Hebouhebou Program Matamatadia
1 Hari Iehova ida oi raka hebou neganai, dahaka namo oi davaria? Tiokratik lasi karadia be edena bamona oi dadaraia diba, Basileia be oiemu mauri lalonai oi atoa guna totona? (Mat. 6:33) Inai tanobada ese dala kererena be dala maorona idia gwauraia, unai dainai dala kererena bona dala maorona edia idau oi diba be auka, a? (Heb. 5:14) February 2000 dekenai do ia matamaia “Hari Dirava Ena Dala Dekenai Oi Raka amo Namo Oi Davaria” sekit hebouhebou ese unai gaudia do ia haerelaia.—Sal. 128:1.
2 Saturday ai, unai sekit hebouhebou ena kahana ta ese Hesiai Hebou karaia dalana matamatana do ia hahedinaraia. Emui sekit naria tauna ese kongregesen iboudiai do ia hadibaia dahaka idia karaia diba bena taunimanima ibounai do idia hegaegaelaia diba program ibounai idia moalelaia totona.
3 Kahana ta ena ladana “Painia Taudia e—Emui Raka Dalana Umui Naria Noho” ese ita do idia hagoadaia edena bamona do ita aonega bona laloa namonamo, painia gaukara totona nega ita hoia totona. (Ef. 5:15-17) Pablik tok ena sinado “Dirava Ena Dala—Namo Bada Herea Ia Havaraia!” ese do ia hahedinaraia hari Dirava ena kara maoromaoro taravatu ita badinaia dainai namo ita abia.
4 Lagani vaira ena dina tamona hebouhebou ena program ena sinado be: “Dirava Ena Dobu Gaudia Ita Tahua.” (1 Kor. 2:10) Dahaka anina bada gaudia do ita dibaia?
5 Dahaka dainai hari lauma dalanai idia hehuni davana bada gaudia ita tahua goadagoada be namo? Iehova be hehuni gaudia ia Hahedinaraia Tauna. Do ia vadivadi tauna ena hereva ena sinado be “Iehova ese Hehuni Gaudia Ia Hahedinaraia” amo ia ese do ia hahedinaraia Iehova be guna bona hari edena hehuni gaudia ia hahedinaraia. Unai ese iseda lalona do ia hagoadaia ‘Dirava ena dobu gaudia ita tahua’ totona.
6 Hari palani oi karaia unai hebouhebou rua edia program oi reaia lasi totona. Namona be idia ura bapatiso amo Iehova dekenai edia mauri idia gwauhamatalaia karana idia hahedinaraia taudia ese kongregesen gunalaia tauna idia hadibaia haraga.
This article is unique to PNG.