Hadibaia Hereva

◼ January ena henia gauna: Rau 192 bukana ta, to Diba bukana eiava Ruma Bese Ena Moale bukana lasi. February: Ruma Bese Ena Moale Havaraia Dalana. March: Diba ese Mauri Dekenai Ita Ia Hakaua Lao. Do ita hekwarahi Baibel stadi ita hamatamaia totona. April Bona May: Gima Kohorona bona Awake! ta ta. Lou henia oi karaia bona edia ura ia bada neganai, sabskripsen oi henia toho. Diba buka eiava Dahaka Ita Karaia? buklet ita henia, Baibel stadi ita hamatamaia toho.

◼ Lagani 2002 ena Memorial be Thursday, March 28, dina ia diho murinai do ita karaia. Inai hadibaia hereva ai siaia haraga badina bema gau haida dainai kongregesen ese gabu ma ta do idia gaukaralaia Memorial totona, tadikaka dekenai nega sisina bada ia do noho kontraka idia karaia totona. Bema unai bamona do umui karaia, namona be do umui gaukaralaia gabuna ena biaguna amo gwauhamata umui abia, bena unai adorahi ai gadara eiava gau ma haida do idia karaia lasi bona Memorial do ia heau namonamo diba. Memorial be mai anina bada gauna dainai, bema kongregesen be mai ena elda tamona sibona lasi, namona be ia manada vadaeni tadikaka ta idia abia hidi, namo lasi bema elda ta ta be mai edia nega karaia totona, eiava lagani ta ta ai tadikaka tamona sibona idia gaukaralaia. Elda ta ese hereva ia henia be namo, to bema elda ta be lasi namona be ia manada vadaeni tadikaka ta ese do ia henia.

◼ January 8 purana ai, Hesiai Hebou dekenai idia mai bapatiso pablisa ibounai be Advance Medical Directive/Release kadi bona edia natudia totona Identity Kadi do idia abia.

◼ February ai, bona March 4 ia do ginidae lasi neganai, sekit naria taudia ese pablik tok matamata ladana “Kota Badana Dinana​—Gari Negana Eiava Ita Naria Noho Negana?” do idia henia matamaia.

◼ Namona be kongregesen idia hegaegae inai lagani ena Memorial be Sunday, April 8, dina ia diho murinai, do idia karaia. Ena be hereva umui hamatamaia haraga, to paraoa bona uaina do umui henia lasi ela bona dina ia diho murinai. Unai dina ai ma hebou ta do umui karaia lasi to haroro gaukara ena hebou sibona, unai dainai hebou edia nega umui haidaua be namo. Sunday ai umui abia heboudia be ma nega ta ai do umui abia, bona bema umui ura pablik tok umui reaia diba. Namona be sekit naria taudia ese unai pura ai edia hebou sediual do idia haidaua idia vadivadi gabuna hegeregerena. Kongregesen ta ta be edia Memorial hebouna do idia karaia be namo. Bema mai dalana, namona be unai hebou ta ta huanai miniti 40 bamona idia noho ibounai ese unai hebou amo namo bada idia abia, vadivadi taudia ita hanamoa, bona kamonai matamata taudia ita hagoadaia totona. Namona be motuka vareai dalana bona atoa gabuna bona motuka guia taudia rakatania bona abia gabudia umui laloa namonamo guna. Elda taudia be do idia laloa namonamo emui gabu totona dahaka umui karaia be namo.

◼ Lagani 2001 ena Memorial negana ena pablik tok badana be Sunday, April 1, ai do idia karaia. Unai hereva ena sinado be “Daika be Hahemauri Ia Abia Diba?” Autlain do ai siaia. Bema unai wiki lalonai sekit naria tauna ia vadivadi, eiava sekit hebouhebou eiava dina tamona hebouhebou umui karaia, April 9 purana ai pablik tok badana do umui karaia diba. April 1, 2001, ia do ginidae lasi neganai, kongregesen ta ese unai pablik tok badana do ia karaia lasi.

◼ Umui Abia Diba Gaudia Matamatadia:

2001 Calendar of Jehovah’s Witnesses​—English

Jehovah’s Witnesses​—Who Are They? What Do They Believe?​—English

◼ Umui Abia Lou Diba Kaset Teipi:

Album of Hebrew Scriptures​—Vol. 3 Proverbs ia lao Malachi (kaset 18)​—English

Jeremiah, Lamentations (kaset hani) ​—English