Iseda Lalona Ita Hadaia—Iehova Ia Gwauraia Mauri Dalana Do Ita Badinaia
1 “Dirava Ia Gwauraia Mauri Dalana” Hebouheboudia edia hereva badana ta be hereva dokona lalonai idia karaia gwaubou herevana. Ena hamatamaia herevana be inai: “Ita . . . ese mai iseda kudouna ibounai ida ita abia dae Dirava ena dala be mauri dalana hereadaena.” Unai gwaubou ena hereva badadia haida mani oi laloa lou, idia dekenai ita gwau, “OIBE!”
2 Iseda lalona ita hadaia Iehova vairanai do ita goeva, inai tanobada ese ita do ia hamiroa lasi. Iseda mauri lalonai, Dirava ena ura do ita tahua guna noho. Iena Hereva, Baibel, do ita gaukaralaia ita ia hakaua totona, bona idiba kahana eiava lauri kahana ai do ita lao lasi. Unai amo do ita hamomokania Dirava ena dala ese inai tanobada ena dala ia hereaia.
3 Tanobada taudia momo be Dirava ia gwauraia mauri dalana idia laloa lasi bona davana idia abia. (Ier. 10:23) Unai dainai, namona be iseda Hadibaia Tauna Badana, Iehova, ese ita ia hadibaia noho, ia gwau: “Dala be inai, ia dekenai do umui raka lao.” (Isa. 30:21) Iehova ia gwauraia mauri dalana, Baibel lalonai ia hahedinaraia dalana, be dala iboudiai ia hereaia. Unai dala ita badinaia totona, gau badana be Iehova ese ita ia hadibaia gaudia ibounai ita gaukaralaia namonamo.
4 Iehova Ena Hadibaia Dalana Hereadaena: Iehova ese ita dekenai mauri ena anina korikorina bona edena dala ai iseda mauri ita gaukaralaia namonamo diba ia hadibaia. Iseda mauri ena namo habadaia dalana be tauanina dalanai, kara maoromaoro badinaia dalanai, bona lauma dalanai ia hadibaia. Iseda tadikaka, iseda ruma bese taudia, bona iseda dekena tauna ida maino ai ita noho dalana ia hadibaia. Iena hadibaia bukana, Baibel, bona ena orea amo unai ia karaia.
5 Iseda kongregesen ena hebou be mai anina bada danu. Hebou ibounai ima ita lao henia hanaihanai neganai, sivarai namona harorolaia tauna ena kara ita dibaia bona Keristani maurina ena anina ita dibaia namonamo danu. (2 Tim. 3:16, 17) Iseda Hadibaia Tauna Badana ese tiokratik edukeisen ia henia sekit, dina tamona, bona distrik hebouheboudia amo. Namona be iseda tahua gauna be, bema ita gorere lasi bona dala ia noho ita lao totona, hebou ta eiava hebouhebou ena kahana ta do ita reaia lasi.
6 Namona be Dirava ia gwauraia mauri dalana ita badinaia goadagoada noho, unai amo Iehova do ita hanamoa bona namo do ita davaria ela bona hanaihanai!—Isa. 48:17.