Haroro Sikuli Ena Henanadai

Haroro Sikuli ena henanadai May 5 ia lao August 18, 1997, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.

Henuna hereva oi gwauraia Momokani eiava Koikoi:

1. Iesu ena hebogahisi karana, Mareko 1:​41 ai ia hedinarai bamona, ese ia hahedinaraia namonamo Iehova ese taunimanima ia laloa. [3, Wiki ta ta ena Baibel duahiduahi; w96-MO 3/1 rau 5 itaia.] Momokani. (Ioane 5:​19 itaia.)

2. Apokalupo 7:​16 ia hahedinaraia hutuma bada taudia be tanobada taudia amo dagedage do idia davaria lasi. [5, uw-MO rau 108 par. 11] Koikoi. Unai hereva ena anina be Dirava ena badu ena siahu ese idia do ia araia lasi.

3. Ioane Bapatiso ena henanadai Luka 7:​19 dekenai ese ia hahedinaraia ia abidadama lasi. [14, Wiki ta ta ena Baibel duahiduahi; w87-MO 1/5 rau 8 itaia.] Koikoi. Reana Ioane ia ura Iesu sibona be ia hamomokania Ia be Mesia; danu, Ioane ia ura diba bema ma ta do ia mai, Mesia idia perovetalaia gaudia ibounai do ia hagugurua totona.

4. Iesu ena Pasova ginigabena ena hahediba taudia ida negana ai, Petero sibona ia gwau: “Do lau hereva lasi inai bamona, ‘Lau diba lasi Iesu.’ ” [1, Wiki ta ta ena Baibel duahiduahi] Koikoi. Mataio 26:35 hegeregerena, hahediba taudia ibounai be unai bamona idia hereva.

5. Baibel ese ia hahedinaraia lasi Petero be headava tauna. [13, Wiki ta ta ena Baibel duahiduahi] Koikoi. Luka 4:​38 ia hahedinaraia Petero be headava tauna.

6. Baibel ese lauma helaga ena ladana ia gwauraia lasi. [4, rs-MO rau 389 par. 2] Momokani.

7. Toana be Mareko ese Iuda taudia totona ena Evanelia Bukana ia torea. [3, si-MO May 19 par. 8] Koikoi. Ia ese Roma taudia totona ia torea; Mataio ese Iuda taudia totona ia torea.

8. Ena be Ioane 20:17 ai Iesu ese Iehova ia gwauraia “egu Dirava,” to Baibel ena siri ta ia gwau lasi Iehova ese Iesu ia gwauraia “lauegu Dirava,” bona danu, Iehova eiava Iesu ese lauma helaga be “lauegu Dirava” idia gwauraia lasi. [7, rs-MO rau 393 par. 5] Momokani.

9. Luka bukana lalonai ita davaria hereva idauidau edia momo ese ma Evanelia bukadia toiosi edia hereva idauidau ibounai edia momo ia hanaia, to ena badina ita diba lasi. [11, si-MO July 14 par. 2] Koikoi. Luka be edukeisini badana ia abia bona ia be doketa tauna dainai, ita hoa lasi iena Evanelia Bukana lalonai hereva idauidau momo idia hedinarai.

10. Hutuma bada be Aramagedono amo do idia roho mauri totona hari idia karaia karadia be Baibel ese ia hahedinaraia lasi. [1, uw-MO rau 105 par. 5] Koikoi. Baibel lalonai peroveta herevadia momo ese hutuma bada be do idia roho mauri totona idia karaia karadia ia hahedinaraia.

Henuna henanadai oi haerelaidia:

11. Bema Baibel sirina ta be dala idauidau ai idia hahanaia diba, hahanaia tauna be edena bamona ia diba edena hereva be maoro? [11, rs-MO rau 398 par. 3] Baibel ena hereva oredia ida ia hegeregere herevana be maoro. (Unai bamona hereva ia hegeregere)

12. Badina be dahaka taunimanima haida ese sisiba idia abia dae lasi? [15, uw-MO rau 126 par. 4] Hekokoroku, sibona idia laloa momo dainai. (Unai bamona hereva ia hegeregere)

13. Dahaka do ia vara Toi Tamona herevana idia dogoatao noho taudia dekenai? [15, rs-MO rau 404 par. 3] Dika bada herea do idia davaria, badina Toi Tamona herevana be Baibel ena hereva momokanina hegeregerena lasi. Ia be taunimanima edia hahediba herevana, bona Iesu ia gwau unai bamona tomadiho be mai anina lasi. (Unai bamona hereva ia hegeregere)

14. Iesu ia gwau, “umui emui lalona dekenai damena ena mamina namona umui abia, bona maino dekenai umui noho hebou,” iena hereva ena anina be dahaka? (Mar. 9​:50) [7, Wiki ta ta ena Baibel duahiduahi; w85-E 5/15 rau 24 par. 12 itaia.] Iseda Keristani tadikaka ita kara namo henidia bona edia namo ita tahua neganai, idia ida maino dekenai do ita noho. (Unai bamona hereva ia hegeregere)

15. Vabu ogogamina ena kara dainai Iesu ese ia gwauraia herevana amo dahaka ia hadibaia ita dekenai? (Mar. 12:42-​44) [8, Wiki ta ta ena Baibel duahiduahi; w87-E 12/1 rau 29 par. 7–​rau 30 par. 1 itaia.] Ita ibounai be mai eda hahenamo, iseda kontribusen amo tomadiho momokanina ita durua diba, to ita dekenai mai anina lasi gauna ita henia be gau badana lasi Iehova ena matana ai, to ita dekenai mai anina bada gauna henia karana ia laloa bada. (Unai bamona hereva ia hegeregere)

16. Edena bamona Petero ena kara ena toana haida be Mareko ese sivarai ia torea dalana ai idia hedinarai, bona ena badina be dahaka? [3, si-MO May 19, par. 5-6] Mareko ena torea dalana be gau momo edia toana ia herevalaia, bona ena hereva be mai ena siahu. Toana be ia torea gaudia momo be Petero amo ia kamonai. Petero be lalona ena mamina abia badabada tauna bona Iesu Keriso ena mauri bona ena gaukara be sibona ena matana amo ia itaia tauna.

17. Mataio 6:​9, 10 bona Luka 11:​2-4 ita hahegeregerea neganai, dahaka dainai ita gwau diba, unai guriguri tamona ena hereva sibona ita gwauraia loulou be maoro lasi? [16, Wiki ta ta ena Baibel duahiduahi; w90-E 5/15 rau 16 par. 6 itaia.] Mataio ena hereva be Luka ena hereva amo sisina idia idau. Unai amo ita diba Iesu ia ura lasi unai guriguri tamona ena hereva sibona ita gwauraia loulou. Ia murinai idia raka taudia ia hadibaia edena bamona do idia guriguri; edena herevadia do idia gwauraia ia hadibaia lasi. (Unai bamona hereva ia hegeregere)

18. Luka 3:​1, 2 bamona herevadia ita duahia neganai, edena bamona iseda abidadama ia hagoadaia bena ita abia dae Baibel be momokani? [11, si-MO July 14 par. 7] Gori herevadia ese idia herevalaia gaudia edia nega bona gabu idia gwauraia hedinarai goevagoeva lasi, to Baibel be idau, ia ese gau badadia edia nega bona edeseniai idia vara ia hahedinaraia. (Unai bamona hereva ia hegeregere)

19. Apokalupo 7:​14 ia gwau, ta ese Mamoe ena Natuna ena rarana lalonai ena dabua ia huria karana amo dahaka do ia vara? [4, uw-MO rau 106 par. 6-7] Unai amo Dirava ena matana dekenai do ia goeva, dabua kurokuro ese unai idia laulaulaia. (Unai bamona hereva ia hegeregere)

20. Ita diba Iesu ena abidadama Dirava dekenai ia manoka lasi, to dahaka dainai ia boiboi: “Lauegu Dirava e, lauegu Dirava e, dahaka dainai oi rakatania lau?” (Mar. 15:34) [10, Wiki ta ta ena Baibel duahiduahi; w88-MO 1/1 rau 31 itaia.] Reana Iesu ena hereva ena anina be, Iehova ese ena heduru Iesu amo ia kokia, Ena Natuna ena abidadama idia tohoa auka masemase totona; danu, Iesu ese unai hereva ia gwauraia Salamo 22:​7, 8 dekenai idia torea Mesia idia perovetalaia herevadia idia guguru totona. (Unai ta; unai bamona hereva ia hegeregere)

Henuna herevadia dekenai idia torea lasi herevadia oi torea:

21. Memorial dekenai idia gaukaralaia paraoa bona uaina be toa sibona, paraoa ese Iesu ena tauanina korikorina bona uaina ese ena rara korikorina idia laulaulaia. [8, uw-MO rau 115 par. 13]

22. Idia vara vadaeni gaudia ese idia hamomokania guba maurina abia totona boiridia gaukarana badana be lagani 1935 bamona ia ore, unai lagani lalonai hutuma bada taudia edia tanobada helarona be ia hedinarai goevagoeva. [6, uw-MO rau 112 par. 6]

23. Ioane Bapatiso be ia haroro hamatamaia neganai, Iudea ena gavana be Pontio Pilato bona Heroda be Galilea dekenai ia lohia. [12, Wiki ta ta ena Baibel duahiduahi; Luka 3:1 itaia.]

24. Dirava ena natudia korikoridia edia lalona bona edia kudouna edia lalohadai ia hamomokania laumana be Dirava ena gaukara siahuna, ita itaia diba lasi gauna. [7, uw-MO rau 113 par. 9]

25. Luka 10:16 ena hereva hegeregerena, hesiai oreana bona ena Hakaua Oreana edia amo idia mai lauma gaudia be mai moale ida ita abia dae neganai, ita hahedinaraia Iesu ita matauraia. [14, uw-MO rau 123 par. 13]

Henuna herevadia dekenai haere maorona oi abia hidi:

26. Mataio 27:52 ia herevalaia helaga taudia be (idia toreisi lou bona nega sisina tanobada ai idia mauri lou taudia; tano mareremarere dainai, mase guria gabudia amo idia daekau bona idia hedinarai mase tauanidia; Iesu be guba dekenai ia do giroa lasi neganai, guba dekenai idia toreisi lou taudia). [2, Wiki ta ta ena Baibel duahiduahi; w91-MO 1/6 rau 7]

27. Kolose 1:​15 (NW) ai, Iesu idia gwauraia “Vara Guna Natuna,” ena anina be ia be (Dirava hegeregerena bona mai matamana lasi; Dirava ena natuna ginigunana tanobada ai; Iehova ena natuna roboana, ena natudia oredia ia gunalaia). [5, rs-MO rau 390 par. 4]

28. Lagani (33 C.E.; 1918; 1919) ai, lauma helaga amo ia hamomokania unai “hesiai tauna mai ena kamonai, bona mai ena kara maoromaoro” dekenai gaukara ia henia vadaeni. (Mat. 24:45) [12, uw-MO rau 119 par. 6]

29. Keristani taudia ibounai dekenai, Dirava ena orea lalonai gaukara idia naria taudia dekenai danu, mai anina bada hahegani be inai: “Umui emui huana dekenai (ia hekokoroku tauna; tau badana; ia maragi momokani tauna,) ia be badana.” (Luka 9:48) [13, uw-MO rau 123 par. 12]

30. (Mataio 10; Mataio 24; Luka 21) dekenai, Iesu ese haroro karaia totona ia siaia taudia dekenai gaukara karaia dalana ia hahedinaraia goevagoeva. [2, si-MO May 12 par. 31]

Henuna herevadia dekenai siri maorona oi abia hidi:

Aon. 4:​13; Dan. 7:​9, 10, 13, 14; Mar. 7:​20-​23; 13:10; Luka 8:​31

31. Namona be iseda lalona bona kudouna ai ia vareai lalohadai, Dirava ese ia ura lasi eiava ita ia hadikaia diba lalohadaina, ita itaia haraga bona ia do goada lasi neganai, maoromaoro ita kokia. [Mar. 7:​20-​23] [6, Wiki ta ta ena Baibel duahiduahi; w89-E 11/1 rau 14 par. 16 itaia.]

32. “Lagani 1000 lalonai” demoni be Satani ida do idia noho, mase taudia bamona gau ta do idia karaia diba lasi. (Apok. 20:3) [Luka 8:​31] [15, Wiki ta ta ena Baibel duahiduahi]

33. Karaharaga lalohadaina be mai anina bena ita be tanobada hegegemadai haroro gaukarana ita karaia haorea diba inai nega kwadogina lalonai. [Mar. 13:10] [9, Wiki ta ta ena Baibel duahiduahi; w95-MO 10/1 rau 27 itaia.]

34. Sisiba abia dae karana ese ita do ia naria, lalohisihisilaia herevadia ita gwauraia lasi bona unai bamona karadia ita karaia lasi totona. [Aon. 4:​13] [16, uw-MO rau 128 par. 6]

35. Ena be lauma taudia ita itaia diba lasi, to Iehova ena Hereva ese iena guba oreana ena toana bona ena tomadiho taudia tanobada dekenai ia durua daladia haida ia hahedinaraia. [Dan. 7:​9, 10, 13, 14] [9, uw-MO rau 117 par. 1]