Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • km 7/99 rau 4
  • ‘Hereva Ena Anina Korikori Ita Gwauraia!’

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • ‘Hereva Ena Anina Korikori Ita Gwauraia!’
  • Iseda Basileia Gaukara—1999
  • Inai Bamona Atikol
  • Mauri Havaraia Gaukarana Ita Durua Namonamo Dalana
    Iseda Basileia Gaukara—1993
  • Magasin Herevalaia Dalana Hegaegaelaia
    Iseda Basileia Gaukara—2006
  • Haroro Gaukara ai Kara Namo Hahedinaraia
    Gima Kohorona Iehova Ena Basileia Ia Harorolaia—2014
  • Lou-Henia Karaia Dala Namodia
    Iseda Basileia Gaukara—1993
Ma Haida Itaia
Iseda Basileia Gaukara—1999
km 7/99 rau 4

‘Hereva Ena Anina Korikori Ita Gwauraia!’

1 Nega ta ruma tauna ta ese oi hegaegaelaia hamatamaia herevana namona ia koua bona ia gwau: “Dahaka oi ura? Hereva ena anina korikori oi gwauraia!” Unai bamona hereva amo dahaka ita diba?

2 Hari inai negai, taunimanima momo idia haheauka lasi. Idia ura idia diba ita be daika bona ita vadivadi ena badina be dahaka? To bema idia diba iseda vadivadi ena badina be Baibel ita herevalaia totona, reana do idia ura lasi. Taunimanima momo edia mauri lalonai Baibel duahia bona lauma gaudia herevalaia karana be gau badana lasi. Edena dala amo unai bamona ruma taudia edia lalona ita veria diba, miniti haida lalonai Baibel ena hereva badana ta ita herevalaia hebou totona?

3 Dala Namo Hereana: Gau badana be ruma tauna dekenai ita hahedinaraia ia laloa momo hekwakwanaidia hanaia daladia be Baibel lalonai idia noho bona unai be hereva kwadogina ai ita gwauraia be namo. Anina namona ia havaraia haroro herevana lalonai, ruma tauna ena lalona ia veria diba henanadaina ta do oi gwauraia bena siri ta amo haere do ia henia. Henunai idia noho herevadia mani oi tohoa. Idia torea dalana ese ita do idia durua ruma tauna ena lalona do ia hanogaia diba bena maoromaoro “ita laohaia herevana” ita hahedinaraia.

4 Bema teritori haida dekenai taunimanima idia gwau idia ura lasi, idia laloa bada henanadaina ta oi henia:

◼ “Lagani 2000 ita lao henia dainai, oi laloa namo do ia vara eiava oi daradara? [Haere naria.] Baibel ese hari inai negai ita itaia karadia bona gabeai dahaka do ia vara be ia perovetalaidia.” Bena 2 Timoteo 3:​1, 2, 5 bona Aonega Herevadia 2:​21, 22 duahia.

◼ “Inai tanobada dekenai tauanina naria dalana idia laloa bada. Dirava ia gwauhamata ia ese gorere idauidau do ia haorea momokani, unai oi diba, a?” Apokalupo 21:​3, 4 duahia.

◼ “Oi laloa iseda hanua be edena bamona namo do ia davaria bema hanua taudia iboudiai be Baibel ena hakaua herevadia idia badinaia, a?” Mataio 22:​37-​39 duahia.

5 Iseda maduna be Basileia ena sivarai namona do ita harorolaia dainai, bema dala ia kehoa neganai unai Basileia ese do ia havaraia gaudia ita gwauraia be namo. Inai bamona do oi hereva diba:

◼ “Tanobada ena buka gunana, Baibel, ia gwau, inai tanobada ibounai dekenai gavamani tamona sibona do ia noho, unai oi diba, a?” Daniela 2:​44 duahia.

◼ “Dahaka oi laloa, bema Iesu Keriso ese tanobada ia lohiaia neganai, mauri be edena bamona?” Salamo 72:​7, 8 duahia.

6 Bema teritori dekenai taunimanima ese tomadiho idia laloa bada, reana inai hamatamaia herevana oi gaukaralaia diba:

◼ “Taunimanima momo idia hisihisi, badina idia be tau eiava hahine dainai, edia tomadiho dainai, eiava edia kopina ena kala dainai. Dahaka oi laloa, Dirava ena hemami unai bamona inai henia karana dekenai be dahaka?” Kara 10:​34, 35 duahia.

◼ “Ita diba Iesu Keriso ena nega ai, ia be hoa karadia momo ia karaia. Bema ia oi noia hoa karana ta ia karaia totona, edena kara do oi gwauraia?” Salamo 72:​12-​14, 16 duahia.

7 Bema ruma tauna ia ura lasi iduara ia kehoa neganai, inai bamona hereva amo oi hamatamaia diba:

◼ “Taunimanima momo be hekwakwanai idia kamonaia loulou dainai idia hesiku vadaeni. Idia ura hekwakwanai kokia dalana idia kamonaia. Oi danu be unai bamona oi laloa, ani? To iseda hekwakwanai idia haorea momokani daladia be edeseniai ita davaria diba?” Haere naria. Bena 2 Timoteo 3:​16, 17 duahia.

8 Mani Oi Gaukaralaidia Toho: Nega haida, henanadai haragadia bona kwadogidia sibona be hegeregere ruma tauna ena lalona ita veria totona. Guna Witness taudia ia dadaraia hahinena ta ese taihu rua ia abidia dae ena ruma dekenai, idia ta ese inai henanadai ia henia neganai: “Lohiabada ena guriguri herevana hegeregerena, oi gurigurilaia Basileiana oi gwauraia hedinarai diba, a?” Unai henanadai ese hahine ena lalona ia veria momokani bona ia ese Baibel stadi ia abia dae. Hari ia be Iehova ena gwauhamata hesiai hahinena ta!

9 Bema ruma tauna ta oi hereva henia neganai, emu hemami korikori oi hahedinaraia. Oi hereva mai emu lalona ibounai ida. Taunimanima be do idia kamonai bema idia itaia ita be idia ita laloa bada.​—Kara 2:​46, 47.

10 Hari inai nega lalonai, sivarai namona harorolaia gaukarana be mai ena hekwarahi. Ruma taudia haida idia gari taunimanima idaudia idia itaia neganai. Haida edia mauri be gau idauidau amo idia honu bona edia nega be hegeregere lasi. To, ita diba momokani kamonai taudia haida idia do noho. (Mat. 10:11) Idia ita tahua gaukarana dekenai do ita kwalimu diba bema iseda hamatamaia herevana ia kwadogi bona ‘hereva ena anina korikori ita gwauraia!’

    Hiri Motu Pablikeisen (1987-2025)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia