Memorial Ena Hereva Haida

Inai lagani ai, Memorial be Wednesday, April 16 dekenai do ita karaia. Namona be elda taudia ese henunai idia noho gaudia idia hegaegaelaia:

◼ Hebou ena nega umui laloa neganai, namona be umui laloatao, paraoa bona uaina be umui henia lasi ela bona dina ia diho.

◼ Taunimanima ibounai, hereva henia tauna danu, ese hebou ena nega korikori bona gabu idia diba be namo.

◼ Paraoa bona uaina maorona umui hoia bona umui hegaegaelaia.​​—March 1, 1985, Gima Kohorona, rau 19 itaia.

◼ Hebou ia do hamatamaia lasi neganai, mereki, uaina kapusi, bona pata namona bona pata koua dabua namona umui atoa namonamo.

◼ Kingdom Hall eiava do umui hebou gabuna umui hagoevaia namonamo guna.

◼ Atendan taudia bona paraoa bona uaina henia loaloa taudia umui abia hidi, bona edia gaukara bona do idia karaia dalana maorona idia dekenai umui hadibaia guna, bona mai hemataurai ida dabua idia karaia bona tauanina ena toana namona idia hahedinaraia.

◼ Bema kongregesen haida ese Kingdom Hall tamona idia gaukaralaia, namona be idia hegaegae namonamo, unai amo Kingdom Hall vareai gabuna, raka daladia, bona motuka atoa gabudia ai taunimanima idia gini kava bona gabu idia koua lasi. Bema hegeregere, Memorial totona idia hebou kongregesen ginigunana bona iharuana edia huanai miniti 45 ia noho be namo.