Lagani 1998 ai North America Dekenai Intenesenel Hebouheboudia Do Idia Karaia
Saturday, October 5, 1996 ai, Watch Tower Bible and Tract Society of Pennsylvania ena lagani hebouna lalonai, Hakaua Oreana ia gwau idia hegaegae noho lagani 1998 lalonai intenesenel hebouheboudia do idia karaia totona. Vaia ita karaia distrik hebouheboudia do ita karaia to danu intenesenel hebouheboudia haida do idia karaia North America dekenai bona Africa, Asia, Europe, Latin America, Caribbean ena kahana, bona South Pacific dekenai danu.
Inai bamona hebouhebou momo do idia karaia North America dekenai, bona taunimanima be gabu ma haida amo do idia boiria danu. Bona unai intenesenel hebouheboudia dekenai misinari taudia do ita itadia diba. Gilead dekenai idia lao taudia bona Hesiai Gaukara Hadibaia Sikulina dekenai idia lao tadikaka bona ma hesiai gaukara haida idia karaia taudia danu do idia boiria Africa, Asia, Latin America, Eastern Europe, bona Caribbean bona Pacific motumotu amo.
Hebouhebou edia deit, gabu, daika ia lao diba, bona ma hadibaia herevadia haida be gabeai do ai siaia. Brens opesi ese kongregesen do ia hadibadia edena intenesenel hebouhebou gabudia dekenai pablisa do idia boiria. Hebouhebou ena deit bona hebou totona idia hegaegaelaia gaudia be gabeai do idia hadibaia, idia abia hidi taudia totona. Daidia idia laloa aplikeisen do idia hahonua unai hebouhebou totona, namona be hari idia hegaegae.