kongregesen ena moni akaun dekenai idia atoa.

Kontribusen oi henia neganai, oi naria namonamo maua maorona dekenai oi udaia. Unai ia vara totona reana heduru gauna be elda taudia ese hadibaia herevana idia gwauraia. Elda taudia eiava hesiai taudia ese unai maua idauidau dekenai ia noho monina be maua ta lalonai idia udaia be maoro lasi. Ia be ta ta ena maduna, kontribusen monina be maua maorona dekenai ia udaia karana amo ia hahedinaraia edena gauna totona unai moni ia henia.

This article is unique to PNG.