Hadibaia Hereva
◼ September ena henia gauna: Inai buka toi be nega tamona ita henia diba: Emu Ruma Bese Hamoalea Dalana, Hadibaia Tauna Badana Ita Kamonai Henia, bona Memero Kekeni—Moale Umui Davaria Dalana. Eiava inai buka toi danu be nega tamona ita henia diba: Maino Bona Noho Namona—Daika Amo Ia Mai?, Mauri Ia Lao Henia Hereva Momokanina, bona Roho Mauri Bena Tanobada Matamatana Noholaia. October: Gima Kohorona bona Awake! magasin do ita hariharilaia. Ruma taudia edia ura ia bada neganai Dahaka Ita Karaia? buklet hariharilaia, bona dala karaia Baibel stadi hamatamaia totona. November: Diba bukana eiava Dahaka Ita Karaia? buklet hariharilaia. Bema ruma taudia dekenai unai gaudia idia noho, Dirava Tomadiho Henia bukana eiava buka gunana ta hariharilaia. December: Tau Hereadaena. Oi ese Lau Egu Bible Sivarai Buka, Buka Helaga—Dirava Ena Hereva Eiava Taunimanima Edia, eiava Mauri Hanaihanai Paradaiso Lalonai bukana oi gaukaralaia diba.
◼ October 13, 2003 purana ai, Kongregesen Buka Stadi grup dekenai Toi Tamona buklet do ita riviu. October 20 purana ia matamaia neganai, ita ese Dirava Momokani Tamona Tomadiho Henia bukana do ita stadilaia.
◼ Brens opesi ese pablisa ta ta edia buka oda ia abia dae lasi. Namona be hua ta ta lalonai kongregesen ena buka oda be Society dekenai idia do siaia lasi neganai, hakaua naria tauna ese hadibaia herevana ia hegaegaelaia kongregesen hadibaia totona, unai amo sibodia edia buka idia ura taudia ibounai ese buka naria tadikakana idia hadibaia diba. Mani umui laloaboio lasi edena buka be spesel noinoi gaudia.
◼ Elda taudia ai hadibaia lou April 15, 1991, Watchtower, rau 21-3 dekenai eiava July 1991, Iseda Basileia Gaukara pepana, rau 2-5 dekenai ia noho herevana idia badinaia, bema kongregesen amo idia atoa siri eiava idia gini siri taudia haida idia ura orea lalonai idia vareai lou.
◼ Lagani 2004 ena Memorial negana ena spesel pablik tok be Sunday, April 18, ai do idia henia. Hereva ena sinado be gabeai do ai gwauraia hedinarai bona autlain do ai siaia. Bema unai pura lalonai sekit naria tauna ia vadivadi eiava sekit hebouhebou umui abia, pura gabena ai spesel tok do umui karaia diba. April 18, 2004 ia do ginidae lasi neganai, kongregesen ta ese unai spesel tok do ia karaia lasi.